شفي مـع وضحا(ن)تقـود المغاتيـر=وضحا(ن)طفوحا(ن) لامشت لك سنادي
مثل الزعيـم الـي يقـود الطوابيـر=لشاش راسـه مـا ألتفـت للمنـادي
ولاح براقـا(ن) نصوبـه مزابـيـر=مرباعهـا بيـن السهـل والحمـادي
يازينهـا فـي خايعـن لـه نواويـر=أن حـدرت وأن سنـدت فـرع وادي
أخت الفحل مـن نايفـات المعاشيـر=متولعـن وحبـهـا فــي فــؤادي
من شأنهـا نصبـر لكـل المخاسيـر=ونصبر على الشـدات حـر وبـرادي
نقـدم لبنهـا للوجيـه المسافـيـر=أهـل الركايـب معتليـن الشـدادي
الي حماهـا جدنـا يـوم المغاويـر=يوم الرماح وركزهـا فـي الثنـادي
يوم(ن) عربنـا مثـل سالـم الزيـر=عقب وفـاة كليـب بروحـه مفـادي
مـن دونهـا مـا يقبلـون المعاذيـر=لجا نهـارا(ن) فيـه شلـع الهنـادي
لاسلت الخنجر وسيـوف(ن) بواتيـر=لاد الحريجـي شـرهـم للمـعـادي
وباقـي القبايـل ماعليهـم تقاصيـر=كلن حمـى حـده بضـرب الزنـادي
من أول ثمنهـا رجـالا(ن) مشاهيـر=واليـوم شيـك(ن) وقعـه لسـدادي