قصيدة الحربي
الاهداء الى اهل الغاط عامة وامرائهم من اسرة السدارى خاصة:
جعله سعيد عيدكم يا اهل الغاط=ياللي لكم في كل قاله مقاليط
تاريخكم بالمرجلة كلها حاط=من عصر(( زايد ))والقنا والمخابيط
يوم الزمان محيف وسنينه شطاط=باهون صروفه يذهل العقل ويحيط
ليا من نيران الفتن شرها شاط=والحبل جا معقود والفتق ما خيط
جا ((للسدارى)) بأول الناس مقلاط=لرفي الفتوق وحل عقد المرابيط
اهل قدايم مابها شك وغلاط=بافعال ما هي واسطات ومصافيط
لو هي بحصر اتعبت حاسب وخطاط=لو ماني ملم بالاحداث ومحيط
قد قيل بالاعلام ما عالم حاط=وما دون التاريخ ما فيه تغليط
شاهد عيان يوثق حروف ونقاط=ما شابه افراط ولا فيه تفريط