بسم الله الرحمن الرحيم ..
قصيدة وطنيه بمناسبة قرارات الخير من ملك القلوب مولاي خادم الحرمين الملك عبدالله بن عبدالعزيز آل سعود أطال الله في عمره .. وهاذا اقل مانقدمه للمملكه ومليكها أدام الله عزهم ,,
يالله ياعالم خفايا خلايقه = يامنشي ن بالسحب وبالخير سايقه
تمطر على دارً بقلبي غلاها = وبالحب في قلبي يعمّق عمايقه
المملكه تفرض على القلب حبها = هي منهج الاسلام وبالخير فايقه
هي قبله الاسلام وسنه نبيها = نبينا اللي نهجنا مع طرايقه
وعبدالعزيز اللي موّحد ربوعها = حتى غدت جنه وللعين شايقه
عياله اللي حصنوها بحكمهم = وماهمهم منهو يلفّق لفايقه
والشعب صافي ورايه العز تعتلي = على منهج التوحيد ماهي ببايقه
الله يخلي راعي الخير والعطا = الخير لشعبه دايم الدوم سايقه
هاذاك ابومتعب عسا الله يديمه = غيثً يروي الارض وتروا حدايقه
واخوانه اللي منهج العز نهجهم = تاريخهم بالعز تقرا حقايقه
وختمتها بازكى صلاةً على النبي = اعداد مادار الزمن في دقايقه
.
اخوكم \ سعد بن سالم بن سويحل الخضران الدوسري