قصيده بالشيخ محمد بن سعد الحراجين

[معلومات العضو الراهي]

بسم الله الرحمن الرحيم

اخواني اعضاء هذا المنتدى الشامخ بااهله

اتمنى ان تقبلوني احد رواد هذا المنتدى الطيب


اول مشاركه لي

قصيده منقوله للشاعر برجس المطيري

كتبها بالشيخ محمد بن سعد الحراجين الدوسري


هاض الفكر

هاض الفكر والشعر في خاطري زان=واخترت من جزل القصايد دررها
ماني وانا برجس على القاف بلشان=اضرب على صم القصايد صخرها
وازلزل الدنيا على الانس والجان= لاجات مرهبة العــــقول بنظرها
من هيبته يوم انذكر طير حوران= قام يتلاطم موجها في بحــــرها
ابو سعد يهتز له كل ميــــــــدان=لاجات صعبات المواقف حضرها
يضرب على الكايد سلايل كحيلان=ماهمته دنياه لو هو خســــــرها
شيخ ن من شيوخ الحراجين له شان=بين القــــــــبايل زاد فخر لفخرهـا
حلاّل عسرات القضايا بليهان= لاكبرت القــــاله عليـــــهم قدرها
محمد اللي صار للجود نيشان=وقلوبنا من زود طيبه اســــــرها
صيته تعدى نجد والشام وعمان= واللي يغرس الطيب يجني ثمرها
يفرح الى مرو على البيت ضيفان= داره على طيب المعاني عمرها
ريف الضعوف وصار للطيب عنوان= يمنى الكرم مايوم عنهم قصرها
وعيال زايد عز طلقين الايمـــــان=والموت للي يقتر ب من خطرها
فرسان لاركبو على الخيل فرسان=تاريخهم يشهد ولاحدن نكـــــرها
والطيب ماوالله يشرى بالاثمان= الطيب طيب الساس في مختصرها
واختامها صلو على نسل عدنان= على نبي الله وسيد بشــــــرها

وسلامتكم

 

 

 

 

[معلومات العضو نايف الخييلي]

وعيال زايد عز طلقين الايمـــــان=والموت للي يقتر ب من خطرها

كفواااااااا

اشكرك جزيل الشكر يالراهي على إيرادك لهالقصيده وصح لسان الشاعر برجس المطيري ويستاهل محمد بن سعد الحراجين ماقيل فيه وكفوا بـ لاد الحريجي

 

 

 

 

[معلومات العضو العماني]

مرحبا ومسهلا بك اخوي الراهي ، ونعم والله بالشيخ محمد بن سعد الحراجين وبلاد الحريجي كلهم ، وبيض الله وجهك على ايراد هذه القصيده الطيبه وصح الله لسان الشاعر المطيري وجعل ربي مايهينه ويستاهل الشيخ محمد بن سعد، واسمحلي على تنسيق القصيده

تقبل تحياتي،،

 

 

 

 

[معلومات العضو رائــــــــــد]

هاض الفكر والشعر في خاطري زان= واخترت من جزل القصايد دررها
ماني وانا برجس على القاف بلشان=اضرب على صم القصايد صخرها
وازلزل الدنيا على الانس والجان=لاجات مرهبة العــــقول بنظرها
من هيبته يوم انذكر طير حوران= قام يتلاطم موجها في بحــــرها
ابو سعد يهتز له كل ميــــــــدان=لاجات صعبات المواقف حضرها
يضرب على الكايد سلايل كحيلان=ماهمته دنياه لو هو خســــــرها
شيخ ن من شيوخ الحراجين له شان=بين القــــــــبايل زاد فخر لفخرهـا
حلاّل عسرات القضايا بليهان=لاكبرت القــــاله عليـــــهم قدرها
محمد اللي صار للجود نيشان=وقلوبنا من زود طيبه اســــــرها
صيته تعدى نجد والشام وعمان=واللي يغرس الطيب يجني ثمرها
يفرح الى مرو على البيت ضيفان=داره على طيب المعاني عمرها
ريف الضعوف وصار للطيب عنوان=يمنى الكرم مايوم عنهم قصرها
وعيال زايد عز طلقين الايمـــــان=والموت للي يقتر ب من خطرها
فرسان لاركبو على الخيل فرسان=تاريخهم يشهد ولاحدن نكـــــرها
والطيب ماوالله يشرى بالاثمان=الطيب طيب الساس في مختصرها
واختامها صلو على نسل عدنان=على نبي الله وسيد بشــــــرها

