مرثيه بالمرحوم الأمير-ناصر بن منصور آل غصين المشاويه

**معلومات** **العضو** · 06-12-2008, 02:19 AM

مرثيه بالمرحوم الامير ناصر بن منصور آل غصين المشاوية
--------------------------------------------------------------------------------
أنا يوم شفت البيت الابيض وسيده غاب
تذكرت راعي البيت يا جعلـه الجنـه
تذكرتنا منهو كريـم مـع الاصحـاب
ويفـرح ليـا مـن الركايـب تنصنـه
حصان يشرع منزله ما يصـك البـاب
ولامنه شاف الضيف هلـى بـلا منـه
جنابه عسل ومشاهده للعماس اذهـاب
وله مجلساً يلقابـه الهيـل مـع بنـه
مع العود الأزرق للمسير مع الترحاب
وحيـل تجفـا بالصيـانـي يبـارنـه
حميد السجايا تاج راس على الاقـراب
لطيف من الادنين والصاحـب يحنـه
ولامن تبين بالعداوة بعـض الاشنـاب
كما الضلع ضربات الهوا مـا يهزنـه
هذا ناصر بن غصين يا سامع الجواب
يعشـق المدايـح والمدايـح يعشقنـه
اقوله بناصر طيب الراس والانسـاب
اقوله حسب ما شفت وسمعتنـا عنـه
لو اني باتابع سيرته ما يسـد اكتـاب
غنياً عـن التعريـف ومطبـق السنـه
اقوله وأبو منصور من يمدحه ما هاب
مديحاً عسى الله يرحمـه ويعفـا عنـه
عسا جنة الفردوس تفتح لـه الأبـواب
ويلقى بنات الحـور والحـور يلقنـه
ولا لي جدا غير الدعا له بغير حساب
وممـا بقلبـي قلـت الامثـال يرثنـه

الشاعر/عبدالله بداح بن فويز المصارير الدوسري

**معلومات** **العضو** · 06-12-2008, 02:45 AM

المرحوم الأمير ناصر بن منصور آل غصين المشاويه الدوسري يستاهل المدح والثناء ..
وكما قال ابن العم الشاعر عبدالله بن بداح بن فويز المصروري الدوسري :
لو اني باتابع سيرته ما يسـد اكتـاب .
اي اننا لن نفي الامير ناصر حقه ..
**
رحمه الله عليه وعلى المسلمين جميع احياء وموتى ..
**
لاهنت اخوي خالد على ذا الطرح الطيّب والوافي ..
**
تقديري ..

**معلومات** **العضو** · 06-12-2008, 11:44 AM

الله يرحم الامير ناصر ويسكنة فسيح جناته

وصح لسان الشاعر عبدالله المصارير

وتسلم يمناك يالغالي

**معلومات** **العضو** · 17-12-2008, 10:33 PM

صح لسان الشاعر/عبدالله بداح بن فويز المصارير الدوسري

والله يرحم الامير ناصر بن منصور آل غصين المشاوية ويسكنه فسيح جناته

ولاهنت ياخالد على ماقدمت وبيض الله وجهك

**معلومات** **العضو** · 20-12-2008, 09:31 AM

مشكورين جميع
والله لايهنكم حلى التعليقات

**معلومات** **العضو** · 20-12-2008, 10:07 AM

الله يسكنه الجنه

وصح لسان الشاعر عبدالله ابن فويز المصروري

واشكرك ياخالد على طرح القصيده

**معلومات** **العضو** · 27-12-2008, 06:02 PM

الله لايهينك أخوي
نايف على المرور
والله يرحم أموات
المسلمين

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية