[معلومات العضو عبدالكريم العماري]

بسم الله الرحمن الرحيم
السلام عليكم ورحمة الله وبركاته

أقدم لكم هذه الشيلة الرائعة وهي من كلمات الشاعر/ خالد بن مدعث وآداء العذب







للتحميل
http://www.4shared.com/get/XVqYozLn/_1_online.html


وهذه القصيدة كاملة وهي رد على قصيدة الشاعر لفى الهفتا المطيري

على كسب الشرف محدٍ شمتنا=لو آنا فيه ولا منه متنا
إلى شفنا الرجال اهل المعزه=سعوا للعز حنا ويش نتنا
واذا مَنآ بننصى كل عليا=تعدتنآ المعالي مانصتنا
وحنا يالفى يوم المزاحم=بلغنا ذروة العز وثبتنا
وبلغنا بالبلاغه مابلغنا=وجزالة موهبتنا من بختنا
وكشفنا مدعي علم البلاغة=لغات الترك ماتشبه لغتنا
يقولون الجهات اربع وحنا=عن الاربع تكفينا جهتنا
وعلى ما فات لاتطري الحسايف=ثقتنا يالفى في موهبتنا
سبحنا فالمحيطات وغرفنا=ونقشنا فالصفا الصم ونحتنا
وليا من قدرونا اهل المعرفه=على قصار الشوارب ما ألتفتنا
ولو آنا عن علوم الغيب نعلم=توجهنا وعرفنا مصلحتنا
ورب ضارةٍ منها منافع=تجينا ما علمنا كيف جتنا
ياكم من مزنةٍ تردف عجاجه=ليا قفت عجاجتها سقتنا
يقوله يالفى الهفتاء مجرب=تجارب والتجارب علمتنا
لو الانسان فالدنيا مخير=ربحنا فأولتنا واخرتنا
ولو الارزاق توخذ بالسوالف=قضينا العمر كله ماسكتنا
ولو الارزاق توخذ بالغصايب=عصانا في يدينا ما عصتنا
تدابير القدر خيره وشره=تحت من بأمره أصبحنا وبتنا
وحنا جبال مهما الارض قامت=تزلزل تحتنا ،و تبقى تحتنا
وعسى الله ما يعز عروش دارٍ =رفعنا عرشها ثم عرشتنا
بلاد" ملكها بيدين ظالم=لحفظ ارواحنا ياكل ديتنا
بلاد" بأكبر الاسماء تسموا=واساميها الكبيره سممتنا
بلاد الظلم ماطقطق سماها=ورغم أن الدهر فيها نبتنا
لها وجهٍ مثل وجه الليالي=ويشبه له وجيهٍ واجهتنا
وخصيم الوجه الاول وجه ثاني=وجيهٍ باهته مير بهتتنا
ذممهم ذمتي منها بريه=دلايلنا حلوفٍ ماحمتنا
شرار الكذب وسيوف الطماعه=أراها تلوح فعيونٍ رأتنا
وترا اللي صايرٍ معكم ومعنا=أضنه صار مع ناسٍ تلتنا
بيوت الذل لو تكبر ذليله=ولو آنا مدحناها هجتنا
وبيوت العز لو تصغر عزيزه=حماك الله يا بْيوتٍ ربتنا
وحنا من فناجيل المطيري=تقهوينا وهو ذاق قهوتنا
انا عيب" علي اصد وجهي=ليا من دعوة الطيب دعتنا
وحنا للرجال اللي سواتك=تقلّطهم علينا شايعتنا