السلام عليكم ورحمة الله وبركاته
اخواني الاعزاء
هذه مساجلة بيني وبين الاخ العزيز على قلبي والشاعر القدير / راشد محماس الزعبي
وارجوا ان تنال اعجابكم
أبياتي :
الصدر ضايق واقتفيته بهوجاس=وادليت دلوي مع هل الشعر فالبير
وجبت المثايل جزلها اشكال واجناس=وجتني مثل جند السرايا طوابير
مثايلن مثل الجواهر والالماس=وفيها من الريحان ونفح النواوير
قم يانديبي واركب اللي لها ساس=عمانيةٍ ماحسبت للمخاطير
وانصا لرجلٍ ماقرب درب الادناس=راشد ولد محماس نسل المناعير
واشرح له الاوضاع والوضع حساس=علومٍ على كبدي سوات المناشير
الحال متدني ياراشد ومحتاس=وضعٍ ينوّخ من براسه صعاطير
التنمية وقفت عسى مابه افلاس=إلا من السرقان يادولة الخير
وغدا المواطن يصفق اخماس بخماس=مديون وكل ليلٍ يحسب الفواتير
وحال البدون اللي من اتعاس فتعاس=ولاجداه إلا يطر الازارير
ولا دواوين النشاما هل الساس=اهل الكرم واهل الدلال المباهير
اللي بها عيال الشغاميم جلاس=هدمت ولافادت كثير المعاذير
وراعي الحلال اللي رعاها بالاطعاس=يحرم عليه الرعي من غير تبرير
الحال متدني ياراشد ومحتاس=وهات الحلول اللي تسوق التباشير
راشد محماس الزعبي :
يا
مرحبا يضــــايق الصدر لابــــاس=لابـــاس والدعــوا تراها مسافير
جتني أبيوتك بين سابح و غـــــطاس=شاعر ولك بـالشــعر ورد ومصادير
كنها مصب جنيه يا طيــــــب الراس=ياقـــــف لها الشـــاعر بحشمه وتقدير
مثلك يابو غازي على الطيب نبراس=أبوك ياخـــالد كما طـــويق والــــنير
يلي سرا ليلك على أخماس وسداس=الوضــع مايحــتاج ياصـــاح تفـــسير
هاذا الزمن فيه الذنــب غاديٍ راس=وشيخ العـــرب يركع لشيخ الدنـــانير
ياكيف تقبل عيني أو عينك إنعاس=الحر يــجــزع مــــير هاذي مــقادير
الدار محفوظـــه وللـــباب حــراس=والذاهــــبه كــــثرو عليها المــــداوير
وترا الحــباري مالها غير قرنــاس =الـــنادر إلي صخر الخرب تصــخير
وقايـــعه يـــومن ألا ارياق يبـــــاس=ياقـــوم يابــو زيــــد ياقـــوم يا الزير
ون كان قلت ابدون فا العرق دساس=رجلــــن تــــذله ما يمـــسيك با الـخير
أعطيتك الموجز على وزن وقـياس=بيــنــت لك والخافيه تشـــبك الطير
تراالصدور قبور ياطــيب الـساس=بعـض الــسوالف تقــتفــيها المعا صير
وسلم عدد ماذعــذع النــود نسناس=وعــداد بــراقــــن امـــزونـــه مزابـير
خالد غازي المشاوية