جزالة الدواسر بين الماضي و الحاضر ( روائع النبط )

[معلومات العضو ابو زيد الغييثي]

بسم الله الرحمن الرحيم الشعر ديوان العرب فالماضي=قبل الدشوش وثورت الاعلامي " الملاحم والمجمهرات الدوسرية " مقدمه : - لقد سبق وان طرحة موضوع في هذا المنتدى عن إبداعات شعرائنا الكرام بالرغم من أني لست بشاعر ولا أفقه الأوزان ولكني محب للشعر، ولكن أعجبة بعدة قصائد ارها الأقرب لي و لهذا اردة ان انهج نهج بعض الرواة المتقدمين ، فلقد اشتهر الأصمعي بالحفـظ وكذلك خرجت مصنفات عدة وتسميات كثر لروائع الشعر العربي فمثال ذالك ما قام به صاحب كتاب " جمهرة أشعار العرب" أبو زيد محمد بن أبي الخطاب القرشي حيث قال : " وعن المفضل ، عن أبية قال : كان أبو عبيدة يقول : أشعر الناس أهل الوبر خاصة ، منهم امرؤ القيس ، وزهير ، و النابغة ، و إن قال قائل : إنه ليس امرؤ القيس من أهل نجد فقد كذب ، واحتج عليه أن هذه الديار التي ذكرها في شعره ديار بني أسد بن خزيمة . وفي الطبقة الثانية الأعشى ولبيد وطرفة . وقال المفضل : بلغني أن الفرزدق قال : إن امرأ القيس أشعر الناس . وقال ابن أحمر : زهير أشعر الناس وقال الكميت عمرو بن كلثوم أشعر الناس وقال ابن مُقبل : طرفة أشعر الناس وقال ذو الرمة : لبيد أشعر الناس وقال جرير : النابغة اشعر الناس وقال الأخطل : الأعشى اشعر الناس . والقول عندنا ما قاله أبو عبيدة : امرؤ القيس اشعر الناس ، ثم زهير ، والنابغة ، والأعشى ، ولبيد ، و عمرو ، طرفة . قال المفضل : هؤلاء أصحاب السبع الطوال التي تسميها العرب السٌّموط . فمن زعم أن في السبع لغيرهم فقد أبطل وخالف ما اجتمع عليه أهل العلم والمعرفة ، ولقد أدركت أكثر أهل العلم ليس بينهم فيهم خلاف . وإن بعدهن لسبعا ً ما هن بدونهن ، ولو كنت ملحقا ً بهن سبعا ً لألحقتهن ولقد تلا أصحابهن أصحاب الأول فما قصّروا وهن : المجمهرات : لعبيد بن الأبرص الأسدي ، وعنترة بن عمرو [ بن شداد العبسي ] وعدي بن زيد وبشر بن أبي خازم و أمية بن أبي الصلت وخداش بن زهير والنمر بن تولب . وأما منتقيات العرب ، فأنهن للمسيب بن علس والمرقش والمتلمس بن جرير وعروة بن الورد والمهلهل بن ربيعه ودريد بن الصمة و المنتخل بن عويمر . وأما المذهبات فللأوس والخزرج خاصة . وقد قال القوم : إن مذهباتهم الفائيات الأربع خاصة وليس بهن إنما هن لحسان بن ثابت و عبد الله بن رواحه و مالك بن العجلان و قيس بن الخطيم و أحيحة بن الجلاح و أبي قيس بت الأسلت وعمرو بن امرئ القيس . و عيون المراثي سبع لأبي ذؤيب الهذلي ، ومحمد بن كعب بن سعد الغنوي ، والاعشى الباهلي ، وذي جدن علقمة الحميري وأبي زبيد الطائي ومالك بن الربي النهشلي ومتمم بن نويرة اليربوعي. وأما المشوبات فأنهن سبع وهن اللاتي شابهن الكفر و الإسلام وهن : لنابغة بني جعده وكعب بن زهير والقطامي والحطيئة والشماخ وعمر بن أحمد وتميم بن ابي مقبل . و اما الملحمات فأن هن سبع للفرزدق وجرير والأخطل و عبيد الراعي وذي الرمة والكميت والطرماح . قال مفضل هذه التسع و الأربعون قصيدة عيون أشعار العرب في الجاهلية والإسلام ونفيس شعر كل رجل منهم " قــال ابن قتيبه الدينوري المتوفى سنه 276 هـ في كتابه : " ولم يقتصر الله العلم والشعر والبلاغه على زمن دون زمن ولا خص قوما ً دون قوم بل جعل ذلك مشتركا ً مقسوما ً بين عباده في كل دهـر وجعـل كــل قديم حديثا ً في عصره وكل شرف خارجيه في أوله " .( ص 10 / 11 ) وقال ابن عبد ربه الأندلسي في باب ( اختلاف الناس في أشعر الشعراء ) " قال النبي صلى الله عليه وسلم وذكر عنده أمرؤالقيس بم حُجر [الكندي] " هو قائـد الشــعراء وصاحـب لوائهم " وقال عمـر بن الخطاب رضي الله عنه لو فـد غطفان من الذي يقول : حلفت فلم اترك لنفسك ريبة ٍ =وليس وراء الله للمرء مذهب قالو : نابغـة بني ذبيــان ، قال لهم [عمر ] : فمن يقول هذا الشعــر : أتيتك عاريا ً خلقا ً ثيابـي =علي رجل ٍ تظن بي الظنون فألفيت الامانه لم تخونهـا =كذلك كان نـوح لايخـون قـــالوا : هـو النــابغه قال لهم : هو أشعر شعرائكم ". انتهى ( العقد الفريـد / لبن عبد ربه الاندلسي / تحقيق: محمد عبدالقادر شاهين / الجزء 6 / طبعه 2005 /1426) " قيل لبعض الشعراء من أشعر الناس قــال : النـابغه أذا رهب ، و زهيـر اذا رغب ، وجرير أذا غضب ". (( فــضائــل الشــعــر )) قال صاحب العقد الفريد في ص 108 من الجزء 6 " ومـن الدليــل عـلى عظــم قـدر الشعر عنــد العــرب وجــليـل خطبـه في قلوبهــم أنه لمـا بعـث النبي بالقرآن الكريــم المعجـز نظمه والمحكم تأليفه [ هكذا كتب في العقد الفريد] وأعجــب قريش مــا سمـعوا منـه قالوا : ما هذا الا سحر ، وقـالوا فـي النبي (( شاعر نتربص به ريب المنون )) [الطور:30] .. وقال النبي في عمـر بن الاهتهم لما اعجبه كلامه : (( أن من البيـان لسحرا ً )) [ فذهبت مثلا ً ] وقال كـعب الاحبـار : " أنــا نجد قومــا ً فـي التـورة أنـاجيلهم فـي صدورهم تنطق السنتهم بالحــكمه وأظنهم الشعراء . وقـال عمــر بن الخطاب رضي الله عنه : أفضل صناعات الرجل الابيــات من الشعر يقـدمهـا في حـاجـاتها ، يستـعطـف بـها قــلب كريــم ويـستـميل قلـب اللئيـم . وقـال عبدالملك بن مروان لمؤدب ولــده : روهـم الشـعر روهم الشـعر يمجدوا وينجدوا . وقـالت عائشه [ أم المؤمنين ] رضي الله عنـها : رؤوا أولادكـم الشعـر تعذب السنتهم . " وقـال الأندلسي ايضا ً : (( ولو لم يــكن من فـضائـل الشعـر[ اي انه من فضائله ] الا أنه أعظم جنــد يــجــنده رسوال الله صلى الله عليه وسلم علـى المشركيـن . ويـدل على ذلك قولـه [ صلى الله عليه وسلم ] لحسان [ بن ثابت ] : (( شن الغطاريف على بني عبدمناف ،فوالله لشعر أشد عليهم من وقع السهام في غلس الظلام ، وتحفظ بيتي فيهم )) . قال [ حسان بن ثابـت ] (( والذي بعثك بالحق نبيا ً ، لا سلنك منهم سل الشعره من العجين )) ثم أخرج لسانه فضربه به ارنبه أنفـه وقال : والله يار سول الله أنه ليخيل لي لو وضعته على حجر لفلقته ، أو على شعـر لحلقته . فقال النبي [ صلى الله عليه وسلم ] : أيد الله حسانا ً في هجـوه بروح القـدس . )) . قبل أن ابداء بالمختارات النبطية من شعراء الدواسر ، أنبه على ان ما اخترته هو ما راق لذائقتي و هناك شعراء فحول كثر و لكن لم أذكرهم و هناك شعراء تجدني ذكرت له القصيده و أكثر وهذا بسبب اعجابي بالنصين ، و كان الترتيب ترتيبا ً عشوائيا ً و أتمنـــى أن ترقى هذه الأختيارات لذائقتكم وهي نخبة مختاره من شعر الماضي و الحاضر و أكثرة من شعراء الحاضر ، ، ، الله مـن هـم