السلام عليكم ورحمة الله وبركاته
:
يسعدني أن أقدم لكم هذه القصيدة للشاعر الكبير: سلطان بن وسام الهاجري
:
والتي يقول فيها:
: |
عليك الفرج يـا الله يـا حـي يـا قيّـوم=إلـهٍ عـبـاده كلـهـا تلتـفـت يـمّـه
ألا يـا رفيقـي والله إنـه عـداك اللـوم=أنا اللي علـي اللـوم فـي ذمتـي ذمـة
ولكن سامحني تـرى العلـم فيـه علـوم=ولا يفـرح اللـي بيننـا ينقـل النـمـة
حصل ما حصل والعبد يصبر على المقسوم=يدور الزمـان ويخلـف العـزم والهمـة
(طرات الرجل لا لحقه من الزمان همـوم=ما يدري بسده كـود خيـرة بنـي عمـه)
وسيع البنايد فـي الشدايـد قـوي عـزوم=لا عظك زمانك شـال همّـك مـع همّـه
وأنـا والله إنـي ماتهنـى بحلـو النـوم=ورفيقـي عليـه همـوم الأيـام ملتـمـة
أشيل الحمل منـه وأحطّـه علـي وأقـوم=مقام يـورد مظمـي المـا علـى الجمّـة
لكن الزمان الشيـن ظالـم وأنـا مظلـوم=على الهون ياللي تمـدح الوقـت وتذمـه
تهب الهبايب والسفن فـي البحـور تعـوم=وتقفي بها صلـف الهبايـب عـن اليمـة
هبوب تصلفقهـا وبحـر وسمـا ونجـوم=ومـوج تقـفـاه العواصـيـف وتـزمـه