اشتقت لعيونك

**معلومات** **العضو** · 10-03-2012, 08:57 AM

اشتقت لعيونك وانا اقول ياليت=اسعد بشوفك لو ثواني قليله
تدري عقب فرقاك يازين مليت=من حالتي والحال عقبك عليله
ياما على طاريك والشوق لك جيت=وياما لجل شوفك رقيت الطويله
اذكرك دايم كل ما اصبحت وامسيت=ياام العيون الناعسات الضليله
ما عاد تاسع ضيقتي جلسة البيت=والقلب من فرقاك ضايع دليله
وش عاد لو اني من الفكر سجيت=تطري علي بالحلم صوره جميله
منساك لو اني بحبك تناسيت=في مدرسة حاره زميل وزميله
جرح الزمن منه ابد ما تشافيت=والجرح فيني ما لقا من يزيله
تعال من همي وصبري توذيت=اللي بقالي شد عني رحيله
امًا تجي ولاً تراني توفيت=قتيل وانتي يا حياتي قتيله