هذه قصيدة الشاعر / خلف بن محمد آل بريك الدوسري في لاد الحبيبي عامة وآل شايع خاصة على فعلهم الطيب والعلوم الغانمة .
والقصيدة :
ودي اسير صوب لاد الحبيبي = ناوي ولكن ماحصل لي فراغي
ليته يجينا من طرفهم نبيبي = اعلمه في مقصدي ويش باغي
قصدي سلامي وصله يانديبي = على آل شايع ردده بالبلاغي
كسابة(ن) للمدح شب (ن) وشيبي = وافين للمدح مال المدح منهم مراغي
لاجيتهم تنسى همومك تغيبي = مجالس(ن) للكيف فيها يصاغي
ومنهم منافس حجرف(ن) الذويبي= شايع على ماقيل فايح دماغي
ابشر بقول ارحب وصدر رحيبي = وإن قلت عجل(ن) قال بالله لاغي
عندك قراك مفطح(ن) له عصيبي=وبر(ن) عليه معرب السمن ناغي
وجابر مثل جمل حمول الهديبي = لامن ارتكى للحمل ماهوب راغي
للمرجلة يتعب براي(ن) يصيبي = حب التقدم صابغ(ن) به اصباغي
ساسه كرم ماهوب عنه غريبي = طبع(ن) لأهلهم محدن عنه زاغي
وإن كان نار الحرب شبت لهيبي = يدعا بهم سهم(ن) على كل طاغي
لاعصبو بسلاحهم اتعصيبي = يصحون راس اللي من الكبر صاغي
ورث(ن) لهم من ماجد الحبيبي = ربع(ن) على النخوة تحذف الشماغي
تمت بذكر اللي علينا رقيبي = وصلوا على اللي ماعن الحق زاغي