الأمير / محماس بن مصيبيح بن قويد

[معلومات العضو كحيلان]

بسم الله والصـلاة والسلام على رسول الله أشرف الأنبياء والمرسلين

محمد وعلى آله وصحبه وسلم ، أما بعد :

أورد لكم اليوم بعض القصائد التي قيلت في الأمير محماس بن مصيبيح بن قويد




أطال الله في عمره على طاعته ، وهي لبعض شعراء قبيلة الدواسر وغيرهم من الشعراء .



ونبدأها بقصيدة للشاعر / محمد بن مسفر الدوسري .

قالها بعد خروج الأمير محماس بن مصيبيح بن قويد من المستشفى :

يا مجلساً هداج بنن و جاوي = ومحماس يتعب لك على جزل الأصناف
قالوا مريض وقلت جعله شفاوي = الله يجيره من عواريض الأصداف
الله يجيره من جميع الشكاوي = وبصحة الأبدان له ثوب و لحاف
بجاه من يرفع عظيم البلاوي = وبجاه من يسعى على البيت واطاف
يا سامع الدعوات منك الرجاوي = نطلب له صحة البدن وأنت رواف
شيخ الحدود اللي سوات النداوي = من الوطا دايم على راس مشراف
لا منه اقطم ماه عير الحساوي = يلقا على المرصاد مرقب وهداف
محماس عاداتك تدوس الحراوي = وعادات وقفاتك على الصعب تنشاف
ياللي لغضبين النواظر تداوي = لا جاء نهاراً فيه جاهل وعراف
لا جاء نهار مضيعين الهقاوي = أنته من اللي يرفع الراس ما خاف
لا جاء نهاراً فيه مقدي وغاوي = عرفت عماد الخطا درب الانكاف
بالآد مسعر مقعدين الصغاوي = تعرف مواقفنا جديدات واسلاف
لخطا الحفيف نجيه سيلن نحاوي = تعوم زفراته كما سيل زقاف
ولا هي تخوفنا كثير العزاوي = ولا هي تقنعنا تويغاض الاكتاف
ولا انا بناخذ في الحقوق الرشاوي = تبقى عوايدنا على الحق وقاف
يشهد لنا التاريخ ماهي مناوي = وعلى التجارب بنتقي صافي القاف
وصلوا على المختار بأمراً سماوي = ما لاح براقاً وماهل هتاف

وهذه أيضاً قصيده أخرى للشاعر :

بذكر فعول الاسود وبعض الاجناسي = يوم اتضح لي بوانيها وخافيها
اول ما بذكر فعل بن قويد محماسي = حيثه يحل صعيباتاً مشى فيها
كم صعبتاً حلها من بعد الآياسي = وخلاه يرجي بعد الاياس راعيها
عداً رسين وغزره ماله قياسي = كنه الرواسي كنيناتاً محاجيها
أميرنا مركز الشيخة على ساسي = يفداه من هو يدورها ويخطيها
خطوا كديش(ن) تعوش بالتلحاسي = وأمارته عقب دفع المال يرجيها
أبوك يالهيس جنب عن الاتعاسي = وخل النوايب لها رجالاً تصاليها

وهذه قصيدة للشاعر / محمد بن عجاج العنزي ، وهي تعبر عن معناها :

زبنت شيخاً ضاري للتحاويل = منصاي محماس يا عز من جاك
تكفى يابو مصيبيح زبن المجابيل = ابيك تلطم من لطمني بيمناك
زبنتكم يا امير من زايد الميل = ياعل ربي يكتب الخير في خطاك
انتم هل الفزعات عند المشاكيل = كم واحدٍ فكيت حبله ليا جاك
من غير منصاكم فلالي مداخيل = يا فرحة اللي من بعيداً تنصاك
الوقت سوا له هجوم وبهاذيل = ولا يطرده يكود مثلك وشرواك
وذكرك يشد الراس يامير بالحيل = لو كان ما شفناك نسمع بطرياك
وتمت وصلوا عد وبل المخاييل = واطلب ولي الكون بالخير يجزاك

