القديره بنت الشايب هذا طلبك
بعض الابيات من الملحمه الزايديه للامير محمد السديري رحمه الله
ياناشـدٍ عنـي وانـا لـي قبيـلـه=لهـا المجـد زايـد بالرفـاع بنـاه
وكمل مقام المجـد عامـر وشيـده=طريـق المعالـي للدخيـل مـشـاه
كونٍ جـرى علـى واضـح النقـا=الاشراف جضت مـن عظيـم بـلاه
مزنٍ تزبر فـوق سلـى صواعقـه = تشظّف من خشوم الجبـال حصـاه
نشا من ثنايا برك ترعـد مخايلـه = من الشرق غيظ بالصـدور حـداه
غيظ مخيف يطحن الغيـظ والغضـب=وماطال مـن روس الخشـوم طمـاه
امطر على الاشراف وانهـل وبلـه=عليهـم تنثـر بالغـزيـر طـمـاه
قوز الشريف اكبـر علايـم دلايلـه=سيلـه تدفـق هـد كــل انـيـاه
سيله عجاج الخيل والبيـض والقنـا=وروس النشامـا بالحـزوم إغشـاه
تشهـد علـى ماقلتـه العامـريـه=جضت أسبيـع مـن عويـل ابكـاه
تبكي على فتخـان الإيمـان غلمـه =تعشوهم اللـي بالحـروب اعصـاه
والضبعـة العرجـا تعشـا بدربهـم=وكـم ضيفـوا ذيـب يجـر إعـواه
والطير يلقى البر من ضرب شلفهـم=مضاريبهـم يعـيي الطبـيـب إدواه
وش حل بالاشراف غالـب وراجـح=اقفـو كمـا صيـد حدتـه إضـراه
اقفو على قب تخافـق مـع الوطـا=تنـازا بطوعـات الرقـاب حــذاه
من ولب عطبين الهوايـا آل زايـد=لهم صانع السيـف الصقيـل حنـاه
حناه وارهـف شذرتـه يـوم كملـه=وعطاه لمن هـم بالحـروب عـداه
حيث أنهم يروون حـده مـن العـدا=بأيمانهـم روس الفهـود عـشـاه
إلى عـدا فيهـم حريـب وزارهـم=يعدلـون بحـدود السيـوف صغـاه
وجريس ماطاله مـن الظيـم طايـل=اسود الشـرى عمـن يبيـه حجـاه
اسود الشرا بالضيق تنجي دخيلهـم=ويـروون مـن دم الرقـاب ظمـاه
فكوه ثم اغنـوه يـوم انـه التجـا=وجـه أبـن بـدران يزيـد ضيـاه
تجمل مع جريـس اليمانـي وعـزه=الزايـدي يـوم الدخـيـل عــداه
يشهد العامر مامضـى مـن فعايلـه=يـوم إن غالـب بالجمـوع نصـاه
يبي دخيـل البيـت ماخـاف خالقـه=دخيـل عطبيـن السهـوم إرمــاه
واقفا ذليـل يتبـع السيـر بالسـرا=وحـرب عنالـه بالفـواد شـكـاه
أقفا مثل ماجا وهـو يشكـي العمـى=اقفـا مـن الذلـه يـحـر قـنـاه
عيـب علـى مثلـه لياهـد ينثنـي=يبدل مـن عقـب الهديـر إرغـاه
وأبـن صبـاح أذروه وبـن خليفـة=رمـح آل زايـد ظلـهـم بافـيـاه
اخذ ثارهم من ضدهـم يـوم كادهـم=رمـح مـن العـز القديـم عصـاه
يشهد بـه الهـدار واللـى جرابـه=دخيلهـم ثـاره عـطـوه إقـضـاه
فكـو حقـوق للدخيـل ابـن وايـل=جميليـة نالـوا حـقـوق وجــاه
من ضرب من لا صددوا عن حريبهم=يصكـون باجبـاه الخصيـم جبـاه
