كل مادار الزمان وزاد رصد صفوفـي=امسك الخط السريع ويظهر اللي خافي
يظهر اللي خايبٍ في رفقتـه مايوفـي=ويظهر اللي صاملٍ بالطيب دايم وافـي
رفقتٍ ماهيب تظهر فالزمـان وتوفـي=حطها تحت القدم وادعس لها بسرافي
مالها مطلوب تبقا ملحقتـك حسوفـي=خلها فالذرعه اليسـرى ورى لكتافـي
رفقه الخايب سرابٍ عـذب الملهوفـي=ورفقه النادر رصيدٍ ينقل اللـي حافـي
هيه ياعوج السنين انشدك بالمعروفـي=علمينا واظهري المشبوه واللي صافي
علمينا من لبس ثوبه بـدون كتوفـي=يلبس الرفقه ويظمر عكس ماينشافـي
ولايبيّن فالزمان ويبـدي المكشوفـي=كود ظرفٍ لا حصل لك جا جوابه كافي
وحن ليا دار الزمان وصار فيه كسوفي=مانصد من الرفيق اليا لحقه اجحافـي
ندرك الوقفه وندرك من لحقه حفوفـي=يوم دورات الليالي لو تزيـن عجافـي
نفعل الواجب وفوقه ماذخرنـا نوفـي=وما تحوش الكف نفزع به مع الميقافي
للرفيق اللي نصانا درع معه سيوفي=ولو درينا قبل ينصانا نجيـه خفافـي
ذي طراه الرفقه اللي للمواجب توفـي=شامخه مثل الجبل من شاف زوله كافي
وجعل ربي مايقول ولا تحـد ظروفـي=للرخوم اللي مداهـا فالقسـا ينشافـي