هذه القصيده للشاعر/ناصر بن ناجي بن مدعث آل عمار في مدح الشيخ قبلان بن لويف ال فهاد..
ياقبلان يابن لويف يالشيخ ياقبلان
حفيد الشيوخ اهل الكرم والتسياده
ابمدح على فعلك وصيتك وذكرك بان
وفعلك يعد اهل التواريخ مجاده
ومن قبل جدك يارد الموت فالميدان
ويعيش رجل ناهج منهج اجداده
اليا صار تمدح لك حصان وريث حصان
مايلحقك نقد واكثر الناس نقاده
احب الكريم مشرع الباب للضيفان
وتلقى الشحم والعود والبن وقناده
وبشاشة تجلي عن الخاطر العمسان
همومه ولو كانت على القلب بزياده
واحب الرجل لامن بدا للقبيله شان
يصير لبني عمه سناد وهم سناده
واحب لرجل لمن حتمت فالمواقف بان
يضد الضديد ويردع الخصم وعناده
واحب الحكيم مخلص برايه العربان
ماهو بخبل لابغى الراي ماصاده
بوجهه وجاهه ينعطى مزبن البلشان
فكاك السجين اللي كلا رجله قياده
هذي الوصوف نعدها للرجل عنوان
والشيخ قبلان(ن)جمعها وخذا شاده
يفدونه اهل القيل والهافي الخوان
ويفداه رجل ما خذا الطيب له عاده
واختامهاصلو على اشرف نسل عدنان
رسول بعثه الله بالدين لعباده