[معلومات العضو سيف2013]

المشاركة الأصلية كتبت بواسطة محمد الهويشلي

بسم الله الرحمن الرحيم

جبر بن علي الهواشلة الدوسري
السلام عليكم ورحمة الله وبركاته وبعد .
الحمد لله والثناء والشكر لله سبحانه ثم لك يا ابو علي على كل ما قدمته لنا من الجناب الطيب وهذه ما هي غريبه عليك يا نبراس الطيب وحبيت اقدم هذه الابيات المتواضعه ومهما نقول ونمدح لن نوفيك حقك

الحمد للي حلها عقب الاعسار= فضل من المعبود جل جلاله
الواحد المعبود علام الاسرار=علام ما تخفي حرام و حلاله
من عقب ذا بمدح طويلين الاشبار=اللي لهم في قمة المجد قاله
منهم جبر ريف المسايير والجار =يا بو علي سويت فيني جماله
انشهد ان اللي تمناك ما بار= كم واحد لا جاك ترفى خماله
الدوسري يوم زهمناه ما بار=كم فرج الشده على من شكاله
من لابة وسم العصا عندهم كار=دواسر حريبهم شان فاله
اهل المثلوثه دايم الليل ونهار=لا من لفاهم الضيف عين سهاله
عدوهم كنه على واهج النار=من حربهم كلن تزايد هباله
والله لو قلتو يا فهد طب واختار=والله يا جبر ما اتخير بداله
ابمدحه والله تراديد وامرار=ملكني بالمعروف راع الجماله
قلت ما قصدي للتماثيل بذار=لاشك راع الطيب نمدح مجاله
وصلاة ربي عد همال الامطار=على نبي اجتهد بالرساله

الشاعر / فهد حمود السحيمي القحطاني



الرد

قال الذي في بدع الاشعار ما احتار=يكتب جزيل الشعر لا جا مجاله
الشعر له عندي معزه ومقدار=اشتاق له واكتبه وارفا خماله
يا مرحبا باللي لفت منه الاشعار=ترحيبة الشايب لتالي عياله
لا جا عقب تفريق وابعاد وامرار=اصغر ضناه وتاركينه لحاله
دنق عليه وضمه الوالد البار=ومن الفرح من فوق الامتان شاله
لا يا فهد ما ينفعن الاعذار=العذر في بعض المواقف جهاله
والطيب في مثلك شرف يابن الاخيار=واجب علينا يا رفيق الشكاله
الوقت من بين المخاليق دوار=لا راح جيل يجيك جيل بداله
والله يديم الطيب من بين الاحرار= ويوفق الطيب ويستر احواله
واسلم عساك مجار من كل الاشرار=واقبل سلامي في ختام الرساله

جبر بن علي الهواشلة الدوسري

شكراً
لكمـــــا