بروحـي سهجـهـا =بخا في ضميري في كنين الحشا لاج احـر مـن نـار قوقـد وهجهــــــا =منها خطر روحي على سلك ديبـاج وعين عسى المولى يعجـل فرجهـا=يفوح ناظرهـا كمـا عيـن هـداج استرسلت للدمـع مسمـار هجهـا=غيظ يكظ عبارهـا مثـل الامـواج كـم واحـد لـه غايـة ماهرجهـا=يكنها لـو هـو للادنيـن محتـاج يخاف من عوجـا طـوال عوجهـا=هرجت قفا يركض بها كل هـراج يقضب عليك المخطية من حججهـا=حلو نباه وقلبه ابيض مـن الصـاج الله خلـق دنيـا وسـاع فججـهـا=عن ما يريب القلب لك كـم منهـاج والرجل وان شطت لياليـك سجهـا=عسـى تواليهـا بتشـر بالافـراج وهذه كذلك لأبو زيـد السديري : - يقـول مـن عـدا علـى راس عـالـي=رجـم طويـل يدهلـه كـل قـرنـاس فـي راس مرجـوم عسيـر المنـالـي=تلعب بـه الاريـاح مـع كـل نسنـاس فـي مهمـة قفـر مـن النـاس خالـي=يشتاق له مـن حـس بالقلـب هوجـاس قعـدت فـي راسـه وحـيـد لحـالـي=براس الطويـل ملابقـه تقـل حـراس متذكـر فـي مرقـبـي وش غـدالـي=وضعقت بالكفيـن يـاس علـى يـاس اخــذت اعــد ايامـهـا والليـالـي=دنيـا تقلـب مـا عرفنـا لهـا قيـاس كـم فرقـت مـا بيـن غالـي وغالـي=لوشفت منهـا ربـح ترجـع للافـلاس يقطعـك دنيـا مـا لهـا اول وتـالـي=لو اضحكت للغبـن تقـرع بالاجـراس المستريـح اللـي مـن العقـل خـالـي=مـا هـو بلجـات الهواجيـس عطـاس ماهـوب مثلـي مشكـلاتـه جـلالـي=ازريـت اسجلهـن بحبـر وقـرطـاس حملـي ثقـيـل وشايـلـة باحتمـالـي=واصبر على مر الليالي والليالي والاتعاس وارسـي كمـا ترسـي رواس الجبالـي=ولا يشتكـي ضلـع عليـه القـدم داس يابجـاد شـب الـنـار وادن الـدلالـي=واحمس لنا يابجـاد مـا يقعـد الـراس ودقـه بنـجـر ياظـريـف العيـالـي=يجذب لنا ربـع علـى اكـوار جـلاس وزلـه الـى منـه رقـد كـل سـالـي=وخلـه يفـوح وقنـن الهيـل بقـيـاس وصبـه ومــده ياكـريـم السبـالـي=يبعـد همومـي يـوم اشمـه بالانفـاس فنجـال يغـدي مـا تصـور ببـالـي=وروابع تضرب بها اخمـاس واسـداس لاخـاب ظنـي بالرفـيـق المـوالـي=مالـي مشاريـه علـى نايـد الـنـاس لعـل قصـر مـا يجيـلـه ظـلالـي=ينهـد مـن عـال مبانـيـه للـسـاس لاصـار مـا هـو مدهـل للرجـالـي=وملجا لمن هو يشكـي الضيـم والبـاس بحسنـاك يامنشـي حقـوق الخيـالـي=ياخالـق اجنـاس ويامغنـي اجـنـاس تجعـل مقـره دارس العـهـد بـالـي=صحصـاح دوِّ دارس مابـه اونــاس البـوم فـي تالـي هـدامـه يـلالـي=جزاك ياقصـر الخنـا وكـر الادنـاس مـتـى تـربـع دارنــا والمغـالـي=وتخضر فياض عقب مـا هيـب يبـاس نشـوف فيهـا الديـدحـان متـوالـي= مثل الرعاف بخصر مدقـوق الالعـاس ونثيـر علـى البيـدا سـوات الزوالـي= يشرق حماره شرقـة الصبـغ بالكـاس وتكبـر دفـوف معبسـات الشمـارلـي= ويبني عليهـن الشحـم مثـل الاطعـاس "الملحمة الدوسرية" مدرسة تاريخيه تحكي عن تاريخ من سطروا امجادهم باقلام الرماح وحبر الدماء في زمن كانت ميادين الخيل هي الفاصل ، ملحمه تحكي عن قوانين قَبَليّة ( سلوم ) وضعتها قبيلة بلغ شأنها و مجدها أن تسم عصى الجار و تجعله يرعى يحث شاء دون أن يكون تحت ناظر مجيره ، ملحمه تحكي أمجاد الماضي دون بخس حقوق القبائل الأخرى ، لله درك يا ابا سعد يقول مسعود المقيبلي : بأ سم الاله الواحد المعبود = ابدى بذكره باول المارود واصب قافٍ كالجنيه الصافي = مثل العسل واقطع من البالود من هاجسٍ لاناطحت قيفانه = قامت تداحم لي على المعهود اكتب وراجع كل فعلٍ طيب = افعال ربعي كاسبين الفود وذكر الرجال الطيبة بافعالها = هو غايت الشاعر وهو المقصود واخير مامدح بالقصائد ربعي = ولاغير مدح الطيبين عدود ربعي هل العادات سقم العادي = ((دواسر)) ترسي سوات الطود خطلان الايدي والفعول مجربه = من عصرنا الحالي لعصر جدود اولاد(( زايد ))زايدين بفعلهم = وعيال ((تغلب)) كاسبين الجود انـّا مزبنة الدخيل الخايف = ويشهد لنا ابن مطرفٍ وسعود وانـّا ودينا جارنا من جداره = بين القبائل فعلنا مشهود وبالحرب حداد الجمل عاداتنا = وحذف السمل لاقوّس البارود لاسيقة العطفه وشاشوا بالحدا=لعيون بيضً ينقضن جعود فوق الأصايل والسيوف عصيهم=والباسهم من مالبس داؤود كم خيرٍ بنحورهم ثاروبه=مع درب غيره راح منعى الخود ونزود في وسمة عصى قصيرنا = سلمٍ لنا على الرجال يكود ناسم عصاه ونهمله في دارنا= ايلين يطلب ديرته ويعود مع جارنا يشهد لنا العرجاني = بأفعال( شلال ٍ) وهو مرمود مايشكي الوجلا وحيف الحايف=من كان له لاد المنيعي عضود جريس يثني بالكرم والجيره =وعبلان ماعن كلمته منشود وانـّا اهل رمحٍ يظل ظلاله = في فيته روس الرجال قعود بن صباح ومعه بن خليفة = رمح آل حسن في الموقف المشهود الاشراف طاري (تين) قام يروعها =ووسيم تبكي عزها المفقود يوم (ابن بدران) المسمى عامر = افرع على صفر الرمك سنود ومن كسبنا يوم الطراد الريشة = من حاكم عنه الرجال تحود شهر لها ابن( قويد) مقدم لابة = فزعة شيوخ تنصف المضهود شيخٍ على شيخٍ موارث شيخة = السيف يفعل واليمين اتجود يجر له نمراً يشوّق فعلها = تروي يمانيها عطاش العود يقدى مقادمها ويمنع عقبها = لاعلق البيرق على العمود يوم الخفيّف قالها بمثايله = جونا محددت الجمل بقيود وفينا الضمين يعده الخلاوي = يوم القبائل طارد ومطرود ومنا (وقيان) أمدحه بفعوله =وعادات أخو فرجة مقام الجود في حظنه الميزب نهار الهية=لين انتهى الطارد من المطرود ينسم ألواني ويمنع عقبها=وينحى السبايا لقبلن ورود والهلقمي (بجاد) ما ننسى فعله =عند (الدويّخ) موقفه محمود و(حزام ) اعده معه منا خمسه =مع من بنا مجدٍ تلته مجود يشهد له معزي وباب المصمك= وشلفى (فهد) في بابه المردود وفينا بعيدين المغازي عاده = جرات (ابن عواد) مرذي القود وأثني على (ابن حفيظ) راع الردة = نعم بفعله والعدو ملهود زهم (ابزايد) ونتخى في لابته = مال الفتى عن يومه الماعود وثلاث قبٍ يركبن الحيهن = من بندقٍ له ضربها وكود وزيد الخويري ستر ابل قصيرته = في ساعةٍ حوض الدرك مارود ونا هل الست المهار القرح = يوم الرفيده رده المقرود وهل خمسٍ يشود بها بمخاضه = يوم جلوي جانا يجر جنود ونا هل الست الركايب حنا = وهل الثمان اللي لهن عدود وهل العشر لاد الحبيبي عدهم = والعود ينبت في محله عود والترك ذاقوا بالملاقا فعلنا=كله لعينا باتل العبود عند ابرق الركبان طيب فعلهم=لاد الحريجي فعلهم ماكود وناطى الحفيف الى وزى في داره = هضاب الاشرع بالصباح شهود فيها نعن المعلفي حلايله = الجيب ولّع والنحر مقدود وعند الخوي وقفاتنا معروفه = معيبيل له نعمين وايضا زود ذبح ذلوله والرشاء من جلدها = واظهر خويه