رد الرجباني على خلف بن هذال

[معلومات العضو ابوراشد الرجباني]

.................... رد الرجباني على خلف بن هذال ....................
السلام عليكم ورحمة الله وبركاته

يالربع ادري ان القصيده هذي جاتكم متأخره في موضوعها ، فالعذر والسموحه على التأخير ، وهي رد على الشاعر الكبير " خلف بن هذال العتيبي " اللي قال بأن وسم عصا الدخيل من سلوم العتبان وانهم خطلان الايدي ، والعتبان مافيهم قصور قبيله معروفه ولها شانها بين القبايل , لكن الكلام اللي قاله الشاعر خلف من سلوم الدواسر وهو معروف عند القبايل انه للدواسر بالذات عن غيرهم .
و شاعرنا هو : غنيم بن هادي بن عبيد بن مورد ال براز الرجبان الدوسري .
وهو يكون عمي شقيق والدي
على العموم ما اطول عليكم واترككم مع القصيده
فيقول شاعرنا :

ياخلــف هـذال يا ويـش انت قـايل=زلّــت الكلــمـه من العاقـل خطيـه
يشهد التاريخ و شيوخ الحمايل=بسلمنا اللي من عصور الجاهليه
واسـمـين الـعصـا من بــــد الـقبـايـل=لـلقصيرالـلي نزل بالـزايـديـه
جـــــدنا يوم الجهل جـالـه نفــــايل=مــــايرد الشـــــان لــجا لـه قـضـيــــه
مــقــيــدين الـجـمل يوم الهــــوايل=بـالــحــديـد الـلـي مـفـاصيمـه قــويه
ومحتمين الوطن من كـل عـــــــايل=لين ســمّيت بـــلادنا بالـــــــدوسريه
من يوم ابن بدران والخيل الاصايل=الـلي تـشهد بفعـلـه وسـيـم العامريه
ومن يوم حط الغرس للاجي نحـــايل=وان لجاله المحتاج يلـقـاله هــديه

وســــــــــــــــــــــلامتكم ...

 

 

 

 

[معلومات العضو نايف الخييلي]

واسمين العصا مـن بـد القبايـل = للقصيراللـي نـزل بالزايـديـه


الله يعافيك يابوراشد

وصح لسان الشاعر غنيم بن هادي الرجباني على هذه القصيده .. ولابه شك وسم عصا القصير من سلوم الدواسر من بد القبايل من دون قصور بهم وقد رد عليه الكثير من الشعراء ... الله يعافيك وتحياتي لك

 

 

 

 

[معلومات العضو ولد ودعان]

كفو والله بالشاعر غنيم بن هادي الرجباني ولا هان منطوقه

تسلم يابو راشد ولاهنت على القصيده

 

 

 

 

[معلومات العضو الشقرديه]

واسمين العصا مـن بـد القبايـل للقصيراللـي نـزل بالزايـديـه جدنا يوم الجهـل جالـه نفايـل مايرد الشـان لجـا لـه قضيـه صح لسانه ماقصرالشاعرقصيده رائعه

 

 

 

 

[معلومات العضو ابوراشد الرجباني]

نايف الخييلي - ولد ودعان - الشقرديه الله لايهينكم جميع وتشرفت بردودكم على الموضع بيض الله وجيهكم

 

 

 

 

[معلومات العضو الجراح]

واسمين العصا مـن بـد القبايـل = للقصيراللـي نـزل بالزايـديـه صح الله لسان الشاعر غنيم بن هادي بن عبيد بن مورد ال براز على هذه القصيدة الوافيه الجزله الشافيه ولاهنت يابو راشد

 

 

 

 

[معلومات العضو شافي القويسي المخاريم]

بارك الله فيك على الرد الوافي
صح لسانك يالرجباني و يعطيك العافيه
تحيااااااااااتي

 

 

 

 

[معلومات العضو بدر ابن نايف]

السلام عليكم

الله اكبر



الله اكبر

ياسلام

صح الله السان عمك على القصيده الوافيه

وبلغه تحياتى

ولاهنت على نقل القصيده التوثيقيه للدواسر


تقبل

تحياتى

 

 

 

 

[معلومات العضو ابوراشد الرجباني]

الجراح - شافي المخاريم - بدر بن نايف
لاهنتو جميع وبيض الله وجيهكم
تشرفت بمروركم على الموضوع والردود
وتقبلو تحياتي ...

 

 

 

 

[معلومات العضو محمد الولامين]

صح لسان شاعرها ولاهنت يابوراشد على ادراج القصيده وبيض الله وجهك