حسـين القنعـوري
زال نون مـن شمـال إل وبلـه نثـرا0000ويتمـزع يـوم ربـي نوالـه بالعـدام
وجاه نون مـن جنـوب بعـج اكـدرا0000عجه البارود في وجه عجـلات الـولام
ثار هيج مثـل رعـاد مـزن يمطـرا0000من هل العادات عقب الطمع راحوا ندام
يـوم فيصل جـر سبـع القبايـل مــن ورا0000منتوين حربنا مشتهيـن أخـذ الجهـام
اعترض دونه جمـوع بمـوت احمـرا0000كنهـم دولات روم يعسفـون النـظـام
ملتقيـن نحورهـم ماالتقينـا بـالـذرا0000مرخصين اعمارنا مالها سـوق يسـام
جمعهم ماصد عن جمعنـا ليـن انفـرا0000لين خلوه النشامى خشـب بيـر هـدام
وابتليناهـم بسـم المنايـا الأصـفـرا0000في نهار داخن الملح غادي لـه عسـام
عقب لبس العز منا لبس ثـوب العـرا0000ذبحت قومه وعينه جزت حلـو المنـام
انقلب ينهم جواده مـن الفـود اعـذرا0000يوم شاف الوقع في راعي البيرق شمام
ويـوم زلت حسبتـه للعـوازم دبــرا0000ما درى انا نذبح الشيخ من عصر الكمام
قاده اللي صاب كونـه بحـد الأبهـرا0000في مميل الجمع يوم انسدح ماعاد قـام
استوىيـوم عليهـم نـهـار اقـشـرا0000صاح صياح المنايـا بعـدوان الإمـام
كم صبـي فـي نحانـا لدمـه ننثـرا0000عقب لبس الجوخ منا عليه الطير حـام
نحمـد الله فايزيـن بيـوم المحضـرا0000كل ما جتنا الحرايـب ورددت العـلام
دولـة للشيـخ نمشـي علـى مادبـرا0000يابدت لـه حاجـة كننـا دولـة نظـام
وليا صلحنا مثل شرب الحليب بسكـرا0000والمعادي نقتضي منه ليا جـا الدحـام
سعـود الصقـلاوي
راكب اللي تقطع الدو في زين الخبيب ***** مثل ربدا تنهض الريش يم عيالها
يا مودي العلم ياللي على بنت النجيب ***** لا تغر من الرسن يوم زاد جفالها
تنحر اللي صايرٍ دونهم دوٍ يهيب ***** يوم ابو دارع وقف بالشليل اومالها
شب ضوٍ فالمراقيب وللغايب تجيب ***** لين غياب العوازم تجيك ارجالها
جعل غمرٍ تقضب النوم عينه لطبيب ***** ما تشوقه لابته يوم سمع افعالها
يا مسوي حمست البن تنوه السريب ***** خطروه الاوله لا يجي فنجالها
تّرك اللي بالمواجيب عن ربعه يغيب ***** يوم ضيان العوازم تشب اشعالها
يا بن مانع وصل العلم لبن جامع حبيب ***** وانهم اللي فيه شوباش من عيّالها
ينّهم اللي فيه شوباش بالصوت الصليب ***** والردي المرجله لا ينوش حبالها
تنهم السوده من الصيف رجعان وحبيب ***** دارنا اللي يوم ثار البلا جينالها
دارنا هي دارنا لا عوى ذيبٍ لذيب ***** ما نهاب الموت ننزل على نزالها
محتمين الدار بالخوف واشرب يا شريب ***** يوم بياع الفحم مابغا من منزالها
يوم جا جمع المعيضي مثل سيل الشعيب ***** اعترضنا مثل طعسٍ حدته ارمالها
نفهق الاول على اللي وراه من الحريب ***** بأم خمس اللي مخابيطها تعبالها
نازلوهم منزلٍ عقبه الخاطر يطيب ***** لين يعاف الدار ابن محقبه وجبالها
وانقلب جمع المرازيق يوم اقفى عطيب ***** يتهزا مثل بيرٍ تهدم جالها
احّمد اللي بدل الحال بالحال العجيب ***** وسمهل اللي على الكبد عقب غلالها
لشاعر حليوان بن مديعج
ياراكب اللى لرسايل تودي &&&&& مافوقها كود القلص والورادي
بانت فوايها بقون ٍ وسدي &&&&& مادقها زور الجمل بالهدادي
مع طلعت النجمة ركبها مقدي &&&&& من الطف تركبه خشوم الحمادي
قالي مادل الدرب رس ٍ وعدي &&&&& قلت اقطر الممشا ولانته بغادي
يجنك الأخبار من كل بدي &&&&& ناس ٍ معاوشها بهاك البلادي
بلاد شيخ ٍ للقبايل يضدي &&&&& تكفكف الأطراف ياقيل عادي
عبدالعزيز اللي كمامه معدي &&&&& يازبن من صكت عليه الاعادي
مايغتدي مثل القمر مجرهدي &&&&& ولا يرقي ضلع ٍ خشومه احدادي
النادر اللي بيمن السر هدي &&&&& مايقضع الا في جمال الهدادي
اذكر لك الله مع مواريث جدي &&&&& ياعقلوا ذرعانها والعضادي
حنا حديناهم عن البوش حدي &&&&& بمظمنات ٍ مع قروم ٍ نوادي
كم واحد ٍ قدام ربعي يكدي &&&&& وهذاك نار وعبرته بالفوادي
والشيخ لولا صدته يوم صدي &&&&& خطر ٍ على بيضه تدش الحدادي
وراك ياطير السعد ما تهدي &&&&& ياشيخ ماتركب عضور الشدادي
بالقيض نرجيكم وبيح بسدي &&&&& واليوم هب لك الشتا والبرادي
ياشوق من ريحه زباد ٍ وندي &&&&& ومسك ٍ ينشر عنبره بالوسادي
ياعل ماحظك عليك امتردي &&&&& وعسالكم فى عرش ربي منادي
زهيـر الموايجـي
يالله عسى انقير تسقيه الشخاتير .... ويالله عسـى يسقيـه نـو الخيالـي
دون المحارب مانجيب التعاذير .... والعذر ما ينطـح وجيـه الرجالـي
وردم وصدرنا عليهم من البير .... ويا ما انقصف من بينا من الاجيالـي
وياما غدا من بينا من مخاسير .... من الخيل والا مـن نـواد العيالـي
كم واحدن منهم رمته المقادير .... وخلـوه ربعـي طايحـن مايشالـي
خلوه ربعي من خشب طيت البير .... خلو عليـه امـه تكـح الرمالـي
ثم ادبرت شيخان علوى مدابير .... وراحت هزايمهـم توطـا الابعالـي
نار الدويش وراح جمعه مخاسير .... ولا منهـم اللـي ردهـا لتوالـي
بضرب ام خمس اللي تفج المناحير .... وضرب ام تاج مفرقت كل غالي
شرفن قصارن في يدين المناعير .... إليا جالهن وسط المجالس مجالـي
وليا تعظم رميهن به سواعير ..... في ملتقانـا فـي نطـوح السهالـي
صوت على ذيب النجيره مع الطير .... يأكل فطـاح مبهريـن الدلالـي