بالمتن مشدود وايضا نعد الشمري خوينا =قصر به الموتر بدار زيود بين الدهم والوايلي وعبيده=سباعٍ مافيها اولواني الرقود تقاسموا الموتر وشالوا صاحبه =إلين أدخلوه بديرة بن سعود وخوينا ناسم عصاه تسيّره = كن الخوي مع صاحبه موجود ونعطي عطاياً ماوراها منّه = عطية سويقي عطى المولود وخضير بن شامان راع الحرشى = معطي عطاياً مالهن حدود اللي عطى في يومه امية ناقه = يوم الرجال يكودها المفرود عزوة حسن من يومها لايومنا = مانلحق جزال الفعول جحود وترفق مرتنا من ذرابة سلمنا = في وجه ابوها والسلوم بنود وبيع اللحم عيبٍ علينا عايب = والماء علينا بيعته منقود ولاناكل الفجوة ولانقبلها = عزة نفوس في فعول اسود والضيف قدره عندنا مثلوثة=يوم القرى على الرجال يكود و (عامر) بقدر الضيف فعله بيّن=كرايمٍ ماجا لهن نّدود كرامته للضيف من حيل البل =تسعين غير الشاه والقعود في ديرةٍ تجذى المناوي دونها = عنها نعدي بالنمش ونذود ديرة نخيلٍ مايطير غرابها = ليال ظايفها ليال سعود وديرة جهام مايزعزه النذر =منداً مساس ومنهل قرهود دارٍ حميناها بسيف وبندق = قدام يطلع دولةٍ وحدود بين (العتيبي )و(قحطان) وحلفهم = و(سبيع) و(المره) هل النفود شرقيها (العجمي) بخيل وسله = وجنوبها (اليامي) الى الاخدود يرسخ بها الغرس المظل الداجي = وترعي بها الابل بين وضح وسود اقسومنا لامن علن سهومنا = لابيّن الصامل من الشرود ماجاتنا عطى ولا نحايل = من حفنا ماجت بدفع نقود بمشلشلٍ يفرى النحر مظرابه = لامن لحق لباسة الماهود قرايع الشجعان من حفانها = سند غواربها عراض خدود نبرى لها من فوق قب و ضمر = ننحي الجموع ونحتمي البلود ياما نحينا دونها من نمرا = عقب الطمع وقفت بهم عرجود هذا ونا من عزوةٍ معروفه = فرجان لاجا حاوي ومردود انا معيلة الطراد بظربنا=لاجات بالسلات والعبرود نواسة القيمان فوق الضمر = هذا يصبح يوم ذا مهجود كم ذود مصلاحٍ لفوا يشعونه = بضرب القنا والصاطي المجرود سودٍ حراب الشلف وصف آذانها = تقول ترقى مشيها سنود نزالة القفر الخلى لاخلي = ودباشهم صوب الحفيف تقود عساسها البراق من يم الخطر= ترعى الزهر لاشاخ فيه فنود من مدهله يقزي الوضيحي نشرها = ترعى الطرف يوم البرى مردود يبرى لها سردٍ عليها ندر = قبٍ عياطيرٍ عليها فهود كم شيخ قومٍ عندها ردوبه = لامن غدى للجبخان رعود عقب الطمع والزوم واللي معهن = في كبده الشلفا الوريع تنود هذا قليلٍ من فعايل ربعي = ماعد غير الواقع الماكود مثل البحر ماينقصه غرافه = ومثل الجبل يلجى به المضهود للصاحب ظلالٍ وشهدٍ صافي=وعلى العدو همٍ وسم كبود المدح يزهاهم وهم يزهونه = ويزين في ساس الكرم والجود ولا قول بفعول القبائل قاصر = الاجواد تعطى حقها بالزود الطيب ماله بالملا حكاره=حبل المراجل للعرب ممدود لكن يبي صبرٍ وعزم وهمه=همة رجالٍ تحتمل للكود أدرى عواقب كلمتي لا قلتها=ابذل على القول الصحيح جهود ابي هل العرف تعشق مضمونها =واصونها من كلمة الهبود وختامها صلوا على نبينا = عداد ماهبت هبوب النود راعي البير الاميـر محمـد بن منيع البدارين شاعر من اعلام مدن نجد قليل من ابناء الدواسر يعرفون عنه شيء لم يصل الينا من قصائده الا هذه الفريده في أحد أمراء نجد و الشرق في ذلك الحين وهو " ابن عريعر " : مراقي العلا صعب شديد ســنودها =مكاد على عزم الدناوي صعودها فمن رامها بالهون ما نال وصلها =ولا رد غيظات العدا في كبودها شراها بغالي الروح والمال والشقا =وصبر على مر الليالي وكودها فلولا غلاها سامها كل مفلس =ولولا عناها كان كل يرودها فلكنها بالعزم والحزم والشقا =وخضب الهنادي بالدما من صدودها وبذل العطا في ماجب الحمد والثنا =مخاطر بحالات خفي سدودها وغض نظير العين عن ذنب صاحب =تجي من صديق زلة ما يعودها يجيب إلى نادى المنادي لمطلب =سريع مطيع سالم من حقودها وبالحلم عن زلات الاصحاب طولة =ولم العصي ما يقطع الشر عودها فلا طير إلا بالجناحين طاير =ولا كف إلا بالقوي من زنودها ومن لا يرد الغيظ بالحلم زينت =له النفس حالات خبيث ورودها ومن عنها بالصبر حتم يردها =ويشوف مطاليع الهدى في ركودها ولا فايت من صالح في هوادة =ولا طايل في قطع كف عضودها ولا خير في عين حديد نظرها =قريب ويعمي شوفها عن حسودها ولا خير في من لا شاف مولم =بالاضداد ما يحمي عليها وقودها ومن لا يبادرها إلى شاف فرصة =على الضد يضحي نادم من فقودها ومن هاب خاب وعاش بالذل واشرفت =عليه الغداوي طالبين حقودها ومن شرع الهندي بالالباب وانتظى =نهار الوغى بيض الظبا من غمودها تحامي حماه الضد في نازح النيا =وذلت له رقاب العدا في سجودها ومن ودع أوباش البرايا حديثه =فهو عامي الشوفات مخط قصودها فلا تورد الحاجات يا ذا الجلعد =أيادية ما يرجى الجدا من مدودها مد الرجاء واقصد جناب تعودت =أيادية مد من غوالي فنودها فمن عودك من فيض يمناه عادة =عليه حتم بالصخا ان يعودها ومن فك عن زنديك بالعسر يسرها =وهي كان ملوي عليها قيودها عطايا تجي من بارع الجود والثنا =تحاكي بها الوفا راجين جودها ترى ان كان غاليت الثنا في مديحه =فـ جلعنك ما جاب الرجاء من قصودها فما غير سعدون مزار إلى عنت =علينا الليالي طايلات جنودها مدحته علي ما كان مقدار فعله =فلا عاش كاتم الحساني جحودها فهو لي على الشدات ذخر ومسند =ويا نعم مقصود لنا من ظهودها بوجه طليق بالبشاشات مشرق =وعين عن العاني قليل صدودها وكف حميدي كريم بنانه =وكم ذا خلى فقر المقلين جودها حريب الردى مسقى العدا شرب الكدا =من الغيظ غصات البلا في كبودها حليف الثنا موضي السنا طارد العنا =عن شاكي ضيم الليالي لهودها حوى من جليلات المعاني سمانها =وعاف المعايا للرزايا تقودها يلبس ثياب الحمد بيض جدايد= وللغير يرمي ما بقى عن جرودها وحسناه ما يقوى فصيح يعدها =يضيع مع الحساب وافي عدودها بحلم و مجد واحتمال وهمة =فراسة مقدام تراها شهودها وعفو عن المجرم وصبر وشيمة =ونفس حماها عن رزايا نقودها رفيع الثنا ما ياكل الليل علمه =إلى سمعت انذال الملا من قرودها مدى العمر ما جا زلة يذكرونها =ولا خان عدوان رماث عهودها كريم على الشدات رحب جنابه =عزيز الذرا للملتجي عن ظهودها فلا طايش يوم إلى نال طولة =ولا جازع من صرف دنيا وكودها فيا من علا فوق العلا كل مشرف =وله رز رايات رفاع بنودها فرضت لنا فرض قديم رسمته =بخط يد ورث الندى من شهودها وذا العام يا عيد المراميل خامس =ولا جاك منا طالب في نشودها وذا العام يا كساب الانفال قادنا =اليها امور موجعات بدودها غدا الرجاء به مثل راعي وداعة =وثيق عليها آمن من جحودها فجد غير مأمور بتنجيز حاله =وبكر بها واجعل