تو ماطاب لي بدع المثايل = وكل قول"ن" طراته عند حله
نحمد الله كــســبنا كل طايل = والمعالي لنا وفينا جبله
ماخذينا الجزاله والنفايل = كون بالفعل ولا الهرج خله
يشهد الله وتشهدها القبايل = وكلمة الحق ذروة طاعة الله
مايهاب الخطر ذيب النزايل = صوّب المقدية والله يدله
لابتي يامسويين الهوايل = محزمي فزعتي سيف"ن" وسله
يوم (قحطان ) أخطتها الدلايل = ( بن عبود )و يبغى ديرة"ن" له
صوب وادي الدوسر جاك صايل = بـآل مسعود جعله فدوة"ن" له
غرّ (الاخوان) رزفات الهبايل = مادرى أنّ (العريمي) محتزيٍ له
فارتكوا لابتي بام الفتايل = وكل عله ردفناها ابعله
وعودوا بالهزيمة والفشايل = وادي"ن" مارضيناله ابخله
حن ذرى الدار ماضين الفعايل = كاالنجوم المراقيب المطله
الجمايل نجازيها ابجمايل = والملايل نصاليها ابمله
(ال ناصر ) هل (الفرعه) الاصايل = نلطم الشره والعاني نجله