قصيدة الحربي في مدح الشيخ : عبدالله الفصام
السلام عليـــكم ورحمة الله وبركاته هذي القصيده في الشيـــخ : عبدالله الفصـــام وهو يستحق المدح بلا شك لمواقفه وطيبه وسمعته اللي تدل على طيب أصله .. والقصيده للشــاعر : مفلح بن محمد الرقابي الحربي ياراكب اللي أرموس البعد يطولّـــــــه****** توه مصدر من المصنع الــى المينـــــه من وارد البنتلي مكتوب بســـجلـــــه****** عذروبه الكاش ما حــد يملكه دينــــــه أفخم حجم قيمته تبني لـــــــها فـلـه******مـــركب وزيـراً طوى بشته على يمينه شوفه يشوق العيون اللي تقــــابلــه****** والله يحماه من نظرة محبينـــــــــــــه حليا هنوفا تشـــــــوف اللي تــــزيلـه****** منتوقة العنق مــزيونة بلا زينـــــــــــه ياسايقة لا كتبت رســــــــالتي تلــــه****** مايقطع الدرب من يمشي على هـوينـه مــــــن الـــحفر حركه والخرج ملفلـه****** ودعتك الله وهــو مدفوع تأمينـــــــــــه نــــــصه زبون الشحم والعود والدلــه****** وقلط لبيتناٌ مشــــرعـــة ديـــاوينــــــه راعيـــــــه كلمة هلا بالضيف طبعلــه****** وعلى الغداء والعشاء يحد سكينـــــــه مـــــن طيب راسه يهين البخل ويذله****** مطنوخ دنيا ولا حسب مـلايينــــــــــــه منصا زحول الرجال اللي علــى المله******ومزبن ضعيف الجهود اليا كثر ديــــنــه ريــــف النشاما عسى الايام تمهلـــه******ينصاه من حده الوقت ومــعاوينــــــــه شيخــا يلبى طلبك إن جـــــيت عانلّه******راع الكرم والـــوفا والناقه الزينـــــــــه ينافــــــس المـــركز الاول ويحتلـــــه******ولا للمقام الرفيع الا سلاطينــــــــــــه والله لا سخر جــــــزيل الشعر قدرله****** واتوج اسمه على الشعر وعناوينــــه وإن قيـــــل منهو قلنا الفصام عبدالله****** وانا ماأقول الكلام بلا براهينــــــــــــه مـــــن روس ربعاً تعقد الـــرأي وتحله******نطاحت الحرب لا ثارت بــــراكينـــــــه واليا اعتزوا فـــــي نهاراً يشفي العله****** عدوهم للسلامه يرفع يدينــــــــــــه كم فارساً حـــــولو بــه عـن عطايا الله******من دون حم الذراء رح دوره ويــنــــه أولاد زايــــد اكــعــام اللي يخيلـــــــه******وادي الدواسر عن الاجناب حامينــــه يوم المزاحم بحـد الـسيف أبــــو سله******وشلفن تشيل المعلق من شرايينــه الجـــار بسلومهم محشــوم ومدلــــه******يحشم ويكرم ولا تبداله الشينــــــــه هــــذا الحقايق ماهو بمهـــايط الشله****** اللي تكسر بيوت الشعر وتهينــــــه الشــــعر مـيراثنا والــــراس صاحلـــه******أسخّر القاف وارجـــح مـــــــــوازينـه واهتم بـــــه عن مجــال النقد وافطله******واقطف زهور الطرائف من بساتينــه أمــــدحبه اللي يقال المدح كفولــــــه******واردعبه اللي مطيشته شياطينــــه والمعذره يـا الدواسر لا حصــل زلــــه******وختامها المسك والعنبر وياسمينــه . |
رد: قصيدة الحربي في مدح الشيخ : عبدالله الفصام
صح الله لسان الشاعر :مفلح بن محمد الرقابي الحربي
ويستاهل أبو فهاد ما قيل فيه . ولا هنت (ضيف الدواسر على النقل وبيض الله وجهك ) |
رد: قصيدة الحربي في مدح الشيخ : عبدالله الفصام
ولا هنت ضيف الدواسر على النقل وبيض الله وجهك
|
رد: قصيدة الحربي في مدح الشيخ : عبدالله الفصام
صح الله لسان الشاعر :مفلح بن محمد الرقابي الحربي
ويستاهل أبو فهاد ما قيل فيه تحياتي وتقديري |
الساعة الآن 01:41 AM
|
Powered by vBulletin® Copyright ©2000 - 2024, Jelsoft Enterprises Ltd.
---