::: مـنتدى قبيلـة الـدواسـر الـرسمي ::: - عرض مشاركة واحدة - قصيده في الأمير/ ناصر بن خالد السديري
عرض مشاركة واحدة
قديم 20-09-2008, 10:07 PM   #1
 
إحصائية العضو







تركي هذال بن نيف غير متصل

تركي هذال بن نيف is on a distinguished road


:r-r-5: قصيده في الأمير/ ناصر بن خالد السديري

هذه قصيده قلتها في الأمير/ ناصر بن خالد الأحمد السديري (ابوطارق) وهو معروف بدون شك من اسره كريمه ولها مكانتها الأجتماعيه والرسميه والذي كان اميرآ لمنطقة نجران وبعد ذلك محافظآ لمحافظة الخرج والأن متفرغآ لأعماله الخاصه وكان تربطني به علاقه جيده وله مواقف معي لن انساها ومن المعروف ان السدارى لهم مواقف مع اخوياهم ومنها0

كنت اعمل في اداره وحصل بيني وبين مدير الأدارة سو تفاهم وتطور الأمر وعند ذلك تدخل الأمير ناصر في الموضوع وطلب من ذلك المسؤل عدم التعرض لنا 000الخ0
وبعد ذلك صارت علاقتنا فيها نوعآ من المجامله 0
فقلت قصيدتين واحده ساوردها والثانيه سوف نقوم بتنزيلها لاحقآ انشاء الله 0


هات القلم والبوك واكتب لنا ابيات= واكتب على القرطاس زين القوافي
واكتب سلامي عد نجم المجرات = واعداد من احرم ولبى وطافي
واعداد ماخط القلم بالسجلات = واعداد ماتذري هبوب السوافي
مني لبو طارق على الطرس مهدات= مثل الشهد والذ لاصار صافي
حر تعلى ماكره بالمنيفات= الفعل وافي فيه والشكل وافي
ناصر ولد خالد سفير المهمات = له ماقف وكت الشدايد يشافي
نطاح شيال الحمول الثقيلات= نقال حمل اللي عزومه اضعافي
وله فزعة تروي ضمى الكبد لاجات= وله عادة لاقال بالقول يافي
المجد ساسه والكرم فيه عادات= والطيب ورثه من عصور مقافي
يامير يامير الوفى والشهامات= يامير شفنا في الزمان اختلافي
اثر الحسد موجود وبليس مامات = بقلوب ناس تدعي بالتصافي
ناس تسن انيابها سن بسكات= تضحك وهي تظمر لنا الشر خافي
والله لولا الله ثم انت ماجات = كل العلوم الطيبه يالسنافي
وقفت مثل اطويق بوجه المثيرات= دوني واضن الرمز يامير كافي
واقبل سلامي والشكر والتحيات= وارجو السموحه سيدي شاب قافي

تركي بن هذال بن نيف

 

 

 

 

    

رد مع اقتباس