دخيلهم باعلـى السماكيـن منزلـه=لـه بيـن نجـم الفرقديـن مـتـاه
كنـه بجنـات تظـلـه غصونـهـا=والنايـف الطايـل يـحـل ربــاه
تعلوا لعرش المجد من قـو عزمهـم=مصابيـح ظلنـات تريـح رجــاه
مراجيـم عـدوان مرابيـع ملتجـى=ليا جف مـن وبـل المـزون ثـراه
إلى قطبت عسـر السنيـن وجذبـت=ولاعـاد يذكـر بالريـاض كـمـاه
يهوشون بوجيه تكاشف مـن النقـا=والضيـف مايقصـر عليـه إقـراه
ياناشـد عنـي وأنـا لـي قبيـلـه=قصـر النـدا زادو عليـه إبـنـاه
اشادوا فعـول بالفضايـل وسلمهـم=للجـار كــل باللـسـان حـكـاه
بني زايد ادوا جارهـم مـن جـداره=ولا أحـدٍ مـن اسبـاب الإلـه وداه
لهم وادي سهـل الـدروب ودونـه=نـار ينـزح عـن احمـاه سـنـاه
سنـاه مصقـول الحديـد الصافـي=وعـزم القلـوب الصاطيـات لظـاه
عذروبهم للضيف ترخص نفوسهـم=والجـار مضمـون السـلام إغطـاه
وجه الندا يندا كمـا ماطـر الحيـا=يبيـن عنـد الموجـبـات نــداه
تعييي على الشيمات حفاظـة الشيـم=ووجيـه النـدا لازم يبـش حـيـاه
قصيرهم يـارد علـى العـد قبلهـم=ولاشكـا يـوم الــورود ظـمـاه
إن زادت إسنينـه تجـدد معـزتـه=وكـلٍ خطـا جـاره عليـه رفــاه
على الطيب شبان وشيب تزاحمـوا=والطيـب يتعـب للـرجـال مــداه
دواسر كنيوا علـى دوسـر الفحـل=واسـمٍ علـى فعـل يبيـن إقــداه
من الهضب للافلاج مكديـن ضدهـم=وحريبهـم مـر المـذاق عـشـاه
وادي العقيـق مطهرينـن جنـابـه=ولا ديـس بيـن العالميـن إحمـاه
من عصر ابن بدران هذي ديارهـم=والـدار محـدٍ للخصـيـم عـطـاه
راسين مثل جبال هضـب آل زايـد=وهـم ليـا شـان الزمـان إحمـاه
حموه يـوم إن القنـا يقـرع القنـا=ولمثلـهـم رب العـبـاد بـنــاه
من الفرعة العليا إلى الخرج حدهـم =به الجـار مـا كِّـدر عليـه صفـاه
الدار مـا تصلـح لمـن لايصونهـا=الـدار عــوره والـرجـال إرداه
دارٍ خذوهـا بالمراهـيـف عـنـوه=وهم نورها الصاطـع ينيـر ضيـاه
بني عقيـل أخلـو مغانـي ديارهـم=بعد دمهـم بـأرض العقيـق سقـاه
من غلمة ما باعوا العـز والشـرف=يـوم الـردي فعـل الجميـل نسـاه
تشهـد مشاريـف اليمامـه بفعلهـم=فـعـل تـعـد العالمـيـن ثـنـاه
هرج بفعل يشبـه المـاس بالذهـب=وهـرج بلافـعـل يـقـال سـفـاه
نعـد قــول ماتـكـذب مثايـلـه=راويه أصـدق مـن طيـور قطـاه
نعـد مجـد الطيبـيـن و فعلـهـم=واذكـار فعـل الطيبـيـن طــراه
فعلٍ على فعلٍ تحاكـا بـه العـرب =محـدٍ يكـذب مـن يـعـد ثـنـاه
الشاعر المطلووب" الشاعر " الهجاج بن عيد الغييثات رحمه الله