قصيدتين من الطراز الرفيع

[معلومات العضو راعي العلياء]

السلام عليكم ورحمة الله وبركاته

يسعدني ان تكون اول مشاركه لي معكم بقصيدتين لشاعرين كتبو اسمائهم بماء الذهب رغم انا لم نعرفهم ولم نراهم وليسو بتلك الشهره ولاكن ماكتبوه يفرض علينا حفض اسمائهم وارجو اني وفقت في الاختيار

الله ياوقـتـن تـولــى ذراعـــي=صمـم علـى كسـره بفـن وبراعـه
وكـل مانويـت افـز واخـذ متاعـي=اشـر علـى كفـي ولافيـه طـاعـه
بنخـاء ولابـه مـن يجـوب لداعـي=بسكت وجاح الصـدر كثـر اللتياعـه
وبصبر وذن الصبر مـن دون داعـي=بنهج.. ومـن ينهـج يخلـي متاعـه؟
وجدي وجود الي توصـف وضاعـي=بشعاب يملاها جميع السباعـه
وحصل جراوةضبـع وربـا ضباعـي=يبغـا حماهـم ذا ردا الـيـل بـاعـه
ومرت سنينـه كيـف عايش؟ضياعـي=وتكبر جراوه مع تزايـد مجاعـه
وذاك المسـا باتـو ضباعـه جياعـي=لما .. تناهش لحم صدره ضباعه
اجزيت راعي الصاع بالفيـن صاعـي=و راعي الردا ماهمـه الا بضاعـه
والوقـت عـز الـي ردي الطباعـي=وعذب عزيز الفعل بزينة طباعه
بنخـا ولابـه مـن يجـوب لـداعـي=الا عليمن عالم بكل طاعه
ربي رفيع العـرش ممـن فزاعـي=ذكره يطمن كل قلـب بسماعـه
يرحم عزيزن في زمانه ضياعي =ويبلا نكير العيش بطول المجاعه

الشاعر /عامر حويلان الصيعري

أنا لا بغيت أسج وأسلـى مـع الساليـن=تعـرض لقلبـي مـا يجـدّد معانـاتـه
همـومٍ بقلبـي طاولتنـي ثمـان سنيـن=هنّـي الـذي لا طـرّف الليـل ماجاتـه
وأنا في رجا اللي ما يخيّب رجا الداعيـن=يـعـدّل زمــانٍ كـاثـراتٍ ملفـاتـه
عرفنا من الدنيا صديـق القسـا والليـن=ومصير الرجل يِِبحـث خفـاه ونهاياتـه
ومن سَمْع ما هو مثل من شاف بالثنتيـن=ولا كل مـن يـروي تصـدق رواياتـه
ومعدن ردي الساس وقت اللـزوم يبيـن=ومعدن عريـب الجـد تظهـر علاماتـه
وسيع المعرفه واجبـه يرشـد الغاويـن=ولا كـل مـن قصّـر تقصّـر طويلاتـه
وعمى عيني الرجال يركض ورى المقفين=يسوم الكرامـه بالفلـس عنـد شماتـه
ولا يثلم الرجّـال مثـل الفقـر والديـن=ولا تنفـع المبغـوض كثـرة علاقـاتـه
ولا كل من سولف وغنى يجيـب الزيـن=هـدور المجالـس مـا تفيـده دعاياتـه
ولا يجرحك مثل الخطا من طرف غاليـن=وكـلٍ يجـي رزقـه علـى قِـدّ نياتـه
وراعا الوفا ينهج على منهـج الوافيـن=ومتصنّـع الطالـه تضيـع اتجاهـاتـه
وأنا منزلي عند النشامـا يسـر العيـن=وقسمي مع اهل الطيـب علّيـت راياتـه
هذي ترجمة هجسٍ لفاني عصر الاثنيـن=وكـل مـع هجسـه يترجـم معانـاته

الشاعر/ابراهيم ابن مريع

 

 

 

 

[معلومات العضو ناصر بن فهد]

صح لسااانك يا راعي العلياُء ...
وصح لسان الشاعرينُ ابراهيمابن مريعُ و عامر الصيعريُ
ولآهنتُ يا القرمُ على النقل ُ وااصل الى الامام

 

 

 

 

[معلومات العضو عادلة]

الأخ/ راعي العلياء;

بارك الله فيك على هذا الإختيار الرائع

وبإنتظار مشاركاتك وإبداعاتك

لك منا أجمل المنى وأزكى التحيات

 

 

 

 

[معلومات العضو عبدالله الحافر الغييثي]

راعي العلياُء ... انتقاء غاية من الجمال بارك الله فيك وفي اختيارك تقبل فائق الاحترام