ياعين هلي عقب درع الجزيره=لو كان مايجبـر عزانـا بكانـا
شاعر يترجم ما يكنـه ظميـره=الله يجبـر فـي ملكنـا عزانـا
يالله ياللـي مالنـا رب غيـره=ترحم مليـك ٍ بالمعـزه حمانـا
اللّي على التوحيد وحّد مسيـره=هو درعنا هو ذخرنا هو ذرانـا
يالله ياعـلاَم خافـي السريـره=نطلبك يارحمـن تقبـل دعانـا
ترحم مليـكٍ بالمعـزَه مسيـره=وتوفَق اللي شال عقبـه لوانـا
يا الله يا كافل رزق كل البريره=ترحـم مليـك بالمـودة وفانـا
يا رب يا معبود ولا أحد غيـره=ترحم مليـك بالسجايـا عطانـا
تبكي على فراقه عيونٌ سهيـره=اللـي بخبـر فرقـاه الله بلانـا
اسم الفهد مرفوع في كل ديـره=مثل القمر اللـي ينـور سمانـا
يالله يعالـم بخافـي السريـره=تقبـل دعانـا لارفعنـا يـدانـا
ترحم فهد راعى الفعول الشهيره=اللي على سلم طموحـه رقانـا
فرقـاك والله يافهدنـا مريـرة=بلـوى وياكبـر البـلا ياذرانـا
زادت على الكبد المريرة سعيرة=يالله عسى الفردوس الاعلى لقانا
راح الفهد يالله تعـوض بغيـره=راح المليك اللي تخافـه عدانـا
اللي بنا النهضه بعلم وبصيـره=يالله تصبرنا على اللـي دهانـا
الموت له عينٍ ولا هي بصيـره=حقٍ خذا شمـسٍ تنـور سمانـا
شيخٍ مسطر له مع المجد سيره=راح وفعوله كايـده مـا تدانـا
زعيمنا اللي عم الاقطـار خيـره=عن نصرة شعوب العرب ما توانا
وقف وحقق للكويـت تحريـره=وقصر مسير اللي بشـره نوانـا
نبكيك وتبكيك نجد وأرض الجزيره=وتبكيك طيبة ومكة قبلة المسلمينا