دايماً ما ننزل الا في الحمادي=في عثاميرٍ منازلها عذيه
ذا لعينا كل مشعافٍ سنادي=دايماً نرعى بها في كل نيه
اللواحي طلق و اذنيها حدادي=مرقٍ حرصات ما فيهن شريه
لا خذينا مع تخاتيخ الريادي=عجها كنه معاصير برديه
زينها لا سربت مثل العيادي=لا عطوا مع فرجةٍ يبغون حيه
كنها لا روحت عسكر جهادي=و كن فحلها توها قايد سريه
دايماً يبرى لها فحل الهدادي=هايجٍ يبرى لها فحل الحنيه
مارقٍ نسنوس و الغارب سنادي=كن خبط ايديه برداً في رفيه