|
(مستحيله و امعصي) .. ماجد المهنا
بسم الله الرحمن الرحيم السلام عليكم ورحمة الله وبركاته اخواني اعتذر عن الغياب المتكرر .. واشكر من التمس لي العذر بسبب ظروف ليس لها أي علاقه بالإنترنت بأكمله بعض (ضعاف النفوس) .. استغل هذا الغياب .. خاصةً بعد إبتعادي عن (الأشراف) بطلب مني تكرر أكثر من مره لوجود أعضاء وشعراء احق مني .. لكثرة تواصلهم وتقصيري الشخصي واشكر الأخوان القائمين واللي عطوني الثقه طوال الفتره اللي كنت فيها (مشرف) في هذا القسم والموجودين بقدر الثقه وكفو وفيهم الخير والبركه ويعلم الله اني من اكثر معجبيهم ومتابعينهم والله لا يهينهم على كل حال أبيات متواضعه أتمنى تعجبكم . . صلوا عالنبي . .
أنا قلت شيلوني من (الأشراف) شيلوني = مليت / لانيب لا وليّ ولا كفيل ولا وصي لني أنا طرقي / وتعبني وهد امتوني = وانا لعين (المنتدى) ذا كل شيٍ يرخصي بس الحقيقه يا جماهيري ومن حبوني = غيري أولى .. لو حذفتوني بأقلام وحصي لا يزعل الزوار والأعضاء / وامن اعيوني = ان كان يرضيهم شعر هذا سهل / تخصصي بعد اذن كل مشرف وشاعر حتى من عادوني = الله لا يسفهكم ولاهنتوا دانيين وقصي ان كان بيضان الوجيه أستفسروا وش لوني ؟ = أنا بخير وما علي / لنعام ربي ماحصي بنوّه وبنبش خفايا سري المكنوني = واسمحولي يا رفاقتنا .. آبنصاهم نصي قصايدي يا عزوتي يا حكيي الموزوني = فشلي سود الوجيه وشلوطيهم وأقحصي ياصاحبي يامسندي ياهقوتي واظنوني = لاتشتري جمع العبيد الا معك حزمة عصي لا شاف نفسه راعي البصره على التكروني = وأفرسهم اجبن من نعامٍ نافرٍ متحرصي أشعرهم اللي لا غدا ليله طرب واللحوني = تكتشف بأن الهواوي لا هواوي و (.......) اسمعوني مابكم كفوٍ يدك احصوني = من باب مفهوم القناعه مقتنع ومخلصي يمكن قدرتوا تزورون الصدق واتغيضوني = لكن تجاروني وربعي / مستحيله وامعصي . . وسلامة روسكم اسمحولي على القصور ماجد المهنا |
مشاركة: (مستحيله و امعصي) .. ماجد المهنا
الأخ الغالي بوعبدالله
مرحبا والله ومسهلا ملايين بك يابوعبدالله في محلك وصح الله لسانك يابوعبدالله وعوايدك الجزلات دايم ولايهمونك ضعاف النفوس التي تبحث عن الدنفسه والبربرسه والاصطياد في الماء العكر ، والناس ماخلت حد ٍ في حاله . ويعلم الله انا مانيب راضين بابتعادك عن الاشراف وعن المنتدى والانترنت كاملاً ولكن بحكم طلباتك المتكرره وإلحاحك الدائم وظروفك ومشاغلك الخاصه اضطررنا آسفين للموافقة.وانت على كل حال احد رواد هذا الموقع ومن اوائل المساهمين ولا تزال . وانت قدرك وغلاك عند الجميع واحد سواء كنت مشرف او عضو او مسؤول الموقع كاملاً فكلنا اخوة وبني عم هدفنا سامي وممشانا انشاء الله في الطيب والعلوم الغانمه .وانت رايتك بيضا يابوعبدالله وماتقصر دايما ووافي جعل شايب ٍ ارثك في الجنه. تقبل تحياتي،، |
مشاركة: (مستحيله و امعصي) .. ماجد المهنا
قصايدي يا عزوتي يـا حكيـي الموزونـي ...فشلي سود الوجيـه وشلوطيهـم وأقحصـي
ياصاحبي يامسنـدي ياهقوتـي واظنونـي...لاتشتري جمع العبيد الا معك حزمة عصـي يكفيهم ذا البيتين ياابو عبدالله وانت علم من اعلام المنتدى البارزين في اي مكان واي زمان ولا يهمونك ولا عاش من يغيضك ياكحيلان واسعدني حضورك و معك الابداع المعهود عنك تقبل تقديري واحترامي الخاص |
مشاركة: (مستحيله و امعصي) .. ماجد المهنا
ماجد المهنا
صح الله لسانك ولاهان الله منطوقك مبدع يابو عبدالله بحضورك ومبدع في ردودك وهايف العماني ما خلا لي شيء أقوله لكن ما شاء الله يابو عبد الله نقرأ لك في الجرايد وفي المجلات ونسمع لك في الإذاعات ما ينولنا منك شيء في انتظار جديدك |
مشاركة: (مستحيله و امعصي) .. ماجد المهنا
اقتباس:
