السلام عليكم
أهدي لكم هالقصيده..
احذر عدوك
كلٍ يعوِّد لأصل جده و مرباه
راعي الشرف يشرف والأنذال يهبون
الفرع من عوده شرابه ومسقاه
و الحنظله مرّه و لو تشرب مزون
الطيب كايد و المناعير تقواه
و الهون هيِّن تدنع النفس و تهون
ناسٍ على كسب المراجل مضرّاه
و ناسٍ على كسب الفشيله يضرّون
هذا على وضح النقا كل ممشاه
و هذا إلى شافوه ربعه يصدون
لا تامن الخوّان و لو زخرف حكاه
من خان بك مرّه يبي باكر يخون
و إفطن ترى زول الرّجاجيل توّاه
كم واحدٍ يعجبك زوله وهو دون
يا طيّب الشارات من يوم منشاه
إحذر عدوّك لايغدرك على الهون
ترى عدوّك غايته فيك ومناه
يزرع بصدرك من قنا رمحه طعون
واللّي رضع لبوّة عدوِّك توقاه
الجرو ولد اللّبوة اللي تعرفون
للطير يا الصقار بالرّيش مغواه
الجاهل اللّي بكثر الريش مفتون
للحر والشبوط ماكر ومجناه
والفرق با لافعال لوهم يطيرون
خالد الفيصل - دايم السيف
أختكم
عنود الصيد