|
ألآ يادهر ماقلت لي وش بعد بقا ؟؟؟؟؟
السلام عليكم ورحمة الله وبركاته وبعد أخواني أعضاء ومشرفين ومراقبين ومتابعين منتديات قبيلة الدواسر الكرام أسعد الله أوقاتكم بالخير والمسرات وكل عام وأنتم بخير أخر ماكتبت أبيات وليست بقصيدة وهي هدية لقلوبكم الطاهره وكلي أمل بأن ترتقي لأذواقكم العالية
أنا لاذكرت الـلي مضـى قلتنـا سقـا=سقا الله زمانٍ خاطري فيـه ماضاقـي زمانٍ مضا عشته على العـز والنقـا=خليٍ فؤادي من العنى وأتبـع نياقـي زمانٍ قضيته بين الأحبـاب وأصدقـا=تدور الحيـاة بعـزة القـادر الواقـي وأنا اليوم من سور المدينة علي تقـا=ربطني دوامي والزمن ضيَق أخلاقـي فألآيادهر ماقلت لي وش بعد بقـا ؟؟=ترى مابقا إلأ تحرق بغدرك أوراقي !! سهير العيـون وحالتـي كلهـا شقـا=عسى الله يعين الهايم الساهر الشاقـي طراة الحياة إن تـم فيهـا بعـد لقـا=الأعمـار تفنـا والله الدايـم الباقـي وسلامتكم جميعاً محب الجميع : دغش البطي |
محجوز1
|
ياسلام يابومحمد على ذالقصيده المعبره
عن واقعك والله يعينا على الدنيا وصواديفها صح السانك مليار تحياتي لك--ابوشجاع |
سلمت يمينك يابو بطي
جزله من شاعر اجزل سجلني من المعجبين بشاعريتك الفذه |
صح لسانك ملايين باابن العم
وعسى مانعدم هالحرف ولا صاحبه نظمت فابدعت وهيضت ماكان مكنون انا اول المتابعين لك وسام العصا |
جزل يابن بطي
القاف رائع 000سبايك ذهب ونااخوك صح السانك وفكرك |
السلام عليكم ورحمة الله وبركاته المشرف الغالي : أبن وتيد أرررررررررررررحب أرررررررررررررررررحب يالقرم وحجزك فاخر مع مرتبة الشرف ونحن في إنتظار فك الحجز محبك ومحب الجميع : دغش البطي |
صح لسااانك ولاهنت
جزلةٍ من جزل بيض الله وجهك على ذا الابيات لك كل الود والتقدير |
لافض فوك يابومحمد
|
صح لسانك
وبيض الله وجهك قصيدة أكثر من رائعة |
اقتباس:
مشرفنا الغالي أبو شجاع أرررررررررررررحب يالقرم وكل عام وأنت بخير شرفني مرورك العاطر وتعقيبك الفاخر لاهنت وبيض الله وجهك وصح بدنك عاطر الود والتقدير محب الجميع : دغش البطي |
أررررحب ثم أررررحب ثم أررررحب
هلا والله ومرحبا بالشاعر البيطار دغش بن بطي ( محب الجميع ) . وأنا اليوم من سور المدينة علي تقـا........ربطني دوامي والزمن ضيَق أخلاقـي صح لسانك وسلم بنانك وعز الله شانك يابو محمد ، قصيدة رائعة من شاعر جزل ولا يجيب إلا الجزلات. فدمت يابو محمد ودام الإبداع معك أينما اتجهت ولك مني الود والتقدير |
الشاعر المبدع دائما دغش البطي:
صح الله لسانك وطول الله عمرك ولاهنت على هذه الرائعة الجزلة التي لاتكون إلا من ذود أبو بطي المغاتير وعليها وسمه مبدع وجزل في اللفظ والمعنى وفي كل شيء محبك /أخوك مسفر الكبيــــــــــــــــــــــــــــــــــري |
السلام عليكم ورحمة الله وبركاته
د / دغش البطي لقد أوقدت شعلة أولمبياد الإبداع وملأت دنيا التألق وأسرجت خيل المعاني البديعة وخضت في عباب شعرك الخضم مشرعا سفن الجزالة والسمو فلله درك حينما جمعت بين سلاسة اللفظ وجزالة المعنى وصغت لنا لوحة من إبداعك الدائم أخوك المحب في الله تأبط خيرا .. |
فألآيادهر ماقلت لي وش بعد بقـا ؟؟
ترى مابقا إلأ تحرق بغدرك أوراقي !! سهير العيون وحالتـي كلهـا شقـا عسى الله يعين الهايم الساهر الشاقي طراة الحياة إن تم فيهـا بعـد لقـا الأعمـار تفنـا والله الدايـم الباقـي ابو محمد (((دغش))) صح لسااااااااااااااااااانك ملااااااااااااااااااايين بيض الله وجهك اقف حائرا امام ما قرات وتجف الاقلام وتضيق السطور لااعرف كيف اعبر دهشه اعجاب دهاء روعه تصوير رسم فن وما اجمله من فن واحكام للقافيه نعم احكام واخضاع للقوافي سجل اعجابي وتقديري ولك اجمل التحايا بانتظار جديدك |
الساعة الآن 07:14 PM
 |
Powered by vBulletin® Copyright ©2000 - 2024, Jelsoft Enterprises Ltd.
---
