قصيدة للشاعر محمد القثامي في هيئة الأمر بالمعروف والنهي عن المنكر
في رياضٍ عشبها اخضر وشجرتها ظليله= جيتها ودّي اسلّي شامها واطـرب يمنهـا
بالقصيد اللي رقابي واعتلى راس الطويله= جعبته مليا جواهر تِحْتِضِنـه ويحتضنهـا
وقمت اغنّي للفياض الخُضْر والبارق أخيله= وجت على بالي قصيده قام يسترسِل لحنها
كنّها صفرا جموحٍ مِن نسل خيـلٍ أصيلـه= تَطْمح لأعلى المراتب وبْيدي قاضب رسنها
قلت اباسرجها واذلّل كل صعبه مستحيلـه= وامدح اللي يِسْتِحق المدح بِرْساله ومنهـا
يارجال الأمر بالمعروف حرّاس الفضيلـه= في زمانٍ عند بعض النّاس مايِعْرَف ثمنهـا
أنتم سراجٍ ضيـاه الديـن والعـزّه فتيلـه =وانتم جبال السراة ولايضيم اللـي زبنهـا
وانتم سياجٍ منيعٍ ضـدّ الافكـار الدخيلـه =وانتم حماة العقيده والوطـن هـذا وطنهـا
وانتم اشبه في سفينة نوح والغارق تشيلـه= تِحْتميه من البحور المظلمات ومـن فتنهـا
وانتم كفوفٍ تجود بمدّهـا ماهـي بخيلـه =وقدرها فوق النجوم وطيبها مذكور عنهـا
وانتم اهل الحسبه اللي كل مجـدٍ ترتقيلـه= وانتم الصفوه وكلٍّ للعـلا روحـه رهنهـا
وانتم الشهد المصفّى والقـراح وسلسبيلـه =لو تعادتكم قلوبٍ شاحن البغضـا شحنهـا
واصلوا والله معاكـم يامحاربـة الرذيلـه= دام في دعوتكم قلوب الملا تلقـى سكنْهـا
وانهضوا والحق يبغا كل رجـلٍ يرتكيلـه= وانتم لْحمل الامانـه خيـر نـاسٍ نأتمنهـا
ويالله اللي كل عبـدٍ مـن عبـاده يلتجيلـه =ياعظيم ٍ تَعْلـم بْسـرّ المخاليـق وعلنهـا
نسألك تحفظ رجال الدين حرّس الفضيلـه =في زمانٍ عند بعض النّاس مايِِعْرَف ثمنهـا
تم نقـــــله