|
ياسيدي جانا من القاضي الحيف ..
بسم الله الرحمن الرحيم قصيدة معاناه موجهه لسمو سيدي أمير منطقه الرياض سلمان بن عبدالعزيز حفظه الله ..
ياسيدي جانا من القاضي الحيف = قاضي ردى ماهو بقاضي شريعه أحمد ولد صالح وله الاسم تعريف = قاضي عنيزه والردى له طبيعه ياسيدي سلمان يامكرم الضيف= سلمان تسعام أهل النفوس اللكيعه مقابله سلمان عزً وتشريف = ومن غيبته ضاقت علي الوسيعه أبوك حكم بالسيف من السِيف للسِيف = من اقصى تبوك ألى حدود الوديعه يمشي وراه الجيش وجمعً مراديف = ومع جرته تشبع سباعً مجيعه خلاّ جميع الناس ربع ومواليف = لولا معزي كان راحو نزيعه ماجاه حكمه بانتخاب ومضاريف = ألا بحد المرهفات الشنيعه سلمان ينصف من شكا الضيم وضعيف = وانتو سندنا والحصون المنيعه أراجع من العام تعبان ومعيف = لاجيت يوم السبت قالو تبيعه ياسيدي قلّت علي المصاريف = والراتب وقف ماستفدنا بريعه موقفه من حرف الوضع تحريف = يمكن يحطه في حسابه وديعه خمسه وخمسين ألف ينهب على الكيف = وهاذا تصرف من ضميره يبيعه فهد يعرف اللي يخفّا بالارشيف = خلّه يقول اللي يعرف ويذيعه وسعود يعرف صرفها والتكاليف = يمكن يحط أرقام عنده فضيعه متغطرسن بالكبر كبرً بتسويف = يضلم ويبغانا بضلمه نطيعه يفكر أنه ينهي الوضع ويخيف = نموت ولانرضا بضلم وهزيعه ياسيدي سلمان يامكرم الضيف = سلمان تسعام أهل النفوس اللكيعه .. اخوكم سعد بن سالم بن سويحل الخضران الدوسري |
رد: ياسيدي جانا من القاضي الحيف ..
صح لسسانك ي ابو سلطان
والله يسمع شكواك وينصرك ع القاضي ويرجع حقك ي ابوسلطان |
رد: ياسيدي جانا من القاضي الحيف ..
صجح لسانك يابوسالم واعتلى شانك
|
رد: ياسيدي جانا من القاضي الحيف ..
لاهنت يا اخييي الشاعر سعد بن سويحل الخضران كلمات روعه وصح السانك وسلمت الأيادي على القصيده الجزله وفي انتظار ابداعكم http://www.uaemusics.com/uploood/ima...g1pnntbjo1.gif يا حلو الايام لو ترجع على كيفـــــــي ما كان قلبي شـكى فـرقا مواليفـــــــه كانـوا بقـربي ولا يحتـاج تكليفـــــــــي واليوم راحوا ودمعي صعب توقيفـــه &&& اخواني واخواتي الشعراء والشاعرات مشاركتكم في هذا القسم بالقصائد والخواطر تضفي عليه النور http://www.uaemusics.com/uploood/ima...xoryfikvev.gif |
رد: ياسيدي جانا من القاضي الحيف ..
صح لسانك يابوسالم والله يرد الحق لك ومادام سلمان واخوانه موجودين
ان شاء الله مايضيع حق لاحد الله يعزهم ويرفع شاننا وشانهم |
رد: ياسيدي جانا من القاضي الحيف ..
صح لسانك يابوسالم والله يرد الحق لك ومادام سلمان واخوانه موجودين
ان شاء الله مايضيع حق لاحد الله يعزهم ويرفع شاننا وشانهم |
رد: ياسيدي جانا من القاضي الحيف ..
صح لسانك يا طويل العمر .
وأسأله الله في هذا الوم المبارك أن يقضي حاجتك وأن ينصرك على من عاداك .. |
رد: ياسيدي جانا من القاضي الحيف ..
الله لله صح لسانك يابن سويحل
والله ينصر كل مظلوم والقضاء مهمة صعبة وقد قيل ولا أدري هل هو حديث أم أثر ( قاضي في الجنة وقاضيين في النار ) والله يعين اللي مايحكم بالعدل على الثانيه تقبل ودي وتقديري ،،،، |
رد: ياسيدي جانا من القاضي الحيف ..
ابن سويحل
الاخ العزيز وابن العم الغالي والشاعر المعروف بجزل القصيد سلام الله عليك ومرحبا ثم مرحبا عداد براق تلالا قلت فأبدعت ونشرت الجواهر المخفية في صدرك عبر منتدانا الرائع واعلم ان المظلوم لابد ان يأخذ حقه مهما طال الزمان او قصر (ولايضيع حق وراه طلابه) والله مع المظلوم ثم ملوكنا الكرام ابن سويحل صاحب المعاني القوية صدقني انني استمتعت وانا اطالع قصيدتك من احساس صادق بعبر عن عزة نفس الشاعر ورفعتها ابا سلطان امر هام اكثر من الدعاء في الثلث الاخير من الليل حينما ينزل الله جل جلاله منزل يليق بجلاله ولن تخيب من رب رحيم يقبل دعوة المظلوم ولو كان كافرا واعلم ان البرامكه حينما سجنوا قال كبيرهم اصابتنا سهام الليل ونحن غافلين واعلم انك لن تغفل عن هذا الوقت العظيم واخيراً شاكرين لك روعة قصائدك ولاتطيل علينا الغيبه تقبل مني كامل ودي واحترامي |
رد: ياسيدي جانا من القاضي الحيف ..
اقتباس:
ولاهنت على مرورك توضيح : القاضي أسم اسرته وليس بقاضي شرع تقبلو تحياتي ابن سويحل |
الساعة الآن 10:14 PM
 |
Powered by vBulletin® Copyright ©2000 - 2024, Jelsoft Enterprises Ltd.
---