::: مـنتدى قبيلـة الـدواسـر الـرسمي ::: - انا دوسري وحب طاري الدواسر

انا دوسري واحب طاري الدواسر
يا معذربين الدواسر ما فيكم احساس

قالوا دوسري قلت الصفى والنقى
يا زين شوفتهم على الضو جلاس

قالوا دوسري قلت الكرم والنخاوه
وافعالهم في ذمتي ترفع الراس

قالوا الدواسر والبر فيه الشقاوه
قلت الوناسه عندهم فوق الاطعاس

قالوا دواسر ونشوف فيهم قسـاوه
قلت الخشونه يا معذرب لهم ســاس

ابن الدواسر صلف ما به رخاوه
أليا زهمته جاك ما هوب يحتاس

بينه وبين اللاش حرب وعداوه
وحلفه مع اهل الطيب واللاش ينداس

شف لك من الدواسر واحد وخاوه
حتى تشوف الفرق بين مطلق وعباس

وأن كان ما صدقت عالج وداوهـ
قلبك مريض وفيه حقدٍ ووسواس

في مجلس الدواسر تلقى حفاوهـ
وترحيبهم لضيوفهم ماله أقيـاس

ويقدمون الطيب من عود جاوهـ
في سلمهم طيب ومعزه ونوماس ..

وسلامتكم ,,