[معلومات العضو الشكري]

المشاركة الأصلية كتبت بواسطة فهد الغريري

راكب اللي لا مشا يطـوي القـار=مـا يقـدر السـواق يلحـق قياسـه
جمس ٍ جديد ما نسـع فيـه مسمـار=من سرعتـه يمكـن تناقـز طياسـه
سواقـه اللـي فـي معانيـه بيطـار=حـذرا مـن الهسـات يبعـد نعاسـه
من الكويت يسرح في وقت الاسحار =والعصر فـي وادي يسمـا بناسـه *
وادي الدواسر جعل يسقيه الامطـار=ويسقي نخيل مبطـي فـي غراسـه
ديرة بنـي عمـي طويليـن الاشبـار=اهـل الحميـه والصخـا والفراسـه
يا ما نحـو مـن دونهـا كـل عيـار=سقم المعـادي ليـن كمـل عطاسـه
فاتوا جميع النـاس بحشمـة الجـار=لا عاد منهـو ضـد جـاره جفاسـه
وعيوا يبيعـون اللحـم بـد الاسعـار=لا عاد بعض الناس يجلـب خياسـه
وخويهم توسم عصاه إلا مـن سـار=وتكرم لحاهـم مـا تعـرف البلاسـه
وإلا وصلت الدار وكفيـت الاشـرار=قدام بيت ذعـار صفـه و واسـه *
وقله تـرى يا ذعـار مانيـب هـذار=لا شك قلبـي صايـر بـه حساسـه
تلعبـي الدنيـا علـى غيـر مختـار=لا سـر قلبـي بالزمـان واقتناصـه
ذعذع هوى ذا الجيل في كل الاقطار=سكـر هـواي مخطر بنعكـاسـه
والله ما اجامل مع اهل الخزي والعار=ولا اجلس مجالس من رضا بالنجاسه
حيات رب البيت ما ابني لـي جـدار=في مجلس تدبـي عليـه الهياسـه
وان ما حصل لي مسكن بين الاخيـار=بيت الشعر والـذود عـز و وناسـه

العزيز الغالي صاحب اروع المواضيع صاحب الكلمه العذبه ابوعبدالله "الشكري"

ابوعبدلله اهني هذا المنتدى الكريم بوجودك فيه فانت شعله من النشاط

محرك الهمم لدينا كلما فترت الانفس نرا الشكري في قايت النشاط

فتتحرك فينا الهمه من جديد وكل هذا بفضل الله ثم فضلك جعلك تحيى

وبيض الله وجهك على هذي القصيده الرنانه من هذا الشاعر المتمكن

وصح الله السان الشاعر الكبير سعد بن مبخوت ال ثاقب الشكره

على هذي القصيده وزاده الله من زوايد فضله والله يبارك في عمره

ابوعبدالله جعل من ارثك في الجنه على ماقدمت من علومٍ غانمه

تقبل تقديري واحترامي

اخوك/ فهد الغريري,,

الاخ العزيز / فهد الغريري

اهني نفسي بمرورك الكريم

وشهادتك الطيبه اللي افتخر فيها واعتز بها

ووجهك ابيض وجعل شيبان ارثوك الجنه

لا خلينا منك وعساك في الوجود

والشكر لك انت على الرد الطيب وانت للطيب اهل

وتسلم ويسلم غاليك

لا عدمنــــاك