الشاعر الكبير والموهوب " ماجد المهنا مرحبا تراحيب المطر والله إني صادق ياابو عبدالله ماجد : أنت علم من أعلام الشعر وأعلام المنتدى وسوف تظل دائماً كذلك والناس يابو عبدالله يتكلمون ولانعرف عن أهدافهم ولكن خلهم يتكلمون ويتكلمون فالجبل مثلك مايهزه ريح وأما مكانتك وقدرك فسيظل عالياً بين بني عمك فصح الله لسانك مدد ماتنحصي بالعدد تقبل ودي وتقديري وشكري وعرفاني محب الجميع |
مشاركة: (مستحيله و امعصي) .. ماجد المهنا
ماجد المهنا الشاعر الكبير والقادم بقوة للساحة الشعرية أعلم يابو عبدالله انك غالي وانك مشرف في قلوبنا قبل منتدانا و أما ضعاف الأنفس اهل الحقد والنفاق فلا يغرنك قولهم فهم غثاء كغثاء السيل و ضرعاء كلامهم لا يسمن ولا يغني من جوع .. وللمعلومية .. يابو عبدالله كلما كُثر الحُسّاد فأعلم انك ناجح فهذه ضريبة الشهرة واجعل ديدنك في الحياة وفي مسيرتك هذا المثل .. " القافلة تسير والكلاب تنبح " والله يسدد خطاك يابو عبدالله فنحن معك قلباً وقالبا فنحن اعداء اعداءك .. تقبل تحياتي .. اخوك في الله محمد الغريري |
مشاركة: (مستحيله و امعصي) .. ماجد المهنا
[align=center]
[size=5][frame="1 80"]
[align=center][color=#CC3300][size=5][ft=Arial]
ماجد المهنا
أبوعبدالله مرحباً والله من القلب يا الغالي
الله يشهد على محبتنا لك وغلاك في قلوبنا والناس
يخوك ما خلوا أحد ما حكوا فيه وحكوا له والله المستعان
هذي طبيعة ضعاف النفوس وغلاك فوق السحاب محد
يقدر يهزه وله يغيره وأتمنا أنا وإخواني منك التواجد
والإستمرار بين بني عمك ومحبي شعرك العذب
ومبارك عليك الشهر
[/color][/align]
[/frame][/size] [/align] [/size][/font] |
مشاركة: (مستحيله و امعصي) .. ماجد المهنا
صح لسانك يا ابو عبدالله
وانت شاعر بحر ومن مؤسسي هذا الصرح وكل انسان تجيه ظروف وانت قلبك كبير ومعروف حبك لبني عمك ولا يهمك كلام السفهاء وفي انتظار تواصلك معنا وعساك على القوة دايم الدوم |
مشاركة: (مستحيله و امعصي) .. ماجد المهنا
الأخ ماجد المهنا الله لايهينك على ما كتبت واللي حسب ظني وظن الكثير ممن قرأها أنها تخاطب ناس معينين وتحاكي مواقف معينة وهذا بالتأكيد شيء يخص شخصكم الكريم وأنت أحد الاخوان العزيزين في هذا المنتدى العزيز بأهله.
ولكن أخوي ماجد بما إننا في هذا المنتدى ديدننا الصراحة وحرية التعبير والراي فأنا سوف أخالف الكثير الذين سبقوني وأسبغوا المديح لقصيدتك السابقة .... فأنا رأيي الشخصي إنك شخص تستحق الثناء وأكثر ولكن كرأي فني في قصيتدتك فاسمح لي أن المتوقع منك أن تكون القصيدة بأفضل من هذا المستوى في المفردة والجرس المتناسق وتناغم الوزن. رأي شخصي من شخص يكن لك ولكل الغالين أمثالك كل الحب ... ودمت بعافية وإلى الأفضل .... أخوك الذيال |
مشاركة: (مستحيله و امعصي) .. ماجد المهنا
صح لساااانك ملاااااايين يا ابوعبدالله
انت شاعر فايف ستاااار روووح ولا يهمونك بانتظار تواصلك وابداعاتك |
ابو مبارك الله لا يهينك وشهادتك وسااام اعتزاز .. وانا خابر طال عمرك :) صح بدنك وجودك يعني لي الكثير ان شاءلله اكون عند حسن ظنك والجميع لاهنت |
فيصل بن جزاء يا مرحبااااااا .. وانا يكفيني تواجدك ومتابعتك طال عمرك صح بدنك اسعدني مرورك لاهنت |
الواضح يا مرحباااااا .. ابشر بعزك بس فكناا من اللي انت خابر :) صح بدنك وجودك يعني لي الكثير وان شاءلله اكون عند حسن ظنك والجميع لاهنت |
الشاعر الكبير والاستاذ / دغش البطي شهادة شخص في قيمتك الشعريه والأدبيه والخلقيه تعني لي الكثير صح بدنك وان شاءلله اكون عند حسن ظنك والجميع لاهنت |
المشرف العزيز / محمد الغريري مرحباا مليون متابعة شاعر ومتذوق بحجم محمد الغريري لي ولقصائدي تضع على كاهلي الكثير صح بدنك وان شاءلله اكون عند حسن ظنك اسعدني تواجدك العذب لاهنت |
الساعة الآن 05:57 AM
 |
Powered by vBulletin® Copyright ©2000 - 2024, Jelsoft Enterprises Ltd.
---