جوابي صفودها وغدا تجاز العفو من فضل قادر =إلى حضرت مع كل نفس شهودها سيـــف الغوينمي (( المصلحـة )) رحم الله من كانت ابياته كسيف ، تداري الفتنه و تجمع و لا تفرق: أوصيك يامنـه صـدوق صـادق=احفـظ وصاتـي واتعـظ بأمثالهـا تـري المثايـل للرجـال علامـه=تهدي بهاطـرق الهـدي وأسبالهـا من حاذق قدقـاس الاشيـاء كلهـا=ومغـربـل بدقـاقـه واجلالـهـا أمـا مـلاواه الحـروب عرفتهـا=وهي البحور وكم غدا فـي حالهـا تري الحروب مايسعى بهن مشبـب=كـم دفـنـت بينـاهـا خمالـهـا فما الخصـم روس النقـم بهمومـه=تسّهر طويـل الليـل مـن محالهـا فلا خير في هـرج يكـذب قايلـه=لا عّرضت الاقـوال فـي مظالهـا فيا محزمي اركب من على منجوبـه=تعجبك في جو الخـلا سـر بالهـا صفـاقـة صعـاقـة سـبـاقـه=تشدي الربـد يـوم حـق أجفالهـا منجـوبـة معلـومـة مجنـونـه=تجفل الـى شافـت سـواد ظلالهـا عشـر ليـالٍ مـا يهـون ربخهـا=والعشر الأخـرى مخطـرِ بقفالهـا تنشر من هجـر المسمـى مجنـب=بين الجنـوب وبيـن نفـد رمالهـا تحط الـدروب المخطـره بيمانهـا=وتحط يـا ريـن الوبـا بشمالهـا ثم نصهـا الأفـلاج فنهـا ديـره=من منوة أهل الهجن عنـد أنكالهـا أيــوا الله ديـــره وقبـيـلـه=لـون فيـهـا ريــسٍ يرفالـهـا أبـدويـه شـاويـه أحـضـريـه=كل المعاوش تجتمـع فـي جالهـا اختص من يدعـى بعـزوة نابـت=مراجـل الدنيـا غـدو بـا نفالهـا متحمليـن اللحـرب كـل قبيـلـه=بين الجنـوب وشرقهـا وشمالهـا لاجيت بامـدح ذا إلـى ذا مطـوف=مثل الدراهـم يعجبـك صلصالهـا ثـم نصهـااللهدار فيهـا جعيـثـن=من منوة أهل الهجن عنـد انكالهـا سلم عليهم وأنـت فـوق نجيرهـا=ولا تريـض لـو علـى فنجالهـا أحـب لامـرت ذلـولـي ديــره=تطري الرجـال الطيبـه بأفعالهـا ترى في الرجـال مقّـدمٍ ومؤخـر=مثلاليميـن اتمـد قبـل شمالـهـا وترى في الرجال مثل الجبال شوامخ=فيه الذرى والماء وزبـن أوعالهـا وترى في الرجال مثل الرمال مهالك=لاتمـنـع العـانـي ولا يعنالـهـا ان جيتها في الحر يؤذيـك حرهـا=وإن جيتها وقت الشتا بـرد شمالهـا ترى في الرجـال مثـل الحماطـه=ترى الحماطه مـا يظـل ظلالهـا وترى في الرجـال مثـل الكتـاده=ترى الكتـاده مـا يخـل خلالهـا وترى في الرجـال طيـب ومعيّـه=كـب المعيّـه حرمهـا وحلالـهـا أردالسليمه كان خفـت مـن الظمـا=وانص الرجال وخل عنك اهزالهـا اجزع اليهـم بالركايـب ونصهـم=روس الركايـب لا تطيـع عذّالهـا انص الوداعين الرفاع اهـل الثنـا=اهل الصخا واهل العطا من مالهـا ترى الجار لا من داس فيهـم زلـه=رفوه وكبـو أقصارهـا وأطوالهـا أقصد أهل الفرعه وهم مقصودهـا=وهم غرضهـا يـوم شـد رحالهـا رز اللوا بين القصـور وصحلهـم=حتـي تجيـك افروعهـا وادوالهـا قـل اصلحـو دون القبايـل بينكـم=ترى الحروب تصير جذب خلالهـا لاتنتخـون اعيونـكـم بايمانـكـم=تاطاكـم العـدوان وطـي انعالهـا ضفـوا جماعتكـم واغمـو حفكـم=ولا يشيل الحِمـل كـون اجمالهـا ولاتطيعيون القـرود أهـل الـردى=مايمدحون اهـل الـردى لافعالهـا عدوانكـم احبلـوا لكـم حبـايـل=ترى الحـرار يصيدهـا حبالـهـا اسقوقكم السـم المصفـى بالعسـل=اللـي اللعافيـة الـبـدن سلالـهـا العفومااكثرفـي البـلاد عدوانـكـم=بانـو فـلا كـن الملامـه فالهـا ولا تمسـي إلا مصلـح شافاتـهـم=ماتمـدح اليمنـي بقطـع شمالهـا ثم شق جيب الثـوب واظهرعـارى=ثم افصخه بيـن النسـاء ورجالهـا قل لهم جرا منكـم ثمـان سوالـف=كـل يصـدق قـايـل لا قالـهـا الأولـه منهـا المبيعيـج نـاصـر=زلّـت غريـر سببـت لاجالـهـا جـره عليـه ولاط حلقـه فـوقـه=وقـال الثيـار حلاتهـا عجالـهـا والثانيه لا بـاق واحدفـي سيـره=اذبحوه ذبح الشـاة وسـط احلالهـا يبغـون مثلـه مايهـم ابمثالـهـا=ولا الديـه ستـر ٍلهـا وجمالـهـا واللى فعـل ذا الفعـل لاد عويمـر=وهم افحـوال المرجلـه وزحولهـا ترى مثارالصدق يبعد عن الـردى=وترى الهروج تضيع كون صمالها والثالثه يوم طاح العاطفي في حسينا=عطـاه سعـد اديــه وامثالـهـا وامـه عجـوز ضاميـنٍ حوشهـ=اراحـت تشيـل حمولهـا وجمالهـا فذا شرعنا فـي الجـار لاجاعندنـا=اتعلـم بـهـا عقالـهـا جهالـهـا والرابعه منهـا بيـان ابـن سليـم=في البير طاح وطق راسـه جالهـا ظهـر لناالـى فيـه فعـلٍ بـيّـن=في جبهته مطـرح ثـلاث اقفالهـا هو جار كسـاب المراجـل مانـع=كسابـهـا فـيـادهـا ختـالـهـا عطـاه صفـرا سابـق معلـومـه=صفرا تشوق العيـن فـي خيالهـا أول فوالتهـا أربعـيـن جذيـبـه=إبل المريخـي يـوم ربـي زالهـا والخامسه الجدار منها وداابن خليّف=عطا اديـه وقـفٍ بغيـر امهالهـا افهاذي خمسٍ مـا فعلهـا غيرهـم=من طلعـة البيضـأ الـى حوالهـا والسادسه لاجات السنيـن الممحلـه=وإن كف من وبل السمـاء همالهـا منصى ومناخ لمـن ركبـو النظـا=لا مختلـط عقـب القفـال احبالهـا يالـقـون بشـاشـه وهـشـاشـه=وفـرش يقلـط فوقهـن ادلالـهـا وصحون سـريٍ وبينهـن نحوتهـا=سمـن يـداري دفقـهـا شيالـهـا وشحوم ضانٍ فوق صفـر فتاته=ـموالافقـار دايــم يعـبـا لـهـا والسابعـه زبـن المجـنـا لاوزى=يامن ويبسـط فـي بـراد ظلالهـا ولا يطولـه كـل منهـو طالـبـه=ويحط علوى فـوق روس جبالهـا والثامـنـه حمـايـه بجنـودهـا=تحمي ولا تعتاز مـن يحمـي لهـا مثل الخلاصه يـوم يوقـد كرهـا=تنفٍخ وكـل قـد عـرف غربالهـا والتاسعه ما يصبرون على الخطـا=ولا تـداري فـي الخطـا عيالهـا يخزمون صعوب الشره لين تحطها=مثـل المعيـد تسوقهـا عمالـهـا فنحمـد الله يومنـي مـن روسهـم=تلحـق علومـي بالجميـل افعالهـا مـن لاد والمـان سلالـة غـانـم=خـذو المراجـل دقهـا وجلالـهـا لاجيت أعـد افعالهـم ماحصيتهـا=من كثر مـا بـي يفتضـح قوالهـا فـزاعـةٍ نـزاعــةٍ بـزاعــه=مثل الأسود تجـور فـي مصالهـا فياماهفى في ورودهـم مـن نـادر=لامن ضوى الحرب شـب شعالهـا كم كاعـبٍ منـا تجـب جعودهـا=لبست ثياب السـود عقـب جمالهـا لاسقف البـارود دجـرة روسهـم=تقضي جموع الضـد فـي سبالهـا لامن بغيت من الحـروب تخلـص=أكثر عليهـا مـن وقـود شعالهـا حتاك تعلـوا كـل راعـي طلابـه=كما اعتلآ العـارف علـى جهالهـا وباب النجاة الصدق لاجـا صـادق=فـإن زاد برطيـل فـزد برطالهـا تـرى موازيـن الرجـال جليسهـا=وبعده تعـرف خيارهـا وانذالهـا وأنافي موازيـن الرجـال عرفتهـا=بالنطـق تعـرف عدلهـا وميالهـا وثالث موازين الرجـال كمـا هـي=وبعـده تعـرف خفافهـا وثقالهـا ان كان شيخـان الدياراهـل الثنـا=تعطي وتفعل جودهـا مـن مالهـا جيرانهـم مـن عـزة فـي عـزه=رفـايـةٍ لفتوقـهـا بشـلالـهـا فان كـان شيخـان الديـار هـوام=تاكـل ولا تكـل