يقول من قلبه محاه الهوى وأفناه=عيون الشقاوي لو تبسم شقاويه
يبين على عينه شى(ن)من المأساه=ويبين على صدره تصاويب جنبيه
وأنا الله يعلم ويش حالي أنا وياه=وليف(ن)خذا هاذا بكت هاذي وذيه
قرب حارس ضلوعي يالين أشغله وألهاه=وسرقني بغفله سرقت الفاهي لفاهيه
أعطاه ربي قو عقل وثقل وأعطاه=لكاعة أبو سته وخمسين هجريه
يسايف علي باب المواصل وأنا لولاه=ما فكيت صدري للهبوب الشماليه
وضحا مع البدو لاشريه ولا مهداه=جفول(ن)من المفلا ولهيب ركبيه
مرباعها ماهو من الصلب للتنهاه=مرباعها صدر(ن)أجوأه ربيعيه
شجوني لها شيخ وقبيله وتطلب جاه=من عيونها النجلات رحمه وحنيه
ألا ياسمو كبرياها ألتفت لله=وشف عفوه ورحمته ثم ألتفت ليه
تلاقيني غريب(ن)ضيع السكه مسير خطاه=يصيح الضحى والضهر ويضيع عصريه
أقاوم وأنا حدي لا قوه ولا مشهاه=أصامد وراس المال غتره وطاقيه