اقتباس:
المشاركة الأصلية كتبت بواسطة سالم بن صمهود
ياهاجسي لك ليالي ماتغايبني = لانامو الناس جفني تطرد نعاسه
ياطول صبري مدام انك مصاحبنـي = ياصحبتٍ شرها قد بانت اضراســــه
كن السهم من غرام الولف صايبني = على هنوفٍ لثوب الغـــي لبـاســــــــه
وانا من احوال الامــــــة زايدٍ غبنــي = شربت مر القهر بالكاس والطاســــــه
المسلم ارخص على العالم من التبنــي = تحتل داره وفيها تكتم انفاســـــــــــــه
شارون يبني صروح وهدّم المبنـــي = وكلٍ عن اللي يصير مطمنٍ راســــه
الوضع يا أمـــة المليــــار ما اعجبنـــــي = متى يجينا صلاح الدين واجناســـــــه
القدس يرفع بصوته من يجــــــاوبنـــي = هيكل سليمان تحته تبحث ارماســــــه
وبغداد تصرخ تقول ان بوش غاصبني = اسيرتٍ للخبيث وجور حباســـــــــــــه
ليّام حبلى وتال الوقت مرهبنـــــــــــــــي = معيار الاحداث ياخذ عقل من قاســــــه
الناس لامعنت في واقعهم اتعبنـــــــــــي = كثير الاشخاص حي وميت احساســــه
يــارب عن ذنب غيــري لاتحاسبنــــي = بلشان في طول دربي وين مرواســـــه
ان مـــــــا غفرلي جليل الملك عذبنـــــي = اعوذبه من بليس وقرب مجلاســـــــــــــه
سالم بن صمهود |
قصيدة تسطر بماء الذهب شاعرمتمكن و مبدع بما تحويه هذي الكلمه من معنى
سالم بن صمهود اسم يعني الشعر واي محفل للدواسر لايوجد به هذا الاسم خسارة للدواسر
كن السهم من غرام الولف صايبني = على هنوفٍ لثوب الغـــي لبـاســــــــه
ابدااااااااااااااااع ------- وتمكن ----- ومعرفة ~ ~