هذه الابيات قالتها الشاعره عيده ام بدر المطيري الذي حكم على ابنها بالقصاص وقد تم تنفيذ القصاص
يوم الخميس 22/3/1422 هـ
تقول ام بدر قبل اربع سنوت كان ابني بدر يدرس في الصف الثالث في احد مدارس حفر الباطن تقول حدثت مضاربه جماعيه بين طلاب المدارس ونتج عن هذه المضاربه وفات ابن خالها مفرج رحمه الله وقد قالت هذه القصيده تطلب من اهل الخير التوسط لدى خالها والدعاء بن يتنازل خالها عن ابنها بدر تقول :
يا الله ياللي بـاب رحمتـك مفتـوح=ديـم علـى طـول المـدا والليالـي
يالواحد المعبود يـا خالـق الـروح=علمك بحالـي كافـي عـن سؤالـى
ارحم يتيم بيـن الابـواب مطـروح=نفسـه تـردد فيـه والجسـم بالـي
سر يا يا قلم واكتب جوابي على اللوح=وسطر بيوتن مثـل نظـم الريالـي
مدادهـا مـن عبـرة جالهـا فـوح=من وهجن بالقلـب ضيـق بحالـي
وبلغ سلامي حرب سالـم ومسـروح=من الخليـج الـى اليمـن والشمالـي
واهل القصيم ونجد والواد ابو دوح=والساحل الغربي وذيك التلالي
عيني تهل الدمـع والقلـب مجـروح=مير افزعـوا لـي كلكـم ياخوالـي
الورع في سجن الحفر وامـه تنـوح=حفيدكـم يمكـر! مـيـن العيـالـي
اتلا العهد به يوم شالوه مسدوح =وموثقن في محكمـات الحبالـي
والحكم صادر والقضاء يزهق الروح=وحان ا لوعد ما بـا قـي الا ليالـي
والله لو أنه يـوم الاحـداث مذبـوح=لنساه واصبر عنـه مـع ماجرالـي
واونتي يا خال مـن داخـل الـروح=ونت صويبن طـاح والجـو خالـي
خلـي العكفـان الدناقيـر مطـروح=في موقعـن تسفـى عليـه الرمالـي
والعـذر ماينفـع ولاينفـع النـوح=ان كان خالي ضـاع فيـه المجالـي
والخاتمه يـااولاد سالـم ومسـروح=ذبحـة بناخيكـم عليـكـم وبـالـي
واصل القضيه لعب ورعان ومزوح=وما قـدر الله مـا عليـه احتيالـي
ومصائب الدنيا تجي يوم وتروح =ولواعاتها تدور دور المحالـي
والعفو ما بيـن الاجاويـد ممـدوح=ليـا عفـو عـن الحمـول الثقالـي
والصبر باب لاهل الخيـر مفتـوح=والله يحـب المحسنيـن الرجـالـي
من يفعل المعروف والبال مشـروح=جـزاه عنـد الله عزيـز الجلالـي
هـذا وصلـوا عـد بـراق يلـوح=على النبـي اعـداد وبـل الخيالـي
وسلامتكم
مـنقول..