وهذه قصيده أخرى للشاعر / عايض بن راجح القحطاني ، وهي تعبر عن معناها :

يالله ياللي من ترجاك ما خاب = ياربنا ما غيرك أحداً نسيله
خمس سنوات وجازعاً من ورا الباب = ما نفك سجنه من سنين طويله
فيا ما ذكرنا من مشاييخ واصحاب = ما قصروا لكن ما فاد حيله
فتقدم بن قويد فكاك الانشاب = شوق الطموح اللي تهل الجديله
قلط وقدم على الحاكم كتاب = وفك السجين اللي حاله نحيله

وقال شاعر المخاريم / بخيتان بن ظافي :

يا مسـوي البـن كمـل لـه معانيه = عده وثنّه على ابن قويد محماسي
لاجـاه مضيـوم مـاقـدم معـذريه = خذاه ثم وصله سلمـان مـن الراسـي
يجيـه ويكلمـه هـرجـه شفـاويه = مهوب يكتب حبـر وسـط قرطاسـي
يامـر لهـم بالعطـا بالحـال وقفيـه = وارسل خبر صوب خـدام وحباسـي

وهذه قالها الشاعر / سعد بن عبدالله الدوسري :

يا راكب اللي ما بعد غيرو فيه = توه على مشراه شد الوكاله
ينصا بنا اللي يرفع الراس طاريه = شيخاً ولد شيخاً ومن ضيم جاله
محماس يا محماس يا سعد عانيه = وعون الرفيق اللي نصاه وعناله
لك موقفاً كل القبايل تطريه = شرق وجنوب وغرب وأيضاً شماله
يقودنا شيخاً عسى الله يعافيه = غطا على أعدائه مجاله
أبو معدي من زهم ما يخليه = تراه قايدنا وفيه العداله

وفي الختام أتمنى للجميع التوفيق في الدنيا والآخره .

 

 

 

 

[معلومات العضو غازي المسعري]

كحيلان لاهنت وبيض الله وجهك على ارد هذه القصائد في الشيخ / محماس بن مصيبيح وابو معدي يستاهل المدح صح السانك والسنت الشعراء كل الشكر لك يا كحيلان

 

 

 

 

[معلومات العضو أبونواف الدوسري]

كحيلان

لاهنت وبيض الله وجهك على ايراد هذه القصائد في الشيخ / محماس بن مصيبيح

وابو معدي يستاهل المدح

صح السانك والسنت الشعراء

كل الشكر لك يا كحيلان

 

 

 

 

[معلومات العضو نايف الخييلي]

يستاهل الشيخ محماس بن مصيبيح ابن قويد

ويستاهلون ال قويد المدح والطيب جعلهم المعزه

عشت ياكحيلان على ذا القصايد

 

 

 

 

[معلومات العضو راشد المسعري]

كحيلان ارحب تراحيب الحيا ياكحيلان ، بيض الله وجهك على هذه القصائد الجزلة التي قيلت في شخص يستاهلها وقليلة في حقه. الأمير محماس بن مصيبيح بن قويد وعز الله كفو بابو معدي لاحل طاريه وعز الله ماكذبو الشعار فيما قالوه وابشر به لا اشتدت المواقف فهو راعيها عسى الله يطوّل عمره على طاعة. ولالهم لايم الشعار يوم يزهمونه وينخونه في قضايا مهمة وأخراج سجناء وإعتاق أرقاب بجاهه لدى الدولة فهو من الأمراء المقدرين واللذين لهم كلمة مسموعة عندهم وعند شيوخ القبائل. لاهنت ياكحيلان ومن اسمك ماتجيب إلا النادر الجزل وتقبل ودي وتقديري ،،،

 

 

 

 

[معلومات العضو عطب الضرايب]