افقطـع سلالهـا أوصافهـم مثـل البغـول الربّـخ=ماحصلـت لبطونـهـا وعيالـهـا والجـار يمسـي بالمهونـه بينهـم=كـب الوجيـه الظالمـه وفالـهـا وختام قيلي بالصـلاه علـى النبـي=إعـداد حجـاج تـمـر اميالـهـا الاعر الفارس / شيبـان بن قويـد " الفارس الأخير " وهذه أحدى قصائده : إنـا هـل الهجن لامن شاننا شاني=الـلي نسوق النظا لاجات مواجبها عـاداتنا من على عصر ابن بدراني= لامـن ركـبنا عليها ما نروف بها سـقنا الركايب وجينا المركز الثاني= وصلت بنا الطور تومي في جنايبها نـعشي الطير هو والذيب سرحاني= ومـا زاد مـنها تـعشاها ثـعالبها كـله لـعيناك يـا سحاب الارداني= الـلي تـحط الـمزعفر في ذوايبها كـم نـشر قوم عليه نجر الاكواني=لامـن خذينا ابلهم غصب نروح بها يـكون هـو من يجينا ياخذ العاني=هـذاك لا وافـقت ابـله نـجنبها لامـن لـحقنا الـطلب منا بذلاني=كم سابق ٍ من خيار القوم نعطبها آلاد مـسعر الـى مـن ثار دخاني= هذا طريح ٍ وذيك تعض غاربها أبيات مسعود بن سعد المقابلة كانت سببا ً من عدة اسباب لعتق رقبة أحد ابناء القبيلة : ياراكب اللي تو ماشق نابها = وجنا ً شناح ٍ متعبين ضرابها من ساس عيرات عراب ٍ همايم = لولا اللزوم الصعب ماينصخابها لا روحت يبرى تعبها هذيلها =تقبض خطى وتموج من زود مابها تشدي ظليم ٍ ذيّره مصلف الندب = كن السباع تهوشها في عقابها علق بها حمر الشلايل تخفّها =وخلها تهوم البيد تنقل كتابها انحر طويق وذب في نايف الحجى = وازهم بصوت المستعر من ثيابها ازهم هل العادات كسابة الثناء = اللي اليا ثقل الحمل ينتخابها ازهم من الجدين (زايـد) و(تغلب) = انخى الرجال اللي يذري جنابها يجون خطلان الأيدين ( آل زايد ) = هل عزوة ٍ يوم الظفر يعتزابها يجونك الظفران من ساس (مسعر) = أهل صخاف الشول منصى جوابها آلاد (مسعر ) مروية يابس القنا = لا طار ستر اللي سهت من ثيابها ويجيك من صوب (الغـياثات ) فزعتك = أهل الثمان منومسة من حكابها موسعة الحدود وأهل الطرف = وأهل عطاياً غيرهم ماصخابها ويجيك من (لاد الحريجي) هل الظفر = وجيه ٍ تبشّر بالنصر من غزابها فزعة مسامير الأشده بحلّها = الترك قد ذاقت مرارة عذابها ويجيك من صوب (الشرافا) جراير = ندر حرار ٍ ترتهي بالعشابها رمّايهم يرمي وعجل ٍ ولامه = في ساعة ٍ ضاقت على من رمابها ويجونك ( آل بريك ) من زايد السطر= كل مجرّد خنجره من جرابها (جريان) لاركبوا على كل سابق = كم حلة ٍ مركاضهم من ذعابها ويجونك الظفران من (لاد سالم) = جموع تزبّر مثل شامخ هضابها يجون من علوى (عيال المنيعي ) = فخذ الجموع مذرية من لجابها كل يزقف بندقه قدم وجهه = هل فزعة ٍ يوم البلا يندرى بها وتجي جموع ٍ (للوداعين) ترتدم =مثل الجمال الصايكه في ضرابها أهل ثمان سلوم وان جاء المجابه = شيبانها ماتـتقي في شبابها ويجونك (الرجبان) كسابة الثناء = محددة يوم المثارى ركابها كسابة الناموس ريف الفداوي = أهل البيوت اللي رفاع ٍ قطابها ويجيك من صوب (البدارين) لابة = فزعة ظفر في وقتها يندرابها يجون مقدمهم زحول ( السدارى) = عيال (الضمين) اللي يجري هيابها ويجيك جمع (التغلبي) يجلي العمس = يجي على هقواتك اللي تهقابها يجيك من (لاد الحبيبي) سعودك = هم درعنا لازاد وحم اشتبابها يجونك أهل العشر لاسمعوا النداء = اللي على الناموس تحفي ركابها ويجي من (الحقبان) فزعة قرومهم = تبري من الكبد العليله صوابها ويجي مع لادالعياضي ( مشاويه ) = من جابهم روس الأمور ارتهابها ويجيك من صوب (الخييلات) لابة = هل فزعة ٍ كل يحسبّ احسابها يردون حوض الموت لاغلي سوقه = وخيالهم لاجاء الأعادي سطابها ويجونك (عمور) شقي ٍ حريبهم = دروعنا اللي مافشل من عدابها ويجيك منهم كل قرم ٍ مجرب = صعب الامور الكايدات ارتهابها ويجونك ( آل جعيد) لاسمعوا النداء = فزعة ظفر يوم الكدر ينشفابها ويجيك جمع ٍ من (جميلة) هل الظفر = (آلاد بن مفلح) ذرى من لجابها (نتيفات) ساس الجود من طيب فعلهم = عدوانهم سم السقطري شرابها و(لاد الكبيري) ماتوخّر فزوعهم = وجيه ٍ تطوّل وجه منهو مشابها ويجيك لامنك نخيت (الغريري) = هل عزوة ٍ بالطيب وثق(ن) قطابها قلته وانا لي لابة ماتوخّرت = لاجات هوشات الظفر يندعابها (آلاد حسن) مطوعة كل عايل =خيالة الحرشا سعدها حجابها يجونك اهل الرمح واهل العوايد = ستر الهنوف اللي زهاها خضابها يجيك غوش سايقه رايح السطر = لا جاء نهار الكون تروي حرابها أهل بيوت مايروع قصيرها = ومن ضامته سود الليالي التوابها آلاد حسن متعبة كل سابق = ورّادة الهيجا نهار اشتبابها لا جو بيضان الوجيه وتلاحقوا =وكل ٍ يقول الصعب عندي وانابها اظفر بصوت ٍ كل من جاك يسمعه =وبتّل على خطلان الأيدي جوابها اليوم فزعات الجهل راح وقتها = باوقات جهل ٍ سود ماينسرابها حنا باسلام ٍ وشرع وعداله = في ظل حكام نعيش بذرابها في ظل حكام الجزيرة فهودها = من فعلهم كل ٍ يبيها وهابها آل السعود مزبنة كل خايف = حكام نجد اللي نقود الرجى بها عيال من حدد حدوده بسيفه = يوم الفتن في نجد يشبك ضبابها تـــكفون يالظفران في موقف الظفر = أنتم هل الفزعات لافتح بابها اليوم فزعتكم فداية ولدكم = بأموالكم يامسعفة من شرابها يوم لنا واليوم الأخر علينا = وترك يدين ٍ ماتحوشه هبابها ان مانفعنا المال في مثل يومنا = غدت علوم ٍ كل حي ٍ حكابها ذي حزة الأموال ياجاهل ٍ بها= ان ما انـفعتــنـا اليوم ويش ينبغابها؟!! اللي يخلي صاحبه بالهوايل = ماينفعه بالكايده لا ابتلى بها يقطع شجرة ٍ ما تظلل عروقها=من قبل (شين الحلايا) بدابها لولا الحمايا كان رحنا همايا = ولولا حمايا القوم كلن هقابها وقول بليا فعل مايقطع الظما = مثل الفجوج اللي ثلاعا شرابها هذا وختم القول صلوا على النبي = عداد ماترعدوتمطر سحابها عبدالله بن راجس الخضاري الرجباني مدرسة شعرية اعتذر عن وصفها و أقدم لكم هذه الدره وهي " فصيـــحة " : سلوا الدهر والتأريخ عن آل زايـدٍ=وعن تغلبٍ صنوين في المجد مذ كنّا دواسر في الهيجاء أسـدٌ غطـارفٌ=تدور رحى الموت الـزّؤام إذا بنّـا حمينا حمانـا بالسيـوف وبالقنـا=تلين جلاميد الصخـور ومـا لنّـا ملكنا الثرى يومـا وذلّـت لملكنـا=ملوكٌ وسدنا الدّهر يوما ومـا هُنّـا حمينا ذمار الجار حتـى لـو انّـه=بغته المنايا شُرّعاً لـم يبـن عنّـا وسمنا عصاه وراح في ذمّة العصا=ولو شانت نفوس الموالين ما شنّـا تموت الخلايق والحقايق تورّخـت=ونقش الصّفا ما هو كما نقشة الحنّا لنا المجد والتاريخ والعـز والفخـر=رقينا على هـام المفاخـر ودونّـا دواسر قد حزنا على الفضـل كلِّـهِ=ولم يبقَ إلاّ أن يكُ المصطفى منّـا يتبع . . .

