سجــــــــل حضورك باي بيت شعري اعجبك

[معلومات العضو الزين]

إن جـيـت للـعقـّــال عاقـل وصاحي =ون جيت للخبـــلان خبل بزيادة
أمزح بكـيفي لا بغـيت الـمـزاحي =واسكت إذا كان بسكـوتي مفاده
والكلمة اللي ما بها من صلاحي =أصد عـنهـا طـيب ماهي بلادة
واشرب من الماء لا وردت القراحي =واترك هماج الماء نصيب الجرادة
الـذيب ما هـمـّه صـيـاح ونـباحي =والخوف ما يدخل قلوب الجلادة
ما واجه صياح العدو بالصياحي =مــصـيـرهـا ناره تعـوّد رمـاده
سيف العقل متقلـّده لي وشاحي =واخذ حقوقي بين حلم وركاده
الصعب يسهل بالعزم والكفاحي =والسهل يصعب دون علم وعتاده
واللي يبي درب الفخر والنجاحي =يبذل لها الأسباب ويلقى مراده
وخـتـام قــولي والعلوم الصحاحي =ما حط نفسي في دروب النقادة

 

 

 

 

[معلومات العضو وريث المجد]

	نفسي عزيزه من جفاني جفيته *** حتى ولو يصعب على القلب فرقاه