ابيها عقد من فضه وابيها عقد من ألماس =وابي غالي الذهب يبرق يحلي كل اساورها
ابيها وسم في صدري وابيها رسم عالكراس=وابي تكتب حروف اسمي بصفحه من دفاترها
ابيها وقت فعل الشر تكون لعقلي الوسواس=وابيها وقت فعل الخير هي اللي بس اشاورها
ابيها صوت يطربني يذكرني بصدى الاجراس =وابيها كل لحظاتي من اولها لآخرها
ابيها اطهر العالم بعمره ماوطا الادناس =وابي تقهر جميع الناس ولابه شي يقهرها
ابيها دوم مبسوطه ابيها ما تشوف الباس=ابيها تكون لي ورده تعطرني واعطرها
ابي تسكن وسط روحي ابيها اقرب من الانفاس=وابي من غير ما تامر انفذ كل اوامرها
ابيها قصر في قلبي ابي ظلوعي تكون الساس =وابي تفرش قصر حبي بلحظة من مشاعرها
ابيها تكون خاطرتي ابيها تكون لي احساس =وابي انا الوحيد اللي تحبه في خواطرها
ابيها تموت في نزفي تحبه حب بدون قياس= وابي لامن قرت شعري تضييع بحب شاعرها