[معلومات العضو حربان البقمي]

بسم اللهـ الرحمن الرحيمـ

السلامـ عليكمـ ورحمهـ اللهـ وبركاتهـ

اخواني ادارة واعضاء منتدى قبيلة الدواسر الرسمي

حبيت ان اطرح لكم قصيدة لشاعر / سعيد عايض البقمي

في رفيق دربــه فهد فلاح الدوسري وفي قبيلة الدواسر عامة

(وانتم تستاهلوان الطيب والعلم الطيب)

البداية بالتحية سلامي لرجال=بعدها مضمون هرجي وجى في مايلي
استعدي ياهجوسي ويافكري تعال=وانطنخ ياراسي اللي من الطيب يغلي
وكان في الميقاف لمن وقفت وقيل قال=ماوفيت با ماقفي جعل وجهي ينطلي
والله اني مارد الا على العد الزلال=دامها من مصمك الراس والمخرج ملي
اجتهد ياهجس الشعر في بدع الجزال=للخوي اللي بقدره وطيبه معتلي
بسم قوم(ن)مجدهم ثابت(ن) مثل الجبال=البقوم اللي على الضد نار(ن)تصطلي
بسمهم حضرة ابارك وذي اغلى الليال=نوفي الماجوب لك يافهد ونكملي
بعد جتنا دعوة(ن)منك شدينا الرحال=طبعنا نوفي بقدر الخوي مانجهلي
ونت من قوم يلولن لله الكمال=والله ان اقوال رجال الدواسر كاملي
بالكرم والطيب والجود مع نبل الخصال=والشجاعة والشهامة يقوال ويفعلي
دون قاصر في القبايل لكن انتم لحال=مجدكم وسط الجزيرة يعد الاولي
بيرق ابن قويد لمنه اشتد القتال=بطشهم منه العداء يشربون الحنظلي
شيخ قوم(ن)في المواقف رقى روس الجبال=يشهد التاريخ فعله بعصر الجاهلي
ترتخي هقوت اعداهم وهم عال عال=النظر يم السحايب لايمكن ينزلي
لاعتزوا بالاد زايد نهار اكبر جدال=فعلهم يبين مثل الصباح المنجلي
ماخذوا خطلان الايدي ولا سادوا اهبال=طنخت(ن) في الراس دايم من الله الولي
الدواسر طيبهم راح للعالم مثال=من فهد متسلسل(ن)لين زايد الاولي
افتخر يابو فهد في فهد بين العيال=الشبل من ذاك الاسد عد طيبه ينهلي
وفي اختام السالفة باقي(ن) عندي مقال=والله ان اموت وقدر الدواسر معتلي
ذا نهاية مابديته وعذرا(ن)يالرجال=مجدكم من معلاقات الشهر مانصلي

وســــــــــــــــــــــــــــلامــــــــــــــتــ ــــــــــــــــــــكــــــــــــــم