السـلام عــليكم ورحمــة الله وبـركـــاته
0
0
0
اجــتمع الاكاديمين والادبــاء على أن حـرف الشين (( ش )) اقل الحروف المستخدمه في الـقصائد .!
وان العرب كانت نادراً ماتستخدم حرف الشين .!.! مادري وش الاسباب هل هو عجز .! ام لصعوبته وثقله .!.!
فـما كـان من شــاعرنـا المـبدع (( نـاصر الـفراعنه )) الا ان يـأتي بقصيده كاملة ترتكز على حرف الشين وأســمـاهـا (( الـشـائـيه )) .! ليثبت للجميع انه شـاعر العصور وتصعب مجـاراته .!
0
0
اضـع بين يديكم هذه القصيده
نٍٍٍٍـوٍّ رهـش لـي موحـشٍٍ مرهٍـش جِِِِــش
هـتّــاش عـتّــاش ورشّـــاش طـشّــاش
ناشـي مـن المنشـا يشـادي ليـا ارهـش
جيـوش حبشـيٍّ علـى الـشـرق نـطّـاش
شهـلال شهلولـه علـى القـاع الـى رش
شهـلال شلـفٍ فـي النخاشـيـش هـتّـاش
رشّ مــطــشّ هــايــشٍ شــايـــشٍ وش
جـيّــاش نـــوّه بالقـنـاطـيـش طــــوّاش
ينـشـر نواشـيـره عـلـى هشـهـشٍ نــش
يغـشـاه مــن قـشـع الشخاتـيـر غــوّاش
يرهش ويربش يـوم قـش الشجـر قـش
قلـب الشجـاع الـلـي تنغـمـش تنغـمـاش
كـن راعـده لاجهـش شـجـاعّ تشـوبـش
قام ايتخطرش دون الاشهب تخطراش
يحيـي هشيـمٍ عقـب شـوف اربـع كـش
وينعش نشاش مشلهب عقـب الانشـاش
نـــوٍّ بـشــوش يـــوم جـــرّش وبـــرّش
يشفـي بشوفـه بـوش بــدوانٍ اعـطـاش
طـرش علـى عشـب الشمـال ايتجهّـش
قـام ايتخطّـش شــوك شبـكـه تخـطّـاش
شوف الشمطري والشجـر منبتـه هـش
شـفّـي وشــفّ امنشـنـشٍ حالـتـه مــاش
والشـف الاول شــوف غــرو تـقـروش
غــرو هبشـنـي هـبـش حــب بمهـبـاش
البارحـة كـنـي عـلـى ريــش الاريــش
من شـان شـيٍ بالحشـا يجهـش جْهـاش
هـمٍ حشـا حشّـي يـحـش الحـشـا حــش
حشّة حشيش غطرشوا به علـى طـاش
فيا شوع قلبـي شـوع طيـرٍ علـى عـش
اخذ فرخه وخرفش على العد خرفـاش
فـيــا نـشّـتـي نـشّــة خـلــوجٍ تـنـشـنـش
شالـوا ضناهـا وهــي تشـوفـه يعـمّـاش
لاشـرقـوهـا شــــرق شــــام تـنـقــرش
قامت تشمشـم مـن شـذا الريـح مهنـاش
هـي شومهـا شومـي علـى ناقـل الغـش
راع الجديـل اللـي تعـكـرش تعـكـراش
ابـــو ثـلـيـل فــــوق مـتـنــه تـعـكــرش
شمـلـول شهـلـول بــرد وابـلـه طـــاش
وابــــو خــــدود مـرهـشــات هـمـلّــش
لا شــال برقعـهـن تـقـل شـعّـة فـــلاش
يـــا مـــا عليـهـنّـه شـجــاعٍ تـطـربــش
اصفى من الياقوت وابيض من الشـاش
صـدر مـن الشيـراز كاسـيـه رشــرش
نــور مــن البـلّـور كـاسـيـه رشـــراش
ابـــو ثـمــان كـنـهـا الـطــش والـــرش
هـــشّ هـشـاهـيـشٍ تـبـهّــش تـبـهّــاش
كــن ريـقـهـن در الـبـكـار الحبـشـبـش
ولا حـلـيـب نـاشــع فــيــه خـشـخــاش
مـزيـون مــن شــر العـيـون يتـخـشّـش
علـى مشفشـف شفّـتـه جـانـي خْــراش
يـاشـبـه خـشــف ذيّــــروه الـمـخــرّش
كنّـه يحوشـه عـن شبـا الريـع حــوّاش
خشـف عفيـف الـشـان حــرّك وتبـلـش
عوده ليا هب الشمال ارعـش ارعـاش
علـيـه لا جــاء مــن يمـيـن آتـــدروش
وعليه لا جاء من شمال ارهش رْهاش
مانـيـب مـربـوشٍ ولا نـيــب هـشـهـش
ولا شـاربٍ غرشـا ولا نـيـب حـشّـاش
لا شـك شوقـي شـقّ الاجيـاب واربـش
واصبحت مربوش على كـور مربـاش
يالايـمـي فــي حـبّــه اش اش ثـــمّ اش
لابـو هـشـاش المرجـلـة لابــو قـطّـاش
وعــفـــــاكـــــم