 

 

 

 

[معلومات العضو ابو زيد الغييثي]

فراج بن فهد آل تركي الشكرة طبعآ جارف شاعري المفضل و توصيات عليا تستحق ان تسمى " شيخة الوصايا " :- وين (فرعون) الملك وينهم (عاد وثمود)؟!!=وين راح (أصحاب الأيكة ) و( إرم ذات العماد) ؟!! عقب شامخْة القصور أسكنوا جوف اللحود=مابقى ألا أطلالهم تشهد بضعف العباد كل كاين حيّ ماله على الدنيا خلود=الخلود لواحدٍ رافع السبع الشداد والحظيظ اللي تغانم وجوده في الوجود=واكسب الذكر الحسن والهداية والرشاد يا فهد ياآبوك هذي مقدّمة البنود=واستمع الآتي وأنا ابوك واكتب بالمداد رافق أهل الدين أهل الركوع أهل السجود=أتقياءٍ دينهم ليس سلعة في مزاد سجدةٍ لله في الليل والعالم رقود=عندهم تسوى الملايين في ( بنك البلاد ) وجنّب اللي في المعاصي مصادير وورود=قومٍ تشابه للأنعام يامال النفاد القلوب الغافلة بين نكران وجحود=والوجيه الودره اللي توشّح بالسواد واتجّه للعلم وابذل حثيثات الجهود=واخلص النيّة ويرزقْك ربّي بإزدياد وإن عرض لك يافهد في مشاويرك حيود=ارقها وألا فشلها على ظهر الجواد الظبا ياأبوك من دونها أنياب الأسود=والجواهر دونها القرش وأمواج العناد والكفو مهما وقع تنهضه روح الصمود=والردي لاطاح طاح وغدى جمره رماد والجبال الراسية راسية من عصر (هود)=لو تقوم تطير وتوقّع أسراب الجراد ومن حفظ ربّه وهي توّها سهودٍ مهود=احفظه ربّي من الوقت لاناش الزناد فاحفظ القرآن ياتي شفيعك في الحشود=لانفِخ في الصور للخلق في يوم المعاد ومن رحيق السنة انهل وشمّ أزكى الورود=تنتشي روحك ولجروحها تلقى ضماد ورافق اللي لو يشحّ الزمن كفّه يجود=مايبالي بالخساير ولاويش استفاد في العطايا تحسبه من عيال ( ابن سعود)=لوهو أفقر في الحقيقة من أهل ( إسلام أباد ) رافقه تاخذ طبوعه ويرقى بك سنود=وإن بداله لازمٍ خلّك لجنبه سناد والله الله يافهد في شجاعات الفهود=وأعظم أنواع الشجاعة تسطّر في الجهاد لافتح لك باب : فاذهب .. وجعلك ماتعود=والوعد في جنة الخلد كان الله أراد حقّق اللي دون تحقيقه أرسف في القيود..=بين لفحات السمايم ونفحات البراد واحترس من كل غرٍّ ترك حرب ( اليهود)=وانشغل في حرب قومه بتفجير العتاد يافهد موتة شرف بين ثكنات الجنود=خير من عيشة ترف تحت ظل الإضطهاد البروق تلوح في نجد وتْدنّ الرعود=والمطر ماهلّ وبله ولارشّ الحماد من ذنوبٍ نقترفها على مرأى الشهود=ومن تخاذلنا عن مْناصر شْعوبٍ اتباد ومن سكوتٍ يعترينا ومن ذلّ وجمود=والرسول المصطفى تشتمه بقْرٍ اتقاد يافهد هذي خلاصة تجارب من عقود=وقالها قبلي هل العرف وشيوخ الشداد وإن سهجت الخط الأحمر وجاوزت الحدود=فالله ايعزّ الحكومة ويهدينا الرشاد رده فعل من رجل صاحب حميه لجماعته كمحمد بن سالم بن فهيد الخضران تكون هكذا و إلا فلا : كب المعايا وباب المعرفه صكه=وخل الفعايل لاهلها ياكحيلاني حنا كما السيل من جا فنحره دكه=خطلان الايدي وملفا الخايف الجاني يشهد لنا من جلا بالخوف من مكه=ويشهد لنا ضرب حد السيف شاماني يوم ان بعض القبايل تبغي الفكه=من جمع جيش الشريف اللي لفا عاني حنا هل النصر والقيمان مشتكه=وحنا دوى العين للي كان عمياني قبايل في صحاري نجد مصتكه=من حد يام جنوب لدار راكاني يفرح بنا من لفنا والدهر ضكه=معاد ينشد من الاقصين والداني وصكوكنا يوم كلا قاطع صكه=بالسيف والرمح ناخذ زين الاوطاني والشعر ماكدني حبكه ولا سبكه=في مدح تاج الفخر خطلان الايماني راشــد بن عبدالمحسن آل أبو سباع وعدني بأن يكمل هذه الابيات الرائعه ولكــن لم يكملها حتى الآن : يالله ياربـي عليـك رجـائـي=يامولج الإصباح في الظلمائـي يالله ياربـي تغفـر وتـرحـم=لاضيعت بعض البشر الاهوائي يالله ياربـي نسالـك لطـفـك=في يوم تنسى المرضعة الابنائي في يوم لاحولن ولا بـه قـوة=ومن شدته تنطق به الأعضائي البارح البارح طرت لي فكـرة=فكرة قصيدة عانقت الاضوائـي قصيدتـن للغيهبـان الـمـري=الطرق طرقه والقصيد إملائـي وقد قالها قبلي صبـي العرجـا=ضيدان راع الـدرة العصمائـي يازين مدحه فالنشامـا ربعـه=يستاهلون المـدح والإطرائـي وأنا وشعري من فدايـا قومـي=أهل الرمح والبكرة السودائـي وسيوفهم موت وحياة وهيبـة=وكم قدمت للجائعـات أشلائـي قومُ ُإذا شـحّ البخيـلُ بمالـهِ=أفقرهم بوقت القسـا معطائـي دواسـرن تميـزوا بسلومهـم=الطيب والنخوة بهـم تلقائـي من صان شعره شاع لوّه ميت=لو قايله قـد غـادر الأحيائـي ومن هان شعره ضاع لوّه باقي=مثل السراب اللي على البيدائي مطلق بن عبدالله الحصآن آل عمار شاعر متميز ذو ابيات راائعه : يقول منهو للمثايل هواوي=يتلّها تلّه زعاجيل الآقطاع لامن بغيت القاف ماله ملاوي=ينقاد لي من جمله الفكر مطواع برايقه تشعق بغيمه سناوي=وإليا احتما تظرب صواعق للآسماع ينهلّ ماطرها وسيله نحاوي=الحق جذيبه في مغيبه إلى زاع سخرّتها في مدح ربعي مهاوي=لعلّها توفي بوافين الآسناع دواسرٍ لامن عوى كلّ عاوي=تقدم على الجزلات لامن دعا داع دواسرٍ سمٍّ على كلّ غاوي=للسيف سيف ولطيب السلم بِتّاع دواسرٍ لازعزعن العزاوي=توفي إلى قامت على الكيل بالصاع دواسرٍ لاروّحو بالحداوي=تجزع سبور القوم مع كلّ مطلاع دواسرٍ لاضيّعنّ الهقاوي=تآصل هقاويها وللحقّ قطّاع دواسرٍ عوقٍ لعسر الدعاوي=لا أوحا عزاويها غدى له تجزّاع دواسرٍلانوّخنّ البلاوي=جزّت حبال الهمّ عن كلّ ملتاع دواسرٍتضرب بحدّ النقاوي=على الوعد فالوجه والسيف لمّاع دواسرٍ حدٍّ رهيفٍ شقاوي=على العدا لا زاع من بين الآضلاع دواسرٍرمحٍ شطيرٍسطاوي=إليا ضرب فالجوف حطّه تمزّاع دواسرٍ منها يجظّ الغزاوي=من حدّهم يضرب تفاكيره ارباع دواسرٍ فالطايلات العلاوي=يرسخ بها مجدٍّ على كلّ مذياع دواسرٍ منهو نصاها جلاوي=ينزال همّه كنّ مالحقه اوجاع دواسرٍ منها عجز كلّ راوي=يذكر فعايلها ومن كثرها ضاع دواسرٍ مع كلّ مجدٍ تهاوي=ورسومها فالوقت من كلّ الآنواع دواسرٍمعها تزول الشكاوي=واللي يشاكيها جلت عنه الارواع دواسرٍ ضلعٍ طويلٍ صداوي=يرسي ولا هزّه من الوقت زعزاع دواسرٍ تقطع رجيّ المناوي=امسى عشا للطير غادي له امزاع دواسرٍجمٍّ غزيرٍ رهاوي=على الخوي برده على الكبد لافاع دواسرٍ سارت بجيشٍ نداوي=في رايه اهل الدين ترفع لها شراع دواسرٍ سارت بحث الخطاوي=يوم الملك في نجد للحكم نزاع دواسرٍ سارت بليل حراوي = لفتح الرياض وكبّر الحق شعشاع دواسرٍ والحق ماهوب ثاوي=يوم الرغامة في مقاديمها سباع دواسرٍ حصن منيع وعراوي= للي لحقه من الليالي تجرّاع دواسرٍ يوم الموسس يداوي=نجران في فتحه لها مركز وباع دواسرٍ مازعزعتها المهاوي=جيزان في فتحه لها موقفٍ ذاع دواسرٍيوم المحنّك قداوي=حدّ البريمي راح سوره تشلاّع دواسرٍ يوم الرضيمه فداوي=جت له مقيّدت الجمل تسهج القاع دواسرٍ في معركتها شفاوي=في وقعه الهدّار والروح تنباع دواسرٍ يوم الشريف المكاوي=تناوشنّه عن زبينٍ شكا اللاّع دواسرٍ واللي زبنهم خلاوي=يسلا ولا كنّه من الوقت مرتاع دواسرٍ مع برك سارت