يالله يامنشي سحاب المخيله=انك تعين العبد يومه وليله
ابدعت قافي والمعاني جزالي=كلن يحب الوافيه والجزيله
اسوقها ترقى بقمة قممها=واليا انزلت ماهي بضمن الحصيله
من عقب هذا ربعنا يالصحابي=تنصا رجال الطيب كل القبيله
الاد زايد صيتهم في المعالي=وقت المعارك والسيوف الصقيله
لاثارت الهيجا وثوّر عسمها=دارت على الاضداد ذل وفشيله
وقت الرخى تلقى ظلال ومظله=في دار سمحين الوجيه النبيله
تشهد على مااقول كل القبايل=واللي يغط الحق ربي وكيله
ترى الحسد واهل الحسد في مغله=ماهمنا قولن بليا دليله
ياسامع اسمع لا تلوي براسك=كيد النساء بكبودكم مستطيله
هرج القفا والمعايا نقيده=عند الرجال اللي تذم الهزيله
وازودكم مع لاد زايد تغالب=ربعن لهم بالطايله والطويله
سلالة الابطال في وقت سالف=ترثة رجالن يكرمون الاصيله
وازودكم بالثالثه زحول وايل=ماعاش جمعن ينطحونه جميله
ربعن لهم بالمجد صوله وجوله=تضرب بهم الامثال والمستحيله
ثلاثة اقسامن تعزوا بدوسر=افعالهم لاشك ماهيب قليله
والخاتمه صلوا على خير مرسل=ارسله ربي برحمته نلتجيله
الشاعر العزيز الغالي صاحب اعذب القوافي وارزنها
ابو شجاع اررررحب ترحيبت البدو لسيل
ارررحب من قلب واحدٍ يعزك ويغليك والله اني صادق
الله الله على هذي القصيده التي تغمر الفوأد وتشرح الخاطر
والله يابوشجاع مالومك في مدح الدواسر جعلهم المعزه
ابو شجاع عــز الله انك وافي من ربعٍ وافين جعلكم المعزه
ابوشجاع حبت خشم على هذي القصيده
وننتظر جديدك المميز جعل من ارثك في الجنه
وتقبل تقديري واحترامي واعتزازي في شخصك الرائع
اخوك / فهد الغريري