::: مـنتدى قبيلـة الـدواسـر الـرسمي ::: - من قصيد الشاعر محمد قحيفان الخضراني الدوسري

- :: قسم قصايد مدح وفخـر في الــدواسـر :: (http://alduwaser.org/vb/forumdisplay.php?f=37)

من قصيد الشاعر محمد قحيفان الخضراني الدوسري

قول الشاعر محمد قحيفان في قصيده غزليه

انا من تويلي عصر لثنين الي ذلحين #وقلبي لواهيب الولع فيه مكتمله

تولع مع اللي واجهوني وهم عجلين#وقفو وبعضهم يندهه ويتكلمله

تقافو وهم مستانسين ومبسطين #وانا اقنب قنيب مصدر جاير حمله

عقب ماقعد متعطل ماروا يمين #صدر من جبا عد مضاميه في الرمله

ترى الحب مثل الكيف لحظه خواه تبين#ومثل اشقر التنباك راعيه يوخمله

ولكن طراد الهوا ما بفاله زين # لزوم يذوق اللي من الحزن يقسمله

شجاع الرجال تجي سلاحه دموع العين #خصوص الي من كثرياسه وقل امله

انا عقب ماذقت العزاري وشفت الشين#تركت الهوا واعرضت من الناس بالجمله

وتميتنالي مايقارب ثلاث اسنين # وانا مثل صراف بسوق بلا عمله

الين اعترضلي خيره الصفه الناشين # اصغير ودبني لين قمت اتخدمله

هنوف قليله شكل في الجيل ذاالتالين # قليله كلام لاخجول ولازمله