تخاوي=تقدى عقيدٍ طيب فعله له اصداع دواسرٍ فالمعتلا والضماوي=من دونه الحربات والخصم ينصاع دواسرٍ مثل الشهاب السماوي=صمّ الجبال الشامخه حطّه اقطاع دواسرٍ كم شيخ قومٍ نعاوي=تنعاه قومه راح راسه تفلاّع دواسرٍ لامن تغلّى الغلاوي=باعت رخيص الروح من دون مهزاع دواسرٍ من دون ستر الغطاوي=تموت مايكشف لها ستر وقناع دواسرٍ تكسب كبار الغناوي=كم هجمةٍ زاعو بها بين الآفزاع دواسرٍ لاطاح وسمٍ سخاوي=قطعانهم ترعاه في كلّ مرباع دواسرٍ بالطيب ديمٍ حياوي=يروي ولا يجرح لوبله تتبّاع دواسرٍبالفعل ماهي تراوي=تفعل ولاتنشد من الغير مطماع دواسرٍ والعذر منها رجاوي=عجزت اعدّ فعول مجدٍّ لها شاع الدنــدان ومن منا من لا يعرفه شاعر يغار منه فحول شعراء وادي عبقر ! أنا هاض مابي اعوذ بالله من الشيطان = كلام ٍ يشاليني وأنا ضايق ٍ بالي فيا راكب اللي نياها ينبه البدان = حلاحيل حيل ٍ خالة الحيل نحالي حلاحيل حيل ٍ مابعد جات من الحيران = حلاحيل حيل ٍ كنها صيد لسهالي جهاجيل جيل ٍ تجتول كنها الغزلان = جهاجيل جيل ٍ تجتول يوم تنجالي جهاجيل جيل ماتوطا على لرسان = جهاجيل جيش للحلق فيه جلجالي ثمنان ثمنها ماتطري على لثمان = لها في رخاريخ التخاتيخ زلزالي فطير تقطع في زعمها حلف لرسان = تواجف الى من روحت مع خلا الخالي تشادى نعام ٍ عقب ماوكدت لعيان = هجيج ٍ مع راس الشفا والشفق تالي تشيل الحمول أفحول من ركب عمان = حفيف صريف اكوارها حوف لهذالي دريمه سماريها مع نابي الحزمان = دريمه مخال بالبرد له تنزالي تسرح صلاة الصبح من فيض العلمان = لها في الضخى سرحة الثور مقيالي تخلي الجبل بايسارها والبياض ايمان = مصافيرها في العود يوم أذن التالي تنشد وتلقا من يدلك على الظفران = عيال ٍ تحوش الطيب ذربين لفعالي نص السلام مناحي خيرة الجذعان = وثن السلام لخالد حامي التالي ونص السلام مفرج ٍ مكرم الضيفان =وسلم على (راشد ) رعا الموقف العالي سلم عليهم عد ما انشا من الودان =سلام ٍ يثنى عد ماهل همالي سلام ٍ حلاته تزرع الخب في لبدان = تشادي حلاة حلا الدر حم الجهالي قعدنا وحنا ماتهين على برهان = نبي نجيهم لاشك بالربع ماجالي بعده انشد راشد عساه انقضا له شان = على الحول من صوبه على غيره إنحالي عسى الحول منه إيخال ذباح حيل الضان = (( يشيل المخلا يوم خلوه لنذالي)) ويومي لاهل عوص النجايب من الريعان = مناخه محله للرياجيل مدهالي من لابة تروى شبا مرهف العودان = تحزم القنازع عند طرعات لجهالي فإن كان ركبه كايد ٍ مالقا عوان = فلا عندنا شئ ٍ على راشد غالي سلام نباكم واسلموا من خطر ماشان = سلامه نبا من زين الله له الغالي وصلاة على ذكر النبي بأمرة الرحمن = نصلي عليه بحق ما يأمر الوالي حســـن بن بطحيــة في أحد محافل الدواسـر كان لها صدى واسع وذو قضيه اجتماعيـة : يا وجيه الخير يا الاجواد يا الجمع الغفير=يا ظنا زايد وتغلب يا عزيزين المقام يا سلام الله عليكم من كبير ومن صغير=والضيوف الحاضرة نثني عليهم بسلام بالنيابة قلتها باسم (الوداعين) الشهير=ربعي اهل العز والطالات في يوم الزحام لابةٍ في ذمتي ما هيب فيكم تستشير=دايم تدعم توحدكم وتدعم الالتحام في ضيافة شيخ وابن شيوخ ومقدم سفير=(ضاري ابن حطيم ضاري) ما يحوش إلا السنام قدمه فعله لا قيل إن الكبيرة للكبير=وإنتهض من طيب راسه وأشهد إن العود قام قام قومة من يوردها على الجمّ الغزير=لوم عيني (يالغييثي) فيك عيني ما تلام كيف لا (يا اهل الثمان) وفعلكم ماله نظير=الله إللي حطكم للقوم والعايل إخزام من شمال احدودنا سدٍ كفيتونا المغير=عزوة (إبن غياث) مرهبة الجموع ولا تضام يا الدواسر يا الكواسر يا مدلهة القصير=جعل جمعاكم على عز وطاعة واعتصام صبحكم صبحٍ تنفس بالثنا مسك وعبير=وليلكم عسعس على مجدٍ تصادمه الغمام يا الدواسر عيبكم واحد وربي به خبير=ما تركتوا للقبايل شي لا شرق وشام أتركوا للقوم شي تفتخر بامره مثير=لجل محدٍ يختلس منكم الأسامي و الوسام مدحكم لو مدحكم ينقاد بالسلك الحرير=يعتبر مدحٍ لنفسي ما بغيته يا الكرام الشهادة لكم مجروحة ولا تخفى بصير=حيثني منكم واليكم وانتو لمثلي حزام بس أنا ما جيت أدور ضوء وفلاش وصفير=مقصدي سامي وكسبي ما يجي فيه إقتسام جيث وأبغى قول كلمة تقرع بوسط الضمير=و واجبي يفرض علي أقولها حسب النظام من هنا بدعي خيار القوم من شيخ وأمير=دعوةٍ يشقى بها الطيب عساها فيها تمام ودنا يكمل تجمعكم ويثمر كل خير=للمريض وللفقير وللأسير بكل عام والمهور إللي طغت وش لون يقواها الفقير=من ضحاياها العنوسة والشباب أعرض وشام التناحر والتنافر والتخاصم ما يصير=والتسامح والتواضع سيرة إرجالٍ عظام المشاكل كوم ما يقوى يقوم بها البعير=والحلول إقبالها واجد تبي عزم همام عالجوها وابتدوا من اليوم تقرير المصير=لا تخلون الحمل فوق الجمل ماله اخطام لتكافل والتقدم عجلوا حث المسير=بارك الله جهد من يسعى لتحقيق المرام الأمل فيكم كبير بقدرة الحي القدير=فكرة الموضوع مطروحة ومنكم الإهتمام قبل ما انسى باقي شي بقوله ما يضير=ساعد اهل الحفل بالتنظيم من دون إصطدام الوسيلة ما تبرر غايتك لو قلت غير=والتجمهر صورة ما هيب تعكس الإحترام التجارب واضحة من يذكر الحفل الأخير=والنجاح من التجاوب حسب دقة الإلتزام ودي إني خاسرمن غالي الغالي كثير=وانكم أنتوا فوق فوق الفوق ما فيها كلام قلتها وجهة نظر وأرسلتها عبر الأثير=يا عسى مسك الختام يكون في مسك الختام محمد بن سالم الخضراني حدث له موقف مع احدهم فكان نتيجة لذلك الموقف هذه الررائعه : الشعر وهبه الفريد الهامي=يمناطح البحر الغزير الطامي انا اليا مني بدعت الفكره= يحير فيها الشاعر النضامي شاعر مفوه مركزي فالقمه=ونحت على صم الجبال الهامي فرايد يطرب لها اهل المعنى= كنها فرايد بندر القسامي اصوغها مثل الذهب وارعها= امن الهزيل ولومة اللوامي اخاف ينقدها الكبير الفاهم =ولا تزل من الطريق اقدامي ادرى مناقيد العرب في قولي=وصخره في مدح كل قطامي شعر جزيل واثق انه بيبقاء =على مدى التاريخ والاعوامي والشعر ديوان العرب فالماضي=قبل الدشوش وثورت الاعلامي وانا قصيدي في مفاخر ربعي=اكبر شرف لي وعتبره وسامي امدح بني عمي عصابة راسي=اللي لهم فالمجد فعلا سامي الا زايد سعد من ينخاهم =ولا تغلب مسندي وحزامي دواسر نرقا المعالي خلقه =اشهر من النيران في الاعلامي يشهد لنا التاريخ والله شاهد=وتجف من خط الفخر الاقلامي وحنا لنا الفعل الشهير النادر=يوم اليماني خالف الحكامي جنا الشريف يقود كل جيوشه =والجمع وقف في نحاه الرامي الرمح يزرق والسيوف تحنا=بالدم الاحمر والركاب حيامي وحنا العصاه مزبنة من جانا=ويشهد لنا بيضا بدار اليامي وسم العصا فعل لنا فزنا به= وهل الجدار محطمة الارقامي والريشه اللي عندنا فالوادي=كسب لنا في ماضي الايامي وحنا هل البل من قديم وتالي =ماهيب لاتوخذ ولا تنسامي هذا قليل من كثير باقي= والعذر مني للرجال اختامي و أعتذر على الاطاله أخوكم / ابو زيد الغييثي

