درر للشاعر ماجد بن عيسى المسعري ..
الانسان بالمقسوم ملزوم ومدبر
وراع العقل ياخذ من اضروف الدهر عبره
وضروف الشقا تفرق بالاصحاب وتخبر
تصفي لك الحالي عن المر والصبره
والمخلوق لامن صار بالله متجبر
جبر ماعثربه فالتجاريب والخبره
ايهلل علا نكبات الايام ويكبر
ويمهد طريقه من حياته الى قبره
واكرر واقول ابمكرفونات ومكبر
ابواقع زمانن طال فوته علا شبره
حض الادمي لاصار ماهوب متسبر
تصير الضروف اضك من ثقبة الابره
اقوله وانا بضروف الايام متصبر
عسى الله يعين الي صبر وانقضا صبره
اعبر اضروفن بالتكاليف تنعبر
اكثرها عليه الروح بالغصب منجبره
أخايل اخيالن من مناشيه متزبر
عسى المرتجي ماخاب ضنه ولاخبره
سلامتكم |