هــذه قصيــده من قصايد الشاعــر الكبير الاميــر \ محمد بن احمــد السديري
لولا الرجاء وأعلل القلب بوعود = بوعود خلٍ صار شوفه شفاقه
لولاه ماعودت نفسي على الكود = وهو الوحيد اللى عشقته عشاقه
اختار قلبي بالهوى ناعم العود = ماغيره احد من المخاليق شاقه
طفلٍ عليه من البهاء ستر وعقود = زين القوام أشباه وجهه دقاقه
ياناس حبي له بلا سلم وحدود = وفراق روحي من سبايب فراقه
إن كان شفته فتح القلب بورود = وإن غاب هلت دمعتي من فراقه
مادام هو موجود فالحب موجود = وسط الضماير مبهماتٍ إغلاقه