ياعين هلي عقب درع الجزيره=لو كان مايجبر عزانـا بكانـا
شاعر يترجم ما يكنه ظميـره=الله يجبر في ملكنـا عزانـا
يالله ياللي مالنـا رب غيـره=ترحم مليك ٍ بالمعـزه حمانـا
اللّي على التوحيد وحّد مسيره=هو درعنا هو ذخرنا هو ذرانا
يالله ياعلاُم خافي السريره=نطلبك يارحمن تقبل دعانا
ترحم مليكٍ بالمعزَه مسيره=وتوفُق اللي شال عقبه لوانا
يا الله يا كافل رزق كل البريره=ترحم مليـك بالمـودة وفانـا
يا رب يا معبود ولا أحد غيره=ترحم مليك بالسجايـا عطانـا