قال المعبرفي الحجـا يـوم شـرف=عدا براس الرجـم والجـو صافـي
تالي نهار والعشـي يـوم طـرف=اقفى النهار وجـا لليلـه حفـافـي
ذبيت رجم(ن) في مـذ بـه مكلـف=حتى بـدون حـذي ذبيـت حافـي
كلفنـي الهاجـوس والقلـب لادف=ويصعب علي من مرقبي انحرافـي
ولعد لي كـون افتكـر واتصـرف=وعبـر المعنـا برسـم القـوافـي
ابدع جواب من ضميـري منظـف=ومركـز تركيـز نظـم الصحافـي
اطرب لبـدع القافيه واتشـرف=واشفق على نظم البيوت النظافـي
اخذ جواب مـن ضميـري يولـف=تاليف بـن العبـون ولا النصافـي
اخذ سمين القـاف مادام لـي شـف=واتـرك هزالـه كلهـا والعجافـي
ارسل جواب من ضميـري مثقـف=واللي كتب الابيـات رجـل ثقافـي
لعل يسقي بـرك نـون الـى رف=يقبل خيالـه مـن مناشيـه ظافـي
ولفتنـى بـرك ومثـلـه يـوالـف=يفرح به المظيـوم لا جـاه لافـي
حيث ان هله فيهم علـوم توصـف=وصف الشجاعه والكرم واعترافـي
ياطير ياللـي بالجناحيـن رفـرف=احمـل كتابـي وصلـه لا تفافـي
وصّل جواب فـي جفيـره مـزرف=ومبيـن العنوانـ فـوق الغـلافـي
سلم على ما ظم بـرك ومـن لـف=وبلغ سلامي كـل شخـص سنافـي
ونجيت زهره فاركـد ولا تصلـف=تلقى رجـال جارهـا مـا يخافـي
قصيرهم في راس عوصا مشـرف=ويضفي عليه من الكرامـه لحافـي
كلن يقول الجـود عنـدي مخلـف=متخلف(ن) الجود مـن كـل وافـي
بريكية (ن)عند المواجيـب تعـرف=إلى طار ستر المحصنات العفافـي
اهل الكرم والعـز لطامـة الحـف=لطامـة العايـل بحـد الرهـافـي
حمايـة للجيـش فالضيـق لااختـف=إلى اختفت العيـرات درم الخفافـي
نقالـة البلجيـك هـي والمعطـف=لا نشفـت الاريـاق دون الاشافـي
اقول قول(ن)صدق ماهـو مزيـف=مالي هدف كون اظهر الحق وافـي
ادري ان راعي الحق في الحق وقف=يوضي سراج الحق والبطل طافـي
تم الجـواب ومنهجـه مايزيـف=ولاينقـل المعنـى كـون اشترافـي

المشاركة الأصلية كتبت بواسطة ابو زيد الغييثي (المشاركة 345997) بريكية ٍ عند المواجيـب تعـرف=إلى طار ستر المحصنـات العفافـي اهل الكـرم والعـز لطامـة الحـف=لطامـة العايـل بـحـد الرهـافـي حماية للجيـش فالضيـق لااختـف=إلى اختفت العيـرات درم الخفافـي نقالـة البلجيـك هـي والمعـطـف=لا نشفـت الاريـاق دون الاشافـي اررررررررررررررررررررررحب يا بو محسن حي الرجال وحي ما جاب جعل يمناك ما يجيها العطب على هذا النقل المتميز عن لاد البريكي وصح اللسان حمد بن شيبان أخوكـ / ابو زيد http://www.s77.com/3DSmile/07/Gul_007.gif

بريكية ٍ عند المواجيب تعـرف = إلى طار ستر المحصنات العفافي
اهل الكرم والعز لطامة الحـف = لطامة العايـل بحـد الرهافـي
حماية للجيش فالضيق لااختـف = إلى اختفت العيرات درم الخفافي
نقالة البلجيك هـي والمعطـف = لا نشفت الارياق دون الاشافي

الف شكر للشاعر حمد الفهادي وصح لسانة

والف شكر لناشر القصيدة راشد المسعري

وال بريك بيضان وجيه ولاعملو إلا الوجب

تقبلو مروري
ابوزيـــــــاد

المشاركة الأصلية كتبت بواسطة راشد المسعري (المشاركة 346068) المرّحب باقي يابو زيد ومن قال يحيا طال عمرك على طاعة ، وماسوينا إلا جزء من الواجب ويستاهلون بني عمنا الطالة والعلم الغانم ، والعلوم الطيبة ماتضيع عند أهلها وتقبل و دي وتقديري ،،،،

المشاركة الأصلية كتبت بواسطة فيصل بن جزاء (المشاركة 348184) لاهنت ياراشد المسعري وسلمت يمناك وصح لسان الفهادي ويستاهلون بني عمنا ال بريك وهم كفو وجيه الصهبه تقديري واحترامي

المشاركة الأصلية كتبت بواسطة مصيول (المشاركة 346283) يستاهلون ال بريك واهل برك ووالله يستاهلون النعم ومن قديم الطيب يلقاه

المشاركة الأصلية كتبت بواسطة ابو فهد الغييثي (المشاركة 346306) صح السان الشاعر ويستاهلون ال بريك ونعم فيهم علومهم طيبه اول وتالي