07-12-2009, 01:35 PM
|
#3
|
 إحصائية
العضو |
|
|
|
رد: الجاثوم...
اقتباس:
المشاركة الأصلية كتبت بواسطة أبومبخوت الشكرة
صحيح الجاثوم حقيقه ومثل ماقلت
(( من جرّب ليس كمن لم يجرّب ))
أنا كنت اسمع بـ الجاثوم وأسمع أنه يسري بالأوادم
وكنت بين مصدق ومكذب لين حصل معي موقف مع الجاثوم
وكانت اسمع انه بس يسري بالناس ومن خلال تجربتي الشخصية
أكتشفت أنه أحيان يبرك على الأدمي ويثبته ,, أنا حصل مع
كنت في البر من فتره وفرشت فراشي في حوض الددسن<< البراد أزين من الخيمة
المهم دووبي منسدح ومتسلقي على ضهري وأول ماتغطيت
بالبطانيه إلا بهذا الشي اللي مدري وش اللي برك علي وكان وزنه ثقيل جدا"
لم أستطع تحريكه او رفعه من فوقي ولم أستطع أيضا" أن أفتح
عيوني وأنظر من هذا اللي مزحه ثقيل أخر الليل .... المهم بعد المحاولات
لم أنجح في رفع هذا الوزن الثقيل عني أخيرا" <<<أقول في داخلي
بكلم هذا اللي مزحه ثقيل وأقوله ياولد وش ذا المزح أخر الليل وأكتشفت
أيضا" أن لساني مربوط ولا أستطيع النطق بأي شي وحينها ادركت
أن هذا شي غريب وأول مره يحصل معي فقلت ياولد شكل ذا يومك
بس تشهد <<يمكن ملك الموت جاء يقبض روحي ......
وأول ماتشهدّت وطبعا" في داخلي لم أستطع النطق بالشهاده
فجأه وأذا بهذا الوزن الثقيل يخف ويرتفع شيا" فشيا" إلى أن ارتفع كليا"
وبعدها فتّحت عيوني ورفعت البطانيه عن وجهي ووقفت على حيلي
وأنظر يمين ويسار ولم أجد أحد بديت بعدها أاذن وجو أخوياي
وش فيك وش فيك بسم الله عليك !!!
أخبرتهم بالسالفه وقال واحد منهم هذا جاثوم اللي برك عليك
قلت كيف هو يبرك وإلا يسري بالواحد !!!
فقال الثنتين .
------------
ملاحظه :
بعد ماسألت عن الجاثوم وجدت أنه يجي للواحد أذا بعد عن ذكر الله
وأكتشفت أني كنت محافظ على الأذكار والأدعير قبل النوم ولم يكن
للشيطان لي درب بس عقب السالفه لا حضت أني وبصراحه بس لا تقولون لحد
أني أهملت وقصرت في الأدعيه عند النوم والمعوذات <<< يمكن هذا السبب .
---------------------
المعذره على الأطاله ويعطيك العافيه ولاهنت ع الموضوع
تقبل تحيااااتي وتقديري |
|
الحمدلله على السلامه ياخوك وماتشوف شر واناا نفسك والله احسبه يسري بالوااحد طلع يبرك على الواااحد ولكن احلى مافي سالفتك النوم في الحوض خخخخخخخخخخ
لاهنت على المرور وعلى الاضاافه الرااائعه والمجربه
محمد الخمااسين
|
|
|
|
|