بيض الله وجهك يالقرم

على النقل المميز

وصح السان شاعرها

ويستاهل الشيخ محمد الحراجين

 

 

 

 

[معلومات العضو فيصل الشكري]

بيض الله وجهك على القصيدة الطيبة

وبارك الله فيك

تقبل وافر التقدير ,,

 

 

 

 

[معلومات العضو شافي القويسي المخاريم]

و سبعين نعم بالحراجين ...شاكرلك على ما قدمته لنا

 

 

 

 

[معلومات العضو ابو زيد الغييثي]

بيض الله وجهك على القصيدة الطيبة

وبارك الله فيك

 

 

 

 

[معلومات العضو فهد بن مبارك الودعاني]

صح السان شاعرها

وبيض الله وجه ناقلها

لأهنت يالقرم


تقبلو مني أرق التحايا و أعذبها من أخوكم...

 

 

 

 

[معلومات العضو نادر فهاد بن نادر]

بيض الله وجهك على القصيدة ويستاهلون لاد الحريجي وكل ما يذكر فيهم قليل


اخوك
نادر بن فهاد بن نادر

 

 

 

 

[معلومات العضو الراهي]

استاذي الكريم

نايف الخييلي

ياهلا والله ومرحبا

والشكر لله اخوي نايف اولا وثم لشخصك الكريم

على حضورك والله لايهينك يالغالي

على التوضيح والتنسيق

وبيض الله وجهك


استاذي الكريم

هايف العماني


البقى بالمرحب

وجهك ابيض طال عمرك

واشكر لك تواضعك بحضور شخصك الكريم

ولاهنت يالغالي


استاذي الكريم

رائــــــــــد

ياهلا والله ومرحبا

وبيض الله وجهك اخوي رائد على التنسيق والحضور

والف شكر لك يالغالي


استاذي الكريم


فيصل الشكري


وجهك ابيض طال عمرك والف شكر لك على حضورك الكريم



استاذي الكريم


القويسي


ياهلا والله ومرحبا

الشكر لله اخو ي اللي خلى هالوجيه الطيبه تحضر وتشرفني بحضورها هنا

ولاهنت يالغالي على تفضلك الكريم


استاذي الكريم


ابو زيد الغييثي


ياهلا والله ومرحبا

ووجهك ابيض طال عمرك والف شكر لك على حضورك الكريم



استاذي الكريم

فهد مبارك الودعاني

الف شكر لك على حضورك ووجهك ابيض طال عمرك

وتقبل اسمى التحايا




استاذي الكريم


نادر فهاد بن نادر

ياهلا والله ومرحبا

والف شكر لك على تواضع شخصك الكريم بالحضور


وتقبلو تحياتي

والله لايهينكم جميعاً على هالحضور المشرف والمشجع بنفس الوقت

وبيض الله وجيهكم

وتقبلو فائق احترامي وتقديري

 

 

 

 

[معلومات العضو فهدالمحيسن]

نقل جميل ورائع

 

 

 

 

[معلومات العضو سالم الحراجين]

الله لايهين للشاعر برجس المطيري

الحقيقه انها قصيده تبيض الوجه ويستاهلون الحراجين مسامير الاشد

وهم والله ياكثر القصايد الي تنكت فيهم

والحرجي لازهمته ابشر بالسعد

لاهنت يالراقي

على نقل القصيده

وصح السان قايلها


ويستاهل الشيخ:محمد بن سعد

تقبلو مروري الطيب

 

 

 

 

[معلومات العضو الراهي]

استاذي الكريم

فهدالمحيسن

ياهلا والله ومرحبا

والاجمل طال عمرك حضوركم

الف شكر

استاذي الكريم


سالم الحراجين

ياهلا ويامساا الغلا

والف شكر لك على حضورك الكريم

ومافيه شك طال عمرك وتستاهلون الطيب كله

ويستاهل الشيخ ابوسعد المدح

وماعليكم زود جميعا

تقبلو فائق احترامي وتقديري

 

 

 

 

[معلومات العضو خيالية]

	بيــــــــــض الله وجهـــك ... وصـــح لسانك

لا هنت

 

 

 

 

[معلومات العضو الراهي]

الاستاذه الكريمه

خيالية

ياهلا والله ومرحبا


والف شكر لكِ على حضور شخصك ِ الكريم

وتقبلو فائق الاحترام والتقدير