بسم الله الرحمن الرحيم
مســـــاء / صبــــــاح : الخــــــير ياوجيهـ الخيــــــر
هذهـ قصيدهـ للشـــاعر الجـــزل (( ناهض )) وهي تتكلم عن المخالفات و تدبيلها وبعض الامور اللي ماتخفاكم
يالله دخيلك من العله ومافيها = ويالله دخيلك وسترك من بلاويها
وين المشايخ ووين مدون الفتوى =وش حكم شي نشوفه في تواليها
يعطا المخالف وبكره تدبل زياده =من غير حق يدبّلها ويثنيها
مدري ربا الجاهليه جاو يحيونه =والا دبورن بدابه من نهج فيها
يامحارب الله وساعي بالربا دايم = عليك لعنه من المعبود توحيها
يالله دخيلك تعدينا خطاياها =نبرأ الى الله منها في تعاطيها
ياهل الفتاوى تراها بان مبداها =وانتم تعرفونها من قبل نبديها
قومو وردو براس العلمنه ذيله =وخلوه يدري ترانا مانعديها
قبل العقوبه من المولى تغشّانا =بسكاتنا عن مقال الحق نرضيها
ضعيفنا تاقف اللقمه بحنجوره =وقوينا مايحاسب وين يجنيها
واللي يصّدر قراراته ويمليها =رصيده البنك يتعب لين يحصيها
هدايفن جاتنا فالدار سكانه =وبسلوبها والتحرر جات ترميها
لاعاد شيمه ولاقيمه ولا مبدا =قومن لفتنا وراس ابليس معميها
جتنا وحطت لها علم وخبر حاظر =تالي زمان العرب شاخت جلاويها
والدار يوم اعتزى حده على الفزعه =ماسانده كود قومن هو يهاويها
عاشو بخده وهي دهرن وممروره =وشلون يوم استوت ماعاد يحميها
دونه هل الدين والتوحيد والمله =اللي على الحق توفي في عزاويها
وســــــلامتكم