السلام عليكم ورحمة الله وبركاته
بسم الله الرحمن الرحيم
.
.
<< دغش البطي >>
إلى رحمة الله
فجعتنا يا صاحبي وابكيتنا = اتوب لله وارتجيه المغفره
لو اقدر افداك ابعضو من بيتنا = سبقتك ابراسي لباب المقبره
يا (دغش) !! يا صاحبي مليتنا ؟ = والا القدر سبحان من هو قدّره
اوحيتنا ؟ فديتك ان اوحيتنا ! = شف خواطرنا عليك مكسّره
يا ليتنا .. يا ليتنا .. يا ليتنا = لو تنفع القلب الشقي وتجبّره
بقول ليتك قبل ما خليتنا = عطيتنا (كفك) وسام ومفخره
درّست رواد الكرم وارويتنا = وكسبت جولاته ورديت اخبره
كل ما نمنا جهل صحيتنا = يحير بك (عقل) وتلعثم (حنجره)
علوّ صيتك ما تناسى صيتنا = ما يتّم (احروفه) ورمّل (منبره)
قدرتنا .. وجمعتنا .. وحبيتنا = في حسبة (اخوانك) وقلبك ماكبره
(يانفوسنا ! لا تجزعين .. وميتنا = مستحيل ان المعالي تنكره)
يا رب من طينٍ لزب سويتنا = كرمتنا بامرك وفضلك نشكره
اتشوفنا لكن عنك اعميتنا = بلغ (فقيدتنا) الجنان وبشّره
لا هُدى ! ألا إذا أهديتنا = وارحم دواسرنا (رياجيل / ومره)
حنا عبيدك نخطي وان خليتنا = ما نساوي ذرةٍ وسط اغبره
.
.
ماجد المهنا