 

 

 

 

[معلومات العضو عقاب بن هذال ال بريك]

بيض الله وجهك ..
ولاهنت يابوزيد :
على المجهود اللي بصراحه يستحق الشكر والاشادهـ والتثبيت من قبل الاداره والتقيبم ***** فايف ستارز ..

 

 

 

 

[معلومات العضو ابو فهد الغييثي]

لاهنت يابو زيد على الطرح وبيض الله وجهك

موضوع قيم وفي قمه الروعه

تحيااااااااااااااااتي لك

 

 

 

 

[معلومات العضو عبدالله الحافر الغييثي]

لله درك يابوزيد فلا تاتي الا بالفريد شعراء عمالقه ومدراس شعريه اتحفتنا بهم لك الشكر والتقدير وتم التثبيت

 

 

 

 

[معلومات العضو دغش محمد الصخابرة]

أأأأأأارحب ياابو زيد

وبيض الله وجهك على الطرح الراااااااائع

ولاهنت ياذيبان

 

 

 

 

[معلومات العضو محمد بن سالم الخضراني]

لي عوده تليق بهذا الموضوع الجزل

 

 

 

 

[معلومات العضو ابو زيد الغييثي]

المشاركة الأصلية كتبت بواسطة عقاب ال بريك

بيض الله وجهك ..
ولاهنت يابوزيد :
على المجهود اللي بصراحه يستحق الشكر والاشادهـ والتثبيت من قبل الاداره والتقيبم ***** فايف ستارز ..

ارررررررررررررررررررررررررحب ترااااحيب المطر

" عقاب البريكي "

ارحب من الخليج الى المحيط

شرفني مرورك العاطر الذي

أنار و شرف متصفحي و لاهنت على

ردك الطيب و على هذا التقييم

لا خلا و لاعدم يالقرم

أخوك / ابو زيد

 

 

 

 

[معلومات العضو ناصر بن فهد]

اررحب يا ابو زيد
وصح لسان الشعراء وصح لساانك يا القرم
وبيض الله وجهك على الموضوع الراائع والمميز

 

 

 

 

[معلومات العضو سلوة الخاطر]

**


موضوع من النوع الفاخر
اجدت وأبدعت اخي ابو زيد بالانتقاء لأجزل القصائد

صح الله لسانهم جميعاً .. وأمتعوآ أمتعوا كثيراً بطيب أبياتهم

كل التقدير

 

 

 

 

[معلومات العضو عبدالرحمن بن فلاح آل بريك]

أبو زيد .


توثيق جميل وجهود واضحه
يعطيك العافيه .. ..

 

 

 

 

[معلومات العضو ابو زيد الغييثي]

المشاركة الأصلية كتبت بواسطة ابو فهد الغييثي

لاهنت يابو زيد على الطرح وبيض الله وجهك

موضوع قيم وفي قمه الروعه

تحيااااااااااااااااتي لك

اررررررررررررررررررررررحب تراااحيب الحيا

" أبو فـهـــد "

ارررحب يا قرم المناديع

و من قال لا هان و و جهكـ

أبيض يا محزمي و الاروع هو

مرورك العاطر

أخوك / أبو زيد

 

 

 

 

[معلومات العضو محمد سعد السباعي]

لاشلت يمينك يابطل

ذائقتك حول ذائقتنا يابوزيد من غير قصور في باقي الفطاحلة

 

 

 

 

[معلومات العضو محمد بن حمد الشكرة]

لاهنت يابو زيد على الطرح وبيض الله وجهك موضوع قيم وفي قمه الروعه تحيااااااااااااااااتي لك

 

 

 

 

[معلومات العضو ابو زيد الغييثي]

المشاركة الأصلية كتبت بواسطة خميس الغييثي

ارررررررررررررررررررحب ترااااحيب المطر " قـــرم القحفان " شرفني مرورك الكريم يا محزمي و أشكرك على هذه الكلمات الطيبه التي عودتنا بها يا ابو مطر مهما سطرت من غلاك لن أوفيك حقك أخوك / أبو زيد الغييثي