الأخت عنود_الصيد صح لسان قايلها وسلمت على هذا الاختيار
وهناك شاعر قد توفي الى رحمة الله قبل 25 سنه له قصيده بهذا المعنى ومنها
هذه الأبيات وانشاء الله ساوردها كامله في المستقبل القريب
ماكل من وصى على الطيبه طاب=ولا كل من تبديله السر مأمون
ولا كل من يرمي الهدف ياترى صاب=يصيب جاهل والصياريف يخطون
اياك والزوده وطعن بالانساب=الزود نقص وراعي الطعن مطعون
الناس من آدم مكون من تراب=وترى الفخر بالفعل والجرم ماعون
واقول عيش بعز في غابة الداب=اخير من ميوات وانهار بغبون
ولا تقول اني ابازيد وذياب=او حاتم الطائي بك الناس يزرون
اكظم على فعل الشكاله بالأنياب=والناس لك بالمدح ياهن يكفون
ولولا الاصل للفرع مرث ونداب=ماكان تلقى الحمل من يابس غصون
فالحر الأشقر ما يوصف على غراب=الأسم طير وفارق الفعل مضمون