أسلمت يمناك ياكحيلان لاخلاء ولاعدم

وكــــــــفو والله بالأمير/محماس بن مصيبيح بن قـــــــــــويد

----------------------------------------------------------
--------------------------------------------------------
-------------------------------------------------
---------------------------------------
-------------------------------

 

 

 

 

[معلومات العضو ابو فهد الغييثي]

كحيلان

لاهنت وبيض الله وجهك على ايراد هذه القصائد في الشيخ / محماس بن مصيبيح

وابو معدي يستاهل المدح

صح السانك والسنت الشعراء

كل الشكر لك يا كحيلان

 

 

 

 

[معلومات العضو الهجرس]

ابو معدي جعل عمره طويل ..

شيخ وابن شيوخ

هذي اقل كلمه اقولها في حقه ..

 

 

 

 

[معلومات العضو محمد الحقبانيـــ]

لهنت ياكحيلان ومشكور على الموضوع عن


اشيوخ الدواسر ويستاهل الشيخ / محماس بن مصيبيح





تحيااااااااااااااااااااتي

 

 

 

 

[معلومات العضو شريخان]

الله لايهينك ويعافي الامير محماس بن مصيبيح
ويجعله ذخرا لهذا الموقع

 

 

 

 

[معلومات العضو فهد الغريري]

المشاركة الأصلية كتبت بواسطة راشد المسعري وملياااار نعم بالامير محماس بن مصبيح بن قويد عز الله قول وفعل جعله المعزه ونسأل الله ان يلبس ابومعدي ثوب الصحه والعافيه لاهنت يكحيلان على هذا الموضوع الوافي تقبل تحياتي وتقديري

 

 

 

 

[معلومات العضو عبدالله بن قويد]

[IMG][/IMG]



محماس عاداتـك تـدوس الحـراوي ... وعادات وقفاتك على الصعب تنشـاف

كفو كفو كفو

الامير /

محماس بن مصيبيح بن قويد

الله يبيض وجهه

والله يطول عمره علمه غانم جعله يبطي حي

...

كحيلان

بيض الله وجهك

 

 

 

 

[معلومات العضو الظافر]

الأمير محماس بن مصيبيح بن قويد وعز الله كفو بابو معدي لاحل طاريه وعز الله ماكذبو الشعار فيما قالوه وابشر به لا اشتدت المواقف فهو راعيها عسى الله يطوّل عمره على طاعة.


ياللـي لغضبيـن النواظـر تــداوي
لا جاء نهاراً فيـه جاهـل وعـراف
لا جـاء نهـار مضيعيـن الهقـاوي
أنته من اللي يرفع الراس مـا خـاف

يا والله اللي ما كذب ومواقفه (ومصادماته) تشهد له جعل يحيا اللي مثله كاااايد

 

 

 

 

[معلومات العضو العماني]

بيض الله وجهك ياكحيلان على ايراد هذا الموضوع القيم والقصايد الجزله من شعراء معروفين وعزالله انها قيلت في شيخ يستاهل المدح وكلمة نعم ماتوفيه حقه .

فالأمير بومعدي اشهر من نار على علم بصيته الطيبه وفزعاته المشهورة للأقراب والأجناب وجاهه المقدر عن الدولة وعند ابناء القبائل .فكم من سجين اطلقه وكم من ملهوف اغاثه وكم من محتاج ساعده واعانه .

الله يحفظ الأمير محماس بن مصيبيح بن قويد ويعطيه الصحه والعافية وطولة العمر ويجعله ذخرا ً للدواسر

 

 

 

 

[معلومات العضو مصيول]

الامير محماس مهما قالوا فيه الشعار افعاله ومواقفه كايده مع البعيد والقريب

الله يطول عمره ويلبسه ثوب الصحه والعافيه ويخليه ذخر للدواسر

وبيض الله وجهك ياكحيلان على الموضوع القيم وصح لسانهم جميع