السلام عليكم
قصيده في فهد بن سفر الخييلات بمناسبة مشاركته في مزاين الكويت للوضح
تعرض هذه الايام على قناة الاماكن بصوت المنشد المبدع راكان القحطاني
اتمنى تعجبكم
يافهد حان الوعد فالمزاين يافهد=عادتك عشق الثقيلات ياشيالها
يافهد هاجوس فكري ليامنّه ورد=اعسف امهار المعاني وانا خيّالها
ياوريث العز والطيب من خالن وجد=ياسليل الآبه اللي تعزّ افعالها
من خييلاتن نهار الشدايد ماتصد=تقدم بخيلن خطرها على عيّالها
يافهد حان الوعد فالمزاين واستعد=المواقف والصعايب تبي رجّالها
اقدم بمنقية الوضح يامال السعد=ندّرن من ساسها دقّها وجلالها
دقّها لادرهمت مثل همّال البرد=كنّها شرد الظبا لا احتما زرفالها
وجلّها لافرعت في تخاتيخ وجلد=كن قباب البيت الاقصى تقول ازوالها
شمخن رثمن عرانينها عراض الخدد=طفّحن وخشومها وافيه وسبالها
كن سواد عيونها والخشم كحل الثمد=والرقاب اطوال ووسومها تزهالها
كن وبرها فضتن جارها الله مالحسد=وجنبها مترين واللهْ الولي اسخالها
لاقبلت كنها حقوق السحايب لااحتشد=وكنها لادبّرت تستغيث خيالها
ندرن تطرب لصوت المودّه والرعد=من سطرها تنتهض من سطر وبّالها
وضحنا لاشافها خصمنا قام وقعد=يصفق الكفين والجايزه ماطالها
في نهار العرض تدحم ولاتاوي لحد=كنّها بين المغاتير تمشيْ لحالها
زانها وسم الرويكب وزودها جهد=وسم من يوم الحرايب تسل سلالها
كسبنا يوم الحرايب وجا للضد ضد=يومها كنز القبايل وكل اموالها
من سطرنا في عدانا كثر لف اللحد=في حمانا والعدو مايقرب جالها
الدواسر ماتحسب لعاديهاعدد=تارد حياض المنايا وترد حبالها
الدواسر لابتن فعل ماضيهم خلد=في تواريخ الجزيره رست بافعالها
ويافهد سوق المغاتير وابشر بالسعد=مال صلفات الهبايب يكون جبالها