قصيدة للشاعر شافي بن ناصر بن شافي ال بريك الدوسري
ياالله ياعالم خفايا وسري
ياعالمن البينة والخفيات
ياخالق(ن) خلقه بحر(ن) وبري
وكلن وضعله في كتابة علامات
اطلب رضاك ومن جنانك مقري
يوم الوقوف ويوم نشر الصحيفات
يوم يشيب فيه طفلن مغري
لو ماعمل في ماضي الوقت سيئات
ويومن على الكافرعسيرن ومري
وينظر لما فاته بويل وحسرات
واما على المؤمن يسيرن مقري
ويقول ياربي مزيدك حسنات
ويقول كنت اضن ذا ومتحري
وجنبت عن درب الهوا والملذات
واطلب بها الدنيا حياة تسري
ورزقن وفيرن طيبن فيه لذات
ابغى بذل الموجبات استمري
واعطي بفضلك يجزيل العطيات
وابغي مع اهل الخير بذلن وبري
واخذ مع اهل الخير والطيب سجات
ولاني على الدنيا كثير التجري
لو كان اناحيلي امورن صعيبات
ولاني من اهل التمتمه والتزري
نفسي رفيعه والمناهج بعيدات
وعقب صبين بين ربعه يهري
ويلقط هروجن ادقاقن هزيلات
محبوبزن متبوبزن مزمخري
يبغيبها مدحن وطيب وشهادات
عله بقصف العمر مامن مسري
لاصار ماجنك سبوحه طويلات
والبوم مينهجج مناهيج حري
لو حطله وكرن